سيارتي فيرنا 2006 كوري ماكينه 1500 فيها مشكلة كستبانات وراح لميكانيكي كان شغال في التوكيل النهارده ونصحه ما يفتحش الماكينه وميغيرهمش وقاله لاتؤذي العربييه في أي شئ ولا تؤثر في السحب ولا تقلل من قيمة السياره وغير له زيت شل الاصفر ولايزال الصوت كما هو بالماكينه- فهل ياتري هذا الكلام صحيح؟
السؤال التاني بقا
المكنه عنده لما بيفتح الكبوت الي حد ما بسم الله ماشاء الله مفيهاش هزه اوي لكن لما بيقعد في العربيه بيحس فيها هزه باينه في الصالون والطاره وصوت العربيه عالي اوي وبتبان الهزه دي اوي في العجله الشمال الخلفيه لو حط ايده عليها ايه راي حضراتكم دي مشكلة ايه؟
السؤال الثالث
فيها حراره بيحسها من عند فرامل اليد كده دي عادي ولا مشكله - وتتحل ازاي؟
السؤال الرابع - معلش بقا اني طولت
الفرامل بتاعة عربيته بتزحف جامد مع العلم انه الكاوش مقاس 14 والتيل جديد ومرجلش اتيل الخلفي والهاند بريك كويسه- دي مشكلة ايه؟ ورحت النهارده جبت الفرده اللي ورا لانها جديده مكان الاماميه اليمين وحاسس بتحسن الفرامل كتير مع وجود زحفه خفيفه من ناحية الشمال وان شاء الله هغيرها في اقرب فرصه فهل ممكن يكون الكاوتش هوا سبب الزحف؟
السؤال الخامس
استهلاك البنزين كام تقريبا في الموديل ده لاني مغير بوجيهات وفلتر بنزين وسيوروعامل صيانه كامله بس حاسس ان استهلاك البنزين عالي
السؤال السادس والاخير
فيه صوت زنه من الطابلوه من ورا الكاسيت كده وكان حاجه معدت بتخبط في حاجه وبتزن كده بس صوت رخم حله ايه ده؟

اسف للاطاله وشكرا