عرض للطباعة
دلوقتى انا لايص ما بين سجل التجارى و البطاقة الضريبية و تراخيص مزاولة المهنة و الحى
مش عارف ابدء منين او ازاى و اية المفروض قبل اية
المكان حاليا بيتشطب و مش عايز ابدأ شغل قبل ما اخلص الورق خايف اتعامل مع محامى فى الحاجات دى يمص دمى عن مهو ممصوص
ف محتاج اراء اصحاب الخبرة
اعمل اية و ابتدى منين
اخوكم لايص و مش عايز مشاكل مع اى حاجة حكومة عايز امشى فى السليم
و هل صحيح فى اعفاء ضريبي للمشاريع الجديدة او لما يكون المالك سنة صغير ؟؟
بص يافندم حضرتك بتعمل اوراقك سليمة وده كويس وهيجنبك مشاكل كتير
تخليص الورق انا فعلا جربت ومشيت فيه في تأسيس شركة وتعامل مع مصالح حكومية وبصراحة كانت الخلاصة انك لما تتعامل مع محامي هتوفر على نفسك وقت ومجهود كبير لان المشوار الى بيعمله حضرتك بتعمل في المقابل 3 مشاوير قصاده
طيب الحل انك تشوف الامور السهلة والى ممكن تعملها انت وتعملها والصعب اتوكل على الله واشتري دماغك وشوف محامي يخلصلك الاوراق
اقتباس:
المشاركة الأصلية كتبت بواسطة ayman20100
الف شكر ياباشا على الرد السريع
طيب مفيش عندك اى معلومات عن الضرايب ؟ و الاعفائات
هدفع من امتى و ليا سماح اد اية فى الاول ؟
انت بتدفع ضرائب من تاريخ بداية النشاط
وممكن تخلص كل الورق وتفتح بعدها بسنه وتثبت تاريخ بداية النشاط وده بداية فترة المحاسبة في الضرائب
بس هتقدم اقرار ضريبي وتكتب فيه انك ما بدأتش مزاولة النشاط
وهتحتاج طبعاً ترخيص نادي صحي
وبطاقة ضريبية
وسجل تجاري
تسجيل ضريبة مبيعات
بالنسبة بقى للاعفاءات للاسف ما اعرفش عنها ممكن تكون موجودة بس لحد علمي ما اعرفش
على العموم لو كلمت محامي ابقى اكتب هنا قالك ايه بالظبط عشان الناس تقولك لو كان بيتشغلك وبيطلع فلوس بزيادة
ولو احتاجت رقم محامي تسأله انا اعرف واحد ممتاز
بس يفضل طبعاً تسأل اكتر من واحد وتشوف هيقولولك ايه عشان ما يضحكش عليك ..
حضرتك هتبدأ بتأسيس شركة و اسهل و افضلهم عشان تخلص كل حاجة باحترام روح هيئة الاستثمار سواء القاهرة او اسكندرية و في فرع برضه في الاسماعيلية
هتأسس هناك شركة سواء منشأة فردية قانون8 استثمار او شركة حسب شكلها القانوني لو معاك شركاء
لو منشاة فردية بتخلص في نفس اليوم لو رحت الصبح على 10 مثلا و بعدين في نفس المكان بتطلع السجل التجاري و بعدين تدخل مكتب الضرايب تفتح ملف ضريبي و تقدم على بطاقة ضريبية .
نصيحة: لو هتعمل ورقك في هيئة الاستثمار مش محتاج حد يلفلك لأن معظم المكاتب للجهات الاخرى ممثلة هناك في مجمع خدمات الاستثمار بالهيئة.
لو محتاج مساعدة في حاجة قولي