كنت عاوز اسال عن ارتفاع العربية عن الارض ولو مركب 5 افراد هتحك ولا لأ فى مطبات مصر الجميلة لانى بعت عربيتى علشان كدة وبفكر فى ix 35 بس اهم حاجة عندى الارتفاع عن الارض
عرض للطباعة
كنت عاوز اسال عن ارتفاع العربية عن الارض ولو مركب 5 افراد هتحك ولا لأ فى مطبات مصر الجميلة لانى بعت عربيتى علشان كدة وبفكر فى ix 35 بس اهم حاجة عندى الارتفاع عن الارض
متابع
مش دى اللى بتحك فى المطبات
اتول على الله واشتريها
يا رااااااااااجل
ده سؤال
النترا اه تحك
ix35 مستحيل
تمنياتي ربنا يريح قلبك و تستقر على افضل عربية تسعدك
تحياتي
شكرا للردود
العربيه ارتفاعها عن الارض 17 سم
طبعا مستحيل تحك فى اى مطب ودى اهم ميزة فى العربيه
انا شارى العربيه من 3 اشهر وعمرها ما حكت فى اى مطب
حمل اى عدد معاك فى العربيه وما تقلقش من اى حاجة
اخبارهاا اية فى الحفر وعين القطط
الدبدبة مالهاش علاقة بعلو العربية عن الأرض
المسألة إن المساعدين والسست ناشفين.. علشان سببين:
أولا: العربية المفروض إنها 4×4... يعني طرق وعرة .. ولازم العفشة تستحمل الخدمة الشاقة.
ثانيا: ارتفاع العربية العالي معناه ارتفاع مركز الثقل ، وده ممكن يكون سبب في ميل العربية بشكل زائد في المنعطفات... والميل ده بيسبب ضعف الثبات بشكل كبير
علشان كده المصممين بيضطروا بنشفوا العفشة علشان السبب ده كمان.
عموما.. نادرا جدا لما تلاقي عربية SUV مريحة.. يكاد يكون مفيش.
لو عايز معلومات أكتر عن أسباب ثبات السيارات... اتفضل وادخل على الموضوع ده:
http://www.nilemotors.net/Nile/375709-a.html
...
رأيي إنك تجرب تركب في الهيونداي والسوبارو الأول وتعمل بيهم تست درايف
وحضرتك اللي هتحدد إذا كانت نشوفية العفشة دي مقبولة بالنسبالك ولا لأ
خلي بالك... مفيش عربية في الدنيا هتديك كل اللي انت عاوزه... المسألة عبارة عن تحديد للأولويات والاستخدام قبل أي حاجة تانية
...
طيب اقرا الموضوع ده يمكن يساعدك
http://www.nilemotors.net/Nile/329150-a.html
...
طب ماتفكر بطريقة معكوسة زي ما انا عملت لان سيارة الاحلام مش موجودة
العربيات الموجودة في الفئة دي هما
تيجو - اسبرنزاv5 - صيني
IX35 - سبورتاج كوري
قشقاي - سوبارو - ياباني
بيجو - سكودا اروبي
استبعد واحدة واحدة لغاية ما تفضل سعيدة الحظ اللي عيوبها انت موافق عليها من قبل ما تشتري وصدقني الفروقات كلها بسيطة
علي فكرة الجميلة ليا ممكن تكون قبيجة ليك لاااااااااااااااااااااااز م تشوفهم عن قرب و علي الاقل تقعد فيهم
اطلع على اى معرض كبير(سمير ريان)مثلا تقريبا كلهم موجودين و اللي ترتاح فيها خلص بدون تردد لان الحب ضروري جدا العقل بس مش كافية
استشير/استخير/ توكل على الله
على فكرة كلهم مش حيحكوا في المطبات وكلهم ناشفين بس مش قوي يعني
تحياتي
والله كلام تمام انا كدة مستبعد الصينى والاوروبى هيفضل الكورى واليابانى انا مستبعد من الكورى الاسبورتاج تفضل ix 35 اليابانى لسة محدش عارف حاجة عن القشقاى بس تقريبا ماتور 1200 تربو يعنى بنزين 95 وعفشة تويست بيم يعنى مش مريحة تفضل السوبارو ضد ix 35
ربنا يعمل اللى فية الخير
سوبارو كتير مخوفنى من قطع الغيار انها مش موجودة حتى فى التوكيل مش مهم غالية بس تكون موجودة على الاقل ix 35 شايف فيها نفسى بس خايف من العفشة لانى كنت راكب ار بى وكانت مراجيح ومش مريحة فخايف تكون الهيونداى كلة زى بعضة
كده خلاصة الكلام
انت انا من شهر ونص
انا كان معايا الالنترا hd يعني صباح النعومة و الحنية ممتازة
و ربنا انعم عليه بــ ix 35 استلمتها امس الاول و ان شاء الترخص يوم السبت
عملت بيها 35كم
المهندسين المهندسين كنت انا اللي سايق
المهندسين الدقي كنت راكب فى الكرسي الامامي
الدقي الجيزة الهرم(دائري) كنت قاعد ورا العربية ناشفة اه بس مش مزعجة انعم من السيراتو الشكل القديم
بكتير طبعا ده تقدير مبدئى مش نهائى
و اخيرا اتمنى لك التوفيق و حسن الاختيار
تحياتى
عملت بها الى الان 9500 كيلو فى 5 شهور و مش عارف
مش قادر احس بالدبدبه اللى بتقولوا عليها
اللى قارفنى فيها هو البنزين بالمقارنه بسيارتى القديمه (تيدا)
انا اسمع ان القشقاي ناعمة جدا
بس مركبتهاش
القشقاي ناعمه بس مش عارفين الشكل الجديد نظامه ايه لان العفشه ورا تويست بي
انا رحت توكيل سوبارو وشفت العربية العربية ضيقة من ورا وراسى كانت خبطة فى السقف ورحت توكيل غبور شفت ix 35 بصراحة تحفة وواسعة وسقفها عالى فأن شاء الله نويت احجزها دعواتكم
ربنا يوفقك