الموضوع: مشكلة الحرارة في بيجو 206

كان عندي مشكله شبيهه شويه بالمشكلة بتاعتك
بس كانت عربيتي بتسخن علي السلانسيه واتضح ان العيب هو وجود هوا في دورة المياه.

المشاركة الأصلية كتبت بواسطة hamedo2003

السلام عليكم
انا عربيتي بيجو 206 2001 1100 سي سي العربية عاملة 150000 كم
الحرارة بتاعة العربية لما اكون ماشي في طريق زحمة بتبقي فوق ال90 وساعات بتوصل 100 او اكتر سنة ولما بشغل التكيف او امشي بسرعة الحرارة بتنزل ل 80
مع العلم اني غيرت طرمبة المياه و شيلت ثرموستات الكوعة و غيرت جوان وش السلندر و عملت غسيل لدورة المياه وحاطط ميه خضرة ومغير الراديتير من سنتين و لسه المشكلة موجودة
اعمل ايه

ولا اي اندهاش غالبا البيجو كله كده انا عربيتي زيرو و بتعمل نفس الحركه في الزحمه و الحر لما بشغل التكييف و بتطلع فوق ال ٩٠ بتلات شرط كاملين طالما الحراره بتنزل مفيش مشاكل بس المهم تبقى قبل العلامه الحمرا بشويه و متقربش عليها

العربية معايا من 2008 وعمر الحرارة ما كانت بتزيد عن 90
طيب ازاي اعرف ان في هوا في دورة المياه

يا حميدو ببساطه كده خلي العربيه تسخن
او حس الخرطوم اللي اللي واصل لغطا الراديتير
لما تسخن العربيه هات فوطه بس تكون تقيله حبتين وافتح غطاء الراديتير بس حذاري ثم حذاري لازم تكون معاك فوطه وتسيب مسافه عشان المياه السخنه لو جات عليك هتبهدلك.
بعد كده اضغط علي الخرطوم اللي قلتلك عليه واستمر في الضغط. لو دورة الميا واخده هوا فهتلاقي فقاقيع الهوا عماله تطلع من الميا افضل اضغط كل شويه لحد ما الفقاقيع تخلص واقفل الغطا كويس وجرب عربيتك بقي في الزحمه او خليها واقفه علي السلانسيه فتره طويله شويه.