احسبها صح تعيشها صح
هل الاعلان دا المكون من حوالى 3 حكايات مختلفة
بيستفزك؟
بيبسطك ؟
بتحس بايه لما بتشوفة
احكى هنا لينا
عرض للطباعة
احسبها صح تعيشها صح
هل الاعلان دا المكون من حوالى 3 حكايات مختلفة
بيستفزك؟
بيبسطك ؟
بتحس بايه لما بتشوفة
احكى هنا لينا
بصراحة اعلان اى كلام
قال اية اسماعيل حافظ على المية ودخل ابنه الحضانة
وعادل قرش على قرش جاب شبكة
لما المرتبات في البلد يبقى متوسطها للمتخرج الحديث من 500 إلى 1500 جنية
يجيب شقة من الى ب300 الف دي في كام سنة؟
صراحه هوا لا بيعمل ده ولا ده
هوا بيضحكني اوي معرفش ليه
وخصوصا لما بيقول لابنه العب كويس :002:
بحس فيه بتخلف فظيع بيضحك بجد :tt2:
ههههههههههههههه مسخرة
الاسقاط النفسى على المشاهد
بيرمى المشكلة عليك انت
لانك بتبزر فى المية - فمش عارف تدخل ابنك حضانة كويسة
لانك بتشترى اكل دليفرى - فدا مشكلتك انك مش عارف تتجوز
لانك بتبزر فى الكهرباء - فمرتبك مش عارف تشترى بيه اساسيات كهربائية لبيتك
لانك بتشترى علبة دواء لما تمرض - فمش عارف تشترى كتب لابنك
يعنى المشكلة فيك نت مش فى الحكومة !
وهل لو الناس عملت كدا المشاكل هتتحل!
اعلان كلام فارغ كله
قال يعني لما يوفر في الدوا هي يشتري كتب
والكام جنية بتوع المية هما الى هيدخلوا ابن سماعيل الحضانة
وال50 جنية بتاعت الكهربا هي الى هتجيب اساسيات كهربا
اما بقى عادل بتاع الشبكة الى مبيجيبش دليفري وحط قرش على قرش جاب شبكة وخلاص مش لازم يتجوز بقى ولا يجيب شقة
توجد كمية من الاعلانات الموجهه لعقل المشاهد تحمل رسالات وتوجهات ملحوظة
كان منها اللى يرحمة اعلان عم سيد
ولازال اعلان مش عاوزين نسلم عيلك (بتاع الراجل اللى عندة عقار ب 2 مليون جنية وشغال على بترينة بياع فى الشارع!!!!)
كلها حجات بتسلى بدل اللب
انا كاتبها فى التوقيع بتاعى :)
احلى تحية لعم شفتورة الى كمان بطل يحط بنزين 80 وقلب عربيته غاز وباع عربيته ال 128 واشترى زيستافا
خليلهم يعملوا ما بدا لهم ( ليس على المجنون حرج )
الحكومة دي عايشة في كوكب تاني
ممكن يا جماعه نتبنى عم شفتوره و نقول مغامراته و كل واحد يدلو بدلوه
انا هاعمل بوست لعم شفتوره و اسألكم ان تساعدو عم شفتوره
الاستاذ سعيد
اللى ميعرفوش هيعرفة من الان
راجل على قد حالة خريج جامعى يعمل فى وزارة التخطيط
الاستاذ سعيد متعود انه كل يوم الصبح متعود يشرب كوباية شاى بلبن
ففى يوم دخل يغلى اللبن
فراح اللبن فار على البتوجاز
بصلة لحظة وفكر وقرر انه مش هيشترى لبن سايب تانى من اللى بيتغلى على البتوجاز
واشترى اللبن فى العلبة الكرتون بتاع المستثمرين اللى بيعلن عنة الفنان المشهور
---صحتك فى العلبة دى---
وبعد اتباع ذلك افتكر انه مبقاش يعيا زى الاول ويروح للدكتور ويصرف فلوس وياخد خصم من الشغل
وهيا سنة واحدة تخيلو بقى
طلع الاستاذ سعيد وهوا نازل من الطيارة الهليكوبتر اما فلته فى المنتجع اللى فوق الجبل اللى الناس بتطلعلة بالتلفريك
ومرات الاستاذ سعيد فتحت البلكونة ومدت نظرها يجى 50 كيلو متر ارض خضراء بتاعت الاستاذ سعيد
وعياله الاثنين جريو يلعبوا على النجيل الاخضر
شفت بقى الاستاذ سعيد كان بيخطط صح ازاى
---- احسبها صح ---- تعيشها صح -----
اللى فات دا هوا الجانب الغير حقيقى من قصة الاستاذ سعيد
القصة الحقيقية هيا ان استاذ سعيد فكر ازاى هيصرف على العيال بال 250 جنية اللى بيقبضهم كل اول شهر
- هيعلم العيال ازاى ؟
- هيكسى ويعالج العيال ازاى ؟
- هيسكن فى منطقة كويسة ازاى ؟
- هيدفع فلوس نور ومياه وتليفون ازاى؟
ال 250 جنية * 12 شهر = 3000 جنية
الاستاذ سعيد فكر وعرف ان مرتبة فى سنة يادوب يجيب عدة موبيل حديثة
الاستاذ سعيد فكر فى الاعلان ( احسبها صح -------- تعيشها صح)
الاستاذ سعيد قال احسبها صح
فكر واتقد زناد فكرة على تسريب معلومات عملة الى المستثمريين
لما يعرف ان اراضى زراعية هتتدخل كوردون المبانى يطلع بعد الشغل يبلغ بيها مستثمر عقارات كبيير وياخد منه 100 الف جنية عن المعلومة الواحدة
فيجرى المستثمر يشترى من الفلاحين الغلابة الفدادين بتراب الفلوس
وبعد عام تطلع كوردون مبانى ويرتفع سعر الارض
استاذ سعيد طور الموضوع وبقى بيشوف الكبارى الجديدة والمرافق الجديدة وبيسرب المعلومات وكلة بحسابة
وبعد سنة واحدة :
طلع الاستاذ سعيد وهوا نازل من الطيارة الهليكوبتر امام فلته فى المنتجع اللى فوق الجبل اللى الناس بتطلعلة بالتلفريك (على فكرة خدها هدية)
ومرات الاستاذ سعيد فتحت البلكونة ومدت نظرها يجى 50 كيلو متر ارض خضراء بتاعت الاستاذ سعيد
وعياله الاثنين جريو يلعبوا على النجيل الاخضر
شفت بقى الاستاذ سعيد كان بيخطط صح ازاى
الأعلان ده وان كنت لم اراه كثيرا
ولكن اول مره شوفته حسيت للأسف ان القائمين عليه او اللي فكروا في الفكره دي
أنهم عندهم نقص شديد في الأيمان بقول الله عزو وجل
{ ولو أن أهل القرى آمنوا واتقوا لفتحنا عليهم بركات من السماء والأرض ولكن كذبوا فأخذناهم بما كانوا يكسبون } (الأعراف:96)
وقوله تعالى
{ ولا تقتلوا أولادكم خشية إملاق نحن نرزقهم وإياكم } (الإسراء/31)
انا الى عايز اعرفة اية الفايدة من الاعلان دة ياجماعة المشكلة مش فى الاعلان المشكلة فى فلوس الاعلان
الحكومة واخدة الفلوس منى ومنك من الضرايب الى بندفعا يعنى بنتسرق عينى عينك
فلوس الاعلان لو كانت راحت لاهالى الدويقة ماكنتش حصلت الكارثة على دماغهم
يعنى حمامات السباحة والجولف اللى فى القاهرة الجديدة اللى بتتملى وبتفضى كل كام يوم
والمياه اللى بتغسل العربيات وغيرها دى مش مشكلة
المشكلة فى شوية المياه اللى اسماعيل بيحلق دقنه بيهم
ومش عارف مين بيحوش كل شهر 200 جنيه يعنى فى السنه 2400 جنيه
يعنى فى عشر سنين 24000 جنيه يعنى يتجوز على 60 سنه لما يقبض المعاش
هل رأيت الفرق بين مصر و بين الدول العربية ؟
اعلانات احسبها صح - مصر
اعلانات البركة بالشباب و هذه حياتى و هذا دينى
الفرق شتان . واحدة تحسسك بالقرف و السخط و الكوميديا السوداء
و اخرى تسعدك جدا و تتمنى ان يصبح الشباب كله على هذا المنوال .
طبعا هو اسقاط على المشاهد زى ما كلكوا اتفضلتوا و قولتو و فعلا الكام ملطوش على قفاه اللى حايحوشهم المواطن الساذج حايعملوا ايه ؟؟؟؟ عايزين الناس تجرى فى بيوتها تقفل النور و تقفل الحنفيات و تبطل تاكل كمان علشان توفر !!!!
...........خليها تخرب و تولع فى داهية كفاية قرف بقى
الإعلانات غير إنها بترمي سبب ضيق المعيشة على المواطن نفسه (يعني مافيش احتكارات ولا غلاء غير مبرر ولا حاجة .. مياه الحلاقة هي السبب) فيها رسائل سلبية كتير توصل للمشاهد ومنها:
1- تناول الأدوية عشوائياً وعلى مزاجك بدون مراجعة الطبيب، بس بحساب بدل ما تشتري شريطين اشتري شريط واحد
(على فكرة الناس في المناطق الشعبية بيشتروا بالكبسولة كمان مش بالشريط الكامل)
2- دخن واعدل مزاجك وسيبك من حكاية "التدخين ضار بالصحة" .. بس وفرلك سيجارتين في اليوم عشان تجيب التلاجة (مش عشان التدخين حرام ولا عشان هو ضار بالصحة لا سمح الله).
3- ممكن تشتري اللي انت عاوزه بالتقسيط .. مش مهم مع مين وازاي وربا والكلام ده .. المهم تجيب الكومبيوتر لأولادك وتدفع القسط.
أنا شايف إن الإعلان غير إنه غبي في أسلوبه .. وراه رسائل غير مباشرة وسلبية أخطر من مضمون الإعلان السطحي
انا لما اعدت اقول اقتصد و اضغط النفقات لقيت بالعافيه هوفر 300 او 400 جنيه
قلت موش طالبه ماجاتش على دول
الكام ملطوش دول يروحوا احسن ما اقعد اضيق على نفسى
انا قريت مره تحليل عن ليه اللبنانى بياخد مرتب اكبر من المصرى فى حتت كتير
قالو ان المصرى بيوفر فى كل حاجه و يقتصد عشان يحوش و يرجع
اللبنلنى بيروح يعيش و يصرف فسقف المرتب اللى بيكون عايزه اعلى
انا طبقت ده هنا
و لحد ما ناجح الموضوع
اللى بيعملوا الأعلانات دى شويه موظفيين حكومه أغبيه من اللى قاعدين على المكاتب
ومن كتر قعدتمهم أقصدى نومهم الععنكبوت نزل من السقف وعشش فى راسهم فأنتجوا الأعلانات المتخلفه دى
وبقينا مسخره على الفضائيات
الفكرة مقبولة لكن التنفيذ ابله....ففي دول الخليج و من زمان كانوا بيعملوا توعية بترشيد الاستهلاك في الطاقة مياه او كهرباء و حتى التليفونات
مع ان المرافق هناك بالهبل و الضغط عليهم مش كبير ابدا و الفلوس بالكيلو...لكن الافتصاد اكيد مطلوب لحماية البيئة و الحفاظ على البنية التحتية و خفض تكاليف الصيانة الدورية و السنوية و خلافه و دي سمة من سمات الشعوب المتحضرة بعيد عن منطقتنا طبعا
و لو بصينا لتصرفاتنا كمصريين هنلاقينا بنعمل تصرفات بشعة في منتهى الجهل....زي لما نرش مية في الشارع علشان الطراوة قدام القهوة..فيما انه المية دي بتكللف الدولة فلوس قد كده دعم علشان تتعالج و توصل للناس و على الرغم من كده كمان في ناس كتيير في مصر مبيوصلش لبيوتها مية صالحة للشرب...و الكهربا كمان نفس الفكرة
ده في وسط ازمة رغيف العيش دي و في ناس بتستعمله كعلف!! علشان هوة احيانا كتيير ارخص من العلف!! و الاوتوبيسات الل بتفضل شغالة بالساعات و واقفة في المواقف بدون حركة
الترشيد مش عيب ابدا بل و لو قمنا بيه جميعا بلدنا هتتغير جامد...و هنوفر فلوس كتير جدا لو كلنا عملنا كده..و هنحافظ على الدعم ..لكن السؤال هنا...هل المواطن المصري البسيط عنده الوعي بكده؟ او عنده فكرة عن كل ده؟ طبعا الغالبة العظمى معندهمش الوعي بكده...تقوم الحكومة تعمل ايه؟؟
تعمل اعلانات ايحائية محتاجة فيلسوف يحلل الفكرة المختفية داخل الاعلان الركييك و بالتالي لن يوفر الماء و الدواء الا الفلاسفة و المثقفون,,,و في الغالب دول مش لاقيين ياكلوا اساسا و موفريين اوتوماتيك!!
كل ما اقوله ان الفكرة و الهدف في منتهى النبل.....لك التنفيذ في منتهى الغباء
و انا صوت بنعم
لأن 1\2 العمى ولا العمى كلله..............و شكرا
بعد ماتوفر الفلوس دى كلها هتروح للخزينة وهتتسرق من الكبارات والحيتان
يعنى بيمصوا الدم لاخر قطرة
انت توفرليهم وهما يشفطوك
ولك مثال عم سيـــــــــــــــــــــــ ـــــــــــــــــــــــــ د
حلاوتــــــــــــــــــــ ــــــــــــك ياعم سيـــــــــــــــــــــــ ــــــــد
انا ماشفتش الاعلان ده...
بس من كلامكم انه اعلان اهبل و متخلف ذي بقيت الاعلانات....
انا بتنرفز من الاعلانات المتخلفه ديه.....
يحسسوك ان الدنيا حلوه....و ان فلوس الضرائب فعلا بتجيلك تاني علي هيئه خدمات....
خدمات ايه يا ولاد *&^%^#
فين الخدمات ديه....
و توفير ايه اللي بيقولوا فيه ده.....شويه كمان يقولوا كل يوم و يوم علشان توفر كمان....
ديه حاجه في قمه الاستفزاز
انا رائى لو عايزين يقولوا احسبها صح يبئى سيب البلد و هاجر