بفكر اجيب سيراتو خليجي الجديده بس ناس كتيره مقلقنى من العفشه والمطبات وكمان موضوع انها بتتسرق كتير ممكن راى اللى مجربنها؟ وكمان لو تنصحونى بفئه معينه
عرض للطباعة
بفكر اجيب سيراتو خليجي الجديده بس ناس كتيره مقلقنى من العفشه والمطبات وكمان موضوع انها بتتسرق كتير ممكن راى اللى مجربنها؟ وكمان لو تنصحونى بفئه معينه
العفشة ناشفة آه بس نسبياً ، يعني حسب العربية اللي انت سايقها الاول ممكن تحس انها ناشفة شوية و ممكن تحس انها ناعمة ، في العموم هي مش ناعمة و لا ناشفة تضايقك بس في المقابل الثبات جيد جدا
بالنسبة للسرقة الوكيل فيه ايمبولايزر و بعض انواع الخليجي فيها ، يبقى دور على اللي فيها ايمبولايزر و انذار
السيراتو 2015 معايا وعفشتها ناعمة ومافيش مشكلة ومافيش احتكاك بالمطبات حتى وهي محملة.. اتوكل على الله العربية زي الفل
عربية ممتازة انصح حضرتك بشرائها بس ياريت تفكر فى الوكيل بلا الخليجى
من ناحية العفشه فهي كويسه
لكن لو انت رجلك تقيله علي البنزين يبقي اصرف نظر فورا عنها. أنا رجلي تقيله علي البنزين والعربيه بتعمل معايا في التفويله(حوالي تلات ارباع التانك) حوالي 290 كيلو بس وده أكتر رقم جابته وساعات أقل من كده وماشيه 8000 كيلو بس.(أول ماجبتها عدت ال400 كيلو)
طيب موضوع البنزين ده يحصل ازاي
وهو نفس الموتور من 2011في النيو النترا
ومفيش المشكله دي فيها
يعني نفس الموتور في عربيتين
واحده استهلاك عادي .الالنترا
وواحده فيها مشكله في الاستهلاك .السيراتو
هل ممكن يكون السوفت وير بتاع العربيه ليه دخل
ولو هو يبقي الموضوع سهل
لاكن غير كده يبقي ايه ؟
انا لسه جايبها قبل العيد بيومين التفويلة عاملة حوالي 600 كيلو.. !!! انا مستغرب من الأرقام اللي باشوفها هنا
ياباشا فعلا أول مره عملت معايا في حدود ال570 كيلو وبقيت فرحاااااان ومندهش جدا.(مع مراعاة اني كنت بحسس علي دواسة البنزين)
تاني تفويله قلبي جمد شويه ودوست علي خفيف علي دواسة البنزين ولقيتها عملت معايا 500 كيلو فقلت مش مشكله برضو تمام ومن ساعاتها والعد التنازلي شغاااااااال.
أقسم بالله العظيم التفويله الأخيره عملت معايا 270 كيلو فقط لا غير.
مش عارف قصة السوفت وير ايه بالظبط بس انا كده كده هاقولوهم علي القصه دي لما أعمل صيانة الـ10 الأف كيلو.
الالنترا وعن تجربه افضل منها
التفويلة عندى عامله 603 بظبط والعفشه ناشفة فعلا بس نسبية يعنى مش مآثره فى حاجه وعربيه محترمه جدا وبنات شغل بجد بس صراحه مشكلتها الوحيدة ف قطع غيرها غاليه
باشااا
انت هتنتظر ليه لحد صيانة 10000
روح التوكيل من دلوقتي
انا عندي مشكلة غريبة في استهلاك البنزين في السلانسية
الإستهلاك بيكون كتير
يعني ممكن امشي من 100 للي 150 كيلو داخل المدينة اللي انا ساكن فيها بشوارعها المكسرة يعني بمشي دايما سلانسية الاقي نص التانك خلص !!!!
متخيل المشكلة...
لكن استهلاكها ع السريع كويس
المهم رحت التوكيل عمل reset للسوفت وير وكمان غير البوجيهات مجانااا
لاقيت كمبيوتر الرحلات كتب لي 644 كيلو بعد ما كان بيعمل 430 قبل كدا
مشيت بعدها والمشكلة ما زالت مستمرة في السلانسية
بفكر اكلم كوريا
بالنسبة لموضوع استهلاك البنزين.. فالكيا والهيونداي يعتبروا أعلى من المتوسط بشكل عام.. بس الفرق مش بعيد عن المتوسط المتعارف عليه.
وأنا شايف بصراحة إن المسألة طريقة سواقة في المقام الأول
والعربية لو بتمشي في طرق سريعة.. استهلاكها على سرعة ثابتة (90 - 100 مثلا) يعتبر ممتاز.. وممكن توصل لحد 4-5 لتر في ال100 كيلو لو رجلك مشعرة عالبنزين.. وأنا شخصيا باقدر أوصل لحد 3 لتر/100 كم لو ماشي بشكل مثالي... يعني شارع فاضي ومتسفلت كويس وسرعتي في حدود 70 كم/س.
إنما لو رجلك تقيلة وغاوي جري وكل طلعة بتوصل لنص مشوار الدواسة على الأقل.. فالطبيعي إنها تاكل بنزين وبافترا
في مرة كنت بطلع من إشارة وواقف أول واحد.. قلت أديها شد.. لاحظت إن معدل الاستهلاك عالأول وصل حوالي 62 لتر/100 كم.
عموما.. أنا متوسط الاستهلاك عندي حوالي 8.5 لتر/100 كم... وآخر تفويلة المفروض تعمل حوالي 545 كيلو..
...
والله أنا شايف اللي بيحصل مع حضرتك طبيعي جدا
معلش.. مادام العربية ماشية طول الوقت سلانسيه.. متوقع استهلاكها يبقى ازاي؟؟
حتى الأرقام بتاعت 12 لتر/100 كم مش هتقدر توصلها بالطريقة دي.
وأنا قلت لحضرتك قبل كده.. متوسط استهلاك البنزين في السيراتو على الأول حوالي 35 لتر/100 كم.. وعلى التاني حوالي 25
يعني نقدر نقول إنك متوسطك حوالي 30 لتر / 100 كم.. لإن العربية مش بتجيب أكتر من التاني.
والتانك كله 50 لتر على فكرة.
ومع احترامي الكامل لاختيار حضرتك.. بس لو عايز حاجة تمشي بيها على سرعة واطية بالطريقة دي.. ما أعتقدش إن السيراتو وأي عربية تانية في حجمها هتبقى مناسبة ليك أصلا.
حضرتك محتاج عربية أصغر بكتير بدون شك.. وحتى دي هتلاقي استهلاكها عالي بالنسبة للعربيات اللي زيها.. بسبب القيادة البطيئة.
...
استهلاك البنزين الكثير في أي سيارة يرجع لطريقة القيادة
انا كمان محتار جدا عاوز اجيبها بس مقلق من العفشه وكده
انا معايا سيراتو ٢٠١٠ و عاوز ابيعها واجيب ٢٠١٥
كمان عاوز حد يفيدني في القصه الازليه خليجي ولا وكيل
هل الخليجي بس الي بيجي فيها سبويلر علي الشنطه
هل الوكيل فيها مشاكل
السعودي ولا العماني ولا الكويتي
بالنسبة للعفشة لاتقلق نهائي العفشة كويسة جدا وبتستحمل.
اللى معايا ماشية 53 الف ومتبهدلة والعفشة مافيش منها مشكلة خالص