عداد ال rpm عالي

**a7med.7assan** · 22-10-2014 01:08 PM

المشاركة الأصلية كتبت بواسطة mero100

اسف للتأخير في الرد .. بص يا أستاذ احمد .. انا ححكيلك علي اللي حصل معايا بخصوص موضوع ارتفاع مؤشر عداد الrpm بين الغيارات اثناء النقل و احيانا في بدايه الدواره الصبح .. يبدأ من 2 rpm .. رحت التوكيل و علي ما اذكر من سنتين او اكتر .. و العامل بلغ المهندس بالموضوع و المهندس شاف الكيلومتر كان في حدود 10000 كم تقريبا .. و فك بلف الايدل شافه..و قال للعامل حط الماده في الفيشه .. المهم جربت العربيه ظبطت .. و رجعت سألت المهندس ايه الماده دي ..قاللي دي جيل حراري و وظيفته عازل للرطوبه .. المهم العيب اختفي و مظهرش من ساعتها الا مرتين في حوالي سنتين او اكتر .. انا الحقيقه معرفش الجيل الحراري بيتجاب منين .. ممكن استاذ طارق منسق القسم يكون عنده معلومه .

الغريب يا أخي ان من ساعه ما رديت علي مشاركتك و ال rpm عالي عندي بين الغيارات .

ههههههههههههههههههه ده اظاهر بالعدوى بقه .... على العموم هحاول اوصل لاستاذ طارق يمكن الاقى عنده المعلومه ... ولو عرفت هبلغك عشان يمكن تحتاجه تانى ولو انى بفكر اغير البلف وجيب من الاخر ... وربنا كريم
وشكرا ليك مره تانيه

**Hossam Elhawy** · 22-10-2014 03:33 PM

والله أعضاء محترمين ومنتدي محترم جداً، متابع جدا ًوعلطول بعمل اللي حضراتكم بتقولوا عليه، وهشوف بقي موضوع الجيل الحراي ده عندي اأو عند بتوعقطع الغيار وهقول للحضراتكم لقيته ولا لأ

**a7med.7assan** · 22-10-2014 03:45 PM

المشاركة الأصلية كتبت بواسطة hossam elhawy

والله أعضاء محترمين ومنتدي محترم جداً، متابع جدا ًوعلطول بعمل اللي حضراتكم بتقولوا عليه، وهشوف بقي موضوع الجيل الحراي ده عندي اأو عند بتوعقطع الغيار وهقول للحضراتكم لقيته ولا لأ

استاذ حسام
ياريت لو لقيته تقولى الله يخليك... وانا عملت موضوع سالت فيه استاذ محمد ممدوح واستاذ طارق ع المشكله ولو يعرفوا نجيب منين الجيل الحرارى ده... تحياتي

**Hossam Elhawy** · 26-10-2014 11:18 AM

المشاركة الأصلية كتبت بواسطة a7med.7assan

استاذ حسام
ياريت لو لقيته تقولى الله يخليك... وانا عملت موضوع سالت فيه استاذ محمد ممدوح واستاذ طارق ع المشكله ولو يعرفوا نجيب منين الجيل الحرارى ده... تحياتي

أستاذ أحمد السلام عليكم
وانا بسأل صديق ليا على الجيل هو معرفهوش بس سألني ليه حكيت على اللي عندي، قالي جربت تشيل حساس عمة الهواء وتشيل وش العمه، قالي عربيتك مخنوقه، قلت له يا عم ايه اللي جاب ده لده، قالي انت خسران حاجه، روحت على العربيه شيلت فيشه حساس عمة الهوا ءوهويت علبه فلتر الهواء، سيبته مفتوح لقيت فعلاً صوتها هدي خالص وفعلاً ظبطت شوية كتير، المهم اشتريت فلتر جديد للهواء وقفلت انا قلت العيب في الفلتر مكتوم رجعت تخنق تاني، فقالي تعال عندي هتلاقى في سده في الجزء الثاني بتاع الفلتر اللي تحت وهروح وهشوف، هو عيب الحركه دي أن العربيهوانت طالع ععلىاالأول بتبرجل شوية، بس ظبطت، والعيب الثاني أن الهوا ءاللي بيدخل الموتور مش نظيف فممكن يبوز الماكينة، بس جرب كده وقولي ايه النظا ،
كل عام وحضراتكم بخير

**a7med.7assan** · 26-10-2014 02:43 PM

استاذ حسام بارك الله فيك

بس الحقيقه انا مش عارف ايه هو حساس العمه ده ... بس اكيد عارف فلتر الهوا وعلبته ... لو تقصد انى افتحه ونظفته جارى العمل يا باشا... وياسيدى هغيره خالص ... بس العربيه مش مكتومه خالص مفيهاش مشكله غير اللى انت عارفها ... فلو تقصد حاجه تانيه ياريت تشرحلى يواش يواش :)

**Hossam Elhawy** · 27-10-2014 02:11 PM

المشاركة الأصلية كتبت بواسطة a7med.7assan

استاذ حسام بارك الله فيك

بس الحقيقه انا مش عارف ايه هو حساس العمه ده ... بس اكيد عارف فلتر الهوا وعلبته ... لو تقصد انى افتحه ونظفته جارى العمل يا باشا... وياسيدى هغيره خالص ... بس العربيه مش مكتومه خالص مفيهاش مشكله غير اللى انت عارفها ... فلو تقصد حاجه تانيه ياريت تشرحلى يواش يواش :)

بص يا سيدي، أنا بعد البحث لقيت أن من ضمن أسباب علو rpm هو الهواء اللي داخل المنفولد أو البوابة، وده بيبقي سحب أو شفط عشان يدخله الموتور، وده عن طريق الخرطوم اللي بيي منفمن فلتر الهواء والخرطوم اللي أخره البوابه هتلاقى الأسمر الملفوف ده في الخرطوم ده من تحت كده عند النصف في فيشه وفيها حساس بيتشال كده بالضغط عل . سلك حديد كده زي الزرار كده بس اللي انا عملته هويت الكوليه من المسمار العاده الله راكب من عند البوابه وخلعته وسيبته شوية من غير تركيب، فظبط معايا بس انا هروح الميكانيكي اقوله واخد رأيه في الموضوع ده أو حد يفيدنا من زوات الخبرة من المنتدى، وشوف كده منذ تغير الفلتر خالص، وبالتوفيق
ومستني تقولى عملت ايه

**a7med.7assan** · 28-10-2014 10:06 AM

المشاركة الأصلية كتبت بواسطة hossam elhawy

بص يا سيدي، أنا بعد البحث لقيت أن من ضمن أسباب علو rpm هو الهواء اللي داخل المنفولد أو البوابة، وده بيبقي سحب أو شفط عشان يدخله الموتور، وده عن طريق الخرطوم اللي بيي منفمن فلتر الهواء والخرطوم اللي أخره البوابه هتلاقى الأسمر الملفوف ده في الخرطوم ده من تحت كده عند النصف في فيشه وفيها حساس بيتشال كده بالضغط عل . سلك حديد كده زي الزرار كده بس اللي انا عملته هويت الكوليه من المسمار العاده الله راكب من عند البوابه وخلعته وسيبته شوية من غير تركيب، فظبط معايا بس انا هروح الميكانيكي اقوله واخد رأيه في الموضوع ده أو حد يفيدنا من زوات الخبرة من المنتدى، وشوف كده منذ تغير الفلتر خالص، وبالتوفيق
ومستني تقولى عملت ايه

ماشى يا استاذ حسام
جارى التجربه .. وهقولك وصلت لايه ... وهغير فلتر الهواء وشوف الدنيا هيبقى فيهاه ايه .. تحياتى يا باشا

**Viper911** · 30-10-2014 10:42 AM

يا جماعة أبشروا ............
أنا حلت مشكلة ال rpm تماما و الحمدلله و جاري التجربة كام يوم أتأكد الموضوع بقى تمام
و الحل بسييييييييييييييط جدا و غريب في نفس الوقت

**a7med.7assan** · 30-10-2014 11:24 AM

المشاركة الأصلية كتبت بواسطة viper911

يا جماعة أبشروا ............
أنا حلت مشكلة ال rpm تماما و الحمدلله و جاري التجربة كام يوم أتأكد الموضوع بقى تمام
و الحل بسييييييييييييييط جدا و غريب في نفس الوقت

ابوس ايدك الحقنا بيه .. احنا مستنين على احر من الجمر وبلاش جو السسبينس ده :)

**Viper911** · 30-10-2014 01:04 PM

الموضوع بكل بساطه .. أنا فكرت في الموضوع و ايه اللى بيخلي ال rpm يعلى و خصوصا بعد ما العربية بتسخن عادي و كمان على السرعات و قريت في الموضوع لقيت اللى بيتحكم في الموضوع ده الكمبيوتر الخاص بالموتور ده مش عيب فيها و لكن برده هقول ان البرمجه الخاصه بيه و خصوصا في الشيفورليه لانوس مش تمام ...
المهم بقى ايه اللى بيتحكم في السلانسيه بتاع الموتور اللى بيوصله الاشاره من الكمبيوتر ... هو حساس الايدل IDLE CONTROL VALVE ... الفكره في الصمام ده انه يغير من معدل السلانسيه حسب بروده و كذلك الأحمال الكهربائية على الموتور ... يعني العربية لما بتكون بارده في الصبح بيرفع ال rpm شوية عشان تسخن أسرع .... و كمان لما التكييف و الأنوار كلها بتشتغل بيرفع السرعة شوية عشان يعوض الحمل على الموتور ...
كله ده طبيعي و المفروض يحصل في كل العربيات ...
لكن الحاجه الغلط هو لما العربية ميكنش عليها حمل خالص و ماشية على المور و يكون ال Rpm عالي فده بيكون عشان تقليل الانبعاثات و كمان عشان لما تنقل من ترس لترس أو ترجع من وضع المور الى ترس تكون سرعة الموتور قريبه من سرعه الفتيس و ده بيكون مع سرعة العربية و بالتالي في اعتقادهم ان رفع سرعة الموتور بيفيد في الحالات ديه كلها ...لكن بالعكس أنا شايفه بيضر و كمان العربية بحس انها بتجري دايما لوحدها من غير ما أكون دايس بنزين ...
حد هيقولي بطل ترغي و خش في المفيد ..... حاضر حاضر معلش طولت بس لازم أشرح الأول عشان أوصل للنتيجه
اللى أنا بقى عملته اني بكل بساطه دورت العربية و خليت العربية توصل لدرجه حرارة التشغيل و شغلت الأنوار كلها و الكاسيت و لمبه الفرامل و .............. فصلت فيشه حساس الايدل >>
بس كده و بكده لغيت وظيفة الصمام و كمان ثبت وضعه على الحمل و على درجه حراره تشغيل الموتور المثالية
و طلعت أجرب يا معلم .......... انسى احساس تاني تماما على كل السرعات و النقل و كمان طلعت على السريع و جبت 120 و مورت العداد نزل لحد 1100 rpm وفضل عليه بدون أي رجه و لا أي مشكله نهائي و كمان لمبه check engine مش منوره و لا كأن فيه أي حاجه حصلت و ركنت و بطلت و دورت عادي خالص و الدنيا تمام التمام ... :]
حد هيقلولي اللى أنا عملته غلط و هيبوظ و هيعمل ... هقوله أنا قولت أجرب و التجربه نجحت و كمان الحساس ملهوش أي وظيفه غير في التحكم في السلانسيه يعنى لا هيأثر على نسب الخلط و لا على توقيت الشرارة و لا على حاجه نهائي ....
طبعا ليها الحركه ديه سلبيات بيسطه أنا مش انها مشكاه في مقابل الراحه اللى حصلت عليها و كأني سايق عربية تانيه خالص ... و هي ان العربية الصبح محتاجه سنه بنزين عشان أعلى ال rpm شوية لغاية ما تسخن بيسط و بعد كده عادي خالص
و تاني حاجه أنا لسه مجربتهاش مع التكييف لكن أنا حاليا مش بستخدمه و احنا دخلين على الشتا فا لو عمل مشكله مع التكييف يبقى هوصله تاني عادي ....
كل حاجه فيها ميزه و عيب و أنا بالنسبالى التكييف ولا يفرق معايا و كل واحد و راحته

معلش طولت عليكم و اللى يجرب الحركه ديه يكتب النتيجه و يدعيلي ...