سماعات كينيوود من توكيل احمد عرابى
كنت في توكيل كينيوود امس اللي فى شارع احمد عرابى ومعايا واحد صاحبى كان عايز يركب سماعات لعربيته الفيرنا بس مشكلته انه مش ناوى يغير الكاسيت الفابريقة بتاعها دلوقتى وعايز سماعات علشان السمعات الشمس كلت الرق بتاعها
المهم روحنا والتوكيل ولقينا الاتى
كينيوود 360 وات==== 300 جينه
كينيوود 500 وات==== 400 جينه
الاثنين صناعة صينى
كينيوود 600 وات دبل بيز==== 1050 جينه صناعة اندونيسى
الـ JBL مبقاش ينزل منها البيضاوى الوحيدة اللي موجود الـ 600 watt الدبل بيز ودي بـ 1350 جنيه
اللي موجود كله مدور 16 سم
وكمان لقينا الالباين والانفينتي بس صوتهم كان ايى كلام والرق بتاعهم بلاستيك وماسالتش على اسعارهم
المهم ركبنا الـ 360 وات والصوت اكيد اتغير بس للاسف الكاسيت ضعيف جدا انه يقومهم بكامل قوتهم