متردد فىالسيراتو الجديدة

**amromdiab** · 15-10-2014 09:41 PM

المشاركة الأصلية كتبت بواسطة esam_ayad

ياباشا فعلا أول مره عملت معايا في حدود ال570 كيلو وبقيت فرحاااااان ومندهش جدا.(مع مراعاة اني كنت بحسس علي دواسة البنزين)
تاني تفويله قلبي جمد شويه ودوست علي خفيف علي دواسة البنزين ولقيتها عملت معايا 500 كيلو فقلت مش مشكله برضو تمام ومن ساعاتها والعد التنازلي شغاااااااال.
أقسم بالله العظيم التفويله الأخيره عملت معايا 270 كيلو فقط لا غير.
مش عارف قصة السوفت وير ايه بالظبط بس انا كده كده هاقولوهم علي القصه دي لما أعمل صيانة الـ10 الأف كيلو.

باشااا
انت هتنتظر ليه لحد صيانة 10000
روح التوكيل من دلوقتي

انا عندي مشكلة غريبة في استهلاك البنزين في السلانسية
الإستهلاك بيكون كتير
يعني ممكن امشي من 100 للي 150 كيلو داخل المدينة اللي انا ساكن فيها بشوارعها المكسرة يعني بمشي دايما سلانسية الاقي نص التانك خلص !!!!

متخيل المشكلة...
لكن استهلاكها ع السريع كويس

المهم رحت التوكيل عمل reset للسوفت وير وكمان غير البوجيهات مجانااا
لاقيت كمبيوتر الرحلات كتب لي 644 كيلو بعد ما كان بيعمل 430 قبل كدا

مشيت بعدها والمشكلة ما زالت مستمرة في السلانسية

بفكر اكلم كوريا

**borio1704** · 16-10-2014 12:51 AM

بالنسبة لموضوع استهلاك البنزين.. فالكيا والهيونداي يعتبروا أعلى من المتوسط بشكل عام.. بس الفرق مش بعيد عن المتوسط المتعارف عليه.

وأنا شايف بصراحة إن المسألة طريقة سواقة في المقام الأول

والعربية لو بتمشي في طرق سريعة.. استهلاكها على سرعة ثابتة (90 - 100 مثلا) يعتبر ممتاز.. وممكن توصل لحد 4-5 لتر في ال100 كيلو لو رجلك مشعرة عالبنزين.. وأنا شخصيا باقدر أوصل لحد 3 لتر/100 كم لو ماشي بشكل مثالي... يعني شارع فاضي ومتسفلت كويس وسرعتي في حدود 70 كم/س.

إنما لو رجلك تقيلة وغاوي جري وكل طلعة بتوصل لنص مشوار الدواسة على الأقل.. فالطبيعي إنها تاكل بنزين وبافترا

في مرة كنت بطلع من إشارة وواقف أول واحد.. قلت أديها شد.. لاحظت إن معدل الاستهلاك عالأول وصل حوالي 62 لتر/100 كم.

عموما.. أنا متوسط الاستهلاك عندي حوالي 8.5 لتر/100 كم... وآخر تفويلة المفروض تعمل حوالي 545 كيلو..

...