بخصوص الشراء عن طريق عقد بيع مسجل

**smallguy6** · 15-10-2014 03:11 AM

السلام عليكم

فى عربية عايز أشتريها لكن صاحبها مش هو صاحب الرخصة , الرخصة تنتهى فى شهر 3 /2015 وهو ماشى بالعقد بيع المسجل ..معلوماتى محدودة عموما فى عالم السيارات , لو انا عايز أشتريها منه الموضوع هيتم بانهى طريقة ؟
مش هو المفروض انه فى خلال شهر كان ينقل الرخصة باسمه ؟
ولا ايه ؟
يا ريت حد يوضحلى

**PUTTPUTT** · 15-10-2014 10:22 AM

اعتقد والله اعلم برضه انك هاتشتريها منه عادي هو بائع وانت مشتري بس لازم تاخد منه اصل العقد اللي معاه
وكده هايبقى معاك رخصه العربيه الاصلية (بغض النظر عن اسم اللي فيها)
وعقد من صاحب الرخصه الاصليه للراجل اللي هاتشتري منه
وعقد من الراجل ده ليك
وهاتمشي بالعقدين والرخصه عادي

**smallguy6** · 15-10-2014 12:05 PM

المشاركة الأصلية كتبت بواسطة PUTTPUTT

اعتقد والله اعلم برضه انك هاتشتريها منه عادي هو بائع وانت مشتري بس لازم تاخد منه اصل العقد اللي معاه
وكده هايبقى معاك رخصه العربيه الاصلية (بغض النظر عن اسم اللي فيها)
وعقد من صاحب الرخصه الاصليه للراجل اللي هاتشتري منه
وعقد من الراجل ده ليك
وهاتمشي بالعقدين والرخصه عادي

متشكر لردك
بس كده شغل inception

يا ريت لو حد عنده معلومات أكتر يوضحلنا ايه انسب طريقة لحل الموضوع

**ahmedelrayan** · 15-10-2014 12:41 PM

عادى جدا يا باشا مفيش اى مشكلة هو فى العقد المسجل محدش بيمضى فيه مشترى عشان يفضل ماشى بالعربية لحين انتهاء الرخصة لكن لو مضى فيه مشترى هيكون فعلا لازم خلال شهر ينقل العربية بأسمه دلوقتى حضرتك عايز تشترى منه العربية ففيه حلين يأما يعملك توكيل او عقد مسجل بالعقد المسجل اللى معاه يأما تخليه ينقل العربية بأسمه وترخصها مثلا ثلاث سنوات وده بيكون على حسابك انت وبعد كدة يعملك توكيل او عقد مسجل زى ما حضرتك تحب والخلاصة عشان حضرتك مش تتلغبط لو عايز تشترى العربية بالعقد المسجل اللى معاه مفيش فيها اى خطورة نهائى بالعكس معاه عقد مسجل اقوى من ان يكون معاه توكيل خليه يعملك عقد مسجل ليك انت وبعد كدة هتروح المرور بالعقدين المسجلين وتنقل العربية بأسمك ومبروك مقدما

**smallguy6** · 15-10-2014 07:53 PM

المشاركة الأصلية كتبت بواسطة ahmedelrayan

عادى جدا يا باشا مفيش اى مشكلة هو فى العقد المسجل محدش بيمضى فيه مشترى عشان يفضل ماشى بالعربية لحين انتهاء الرخصة لكن لو مضى فيه مشترى هيكون فعلا لازم خلال شهر ينقل العربية بأسمه دلوقتى حضرتك عايز تشترى منه العربية ففيه حلين يأما يعملك توكيل او عقد مسجل بالعقد المسجل اللى معاه يأما تخليه ينقل العربية بأسمه وترخصها مثلا ثلاث سنوات وده بيكون على حسابك انت وبعد كدة يعملك توكيل او عقد مسجل زى ما حضرتك تحب والخلاصة عشان حضرتك مش تتلغبط لو عايز تشترى العربية بالعقد المسجل اللى معاه مفيش فيها اى خطورة نهائى بالعكس معاه عقد مسجل اقوى من ان يكون معاه توكيل خليه يعملك عقد مسجل ليك انت وبعد كدة هتروح المرور بالعقدين المسجلين وتنقل العربية بأسمك ومبروك مقدما

متشكر جدا لتوضيحك , أعتقد الأسلم انه يروح يرخصها بأسمه و أمشى أنا بعقد مسجل جديد لأنى الصراحة مبتدأ و متخوف من أجراءات المرور المصرية , الرخصة تنتهى فى خلال 5 شهور بس , ففكرة ان انا امشى بعقدين لفترة قليلة مش حاببها ...
حاجة كمان لو انا ماشى بعقدين , أجرءات نقل الملكية زى الى ماشى بعقد ولا أصعب ؟

**ahmedelrayan** · 15-10-2014 09:36 PM

المشاركة الأصلية كتبت بواسطة smallguy6

متشكر جدا لتوضيحك , أعتقد الأسلم انه يروح يرخصها بأسمه و أمشى أنا بعقد مسجل جديد لأنى الصراحة مبتدأ و متخوف من أجراءات المرور المصرية , الرخصة تنتهى فى خلال 5 شهور بس , ففكرة ان انا امشى بعقدين لفترة قليلة مش حاببها ...
حاجة كمان لو انا ماشى بعقدين , أجرءات نقل الملكية زى الى ماشى بعقد ولا أصعب ؟

العفو يا باشا واجراءات نقل الملكية بعقدين زى عقد واحد مفيش اى اختلاف

**Mo.Kareem** · 15-10-2014 09:39 PM

هو حضرتك خايف من ايه ؟ الموضوع بسيط جدا العقد زى ما الزملاء قالوا اقوى من التوكيل ، وحضرتك ليه تخلى العربية بأسم حد تانى ؟ ما الراجل يبعلك انقل بأسمك واخلص .

**smallguy6** · 16-10-2014 05:52 PM

المشاركة الأصلية كتبت بواسطة ahmedelrayan

العفو يا باشا واجراءات نقل الملكية بعقدين زى عقد واحد مفيش اى اختلاف

متشكر جدا لردك و ربنا يسهل انشاء الله

المشاركة الأصلية كتبت بواسطة mo.kareem

هو حضرتك خايف من ايه ؟ الموضوع بسيط جدا العقد زى ما الزملاء قالوا اقوى من التوكيل ، وحضرتك ليه تخلى العربية بأسم حد تانى ؟ ما الراجل يبعلك انقل بأسمك واخلص .

متشكر لمشارتك , انا خايف بس من الروتين المصرى والقلق و الوقت المهدر و الفساد الخ ....
ده غير انى مبتدأ ومعلوماتى محدودة جدا

حاجة اخيرة اما أجى لاجراءات نقل الملكية , بتم فى المرور بتاعى و لا بين المرور الاصلى بتاع العربية و المرور الى انا تابع ليه ؟

**Mo.Kareem** · 16-10-2014 06:01 PM

هتتبهدل ما بين المرورين ، ده انت هتشوف ايام ما يعلم بيها اللى ربنا ههههههههههههههههههههههه
ماتخفش انا بهرج معاك بس برضه لازم المرور بتاع العربية والمرور بتاعك

**smallguy6** · 17-10-2014 12:34 PM

المشاركة الأصلية كتبت بواسطة Mo.Kareem

هتتبهدل ما بين المرورين ، ده انت هتشوف ايام ما يعلم بيها اللى ربنا ههههههههههههههههههههههه
ماتخفش انا بهرج معاك بس برضه لازم المرور بتاع العربية والمرور بتاعك

ربنا يسهل انشاء الله