ارجوكم ساعدونى ضرورى جدا جدا جدا...........
انا والدى يمتلك سيارة بيجو 504 موديل 76 2000 سى سى
كان عاوز يبيعها ويشترى عربية مستعملة بس حديثة يعنى موديل فى التسعينات
وعاوز مساعدتكم فى كذا حاجة
اولا:
سعر العربية البيجو دى كام؟
يعنى حد يثمنهالى ممكن تجيب فى حدود كام ؟
هيا موتور وعفشة جيدة جدا بس الشكل الخارجى فيه خرابيش طبعا شوارع مصر زى الفل
ثانيا:
انا عايزكم ترشحولى عربية فى حدود 60 الف جنيه ومتزيدش عن كدة
ومحتاجها تكون كالأتى:
1- موتور 1600 سى سى (لا يزيد ولا يقل) ويكون شديد وقوى ميفوتش يعنى
2- اعتمادية (يعنى مش اجيبها واصرف عليها كتير)
3- تكون موفرة فى البنزين (انا والدى بيحط فى الاسبوع حوالى ب 50 جنيه بنزين دا طبعا 80 وكدة يبقى حاطط صفحتين وشوية فا لو قلنا هيحط ب 60 جنيه 92 يبقى هيحط حوالى 32.5 لتر فهل دول هيكفوه اسبوع)
4- عفشة جامد وتستحمل لانها هتلف كتير فى بنها (شوارعها حلوة)وهتروح حتت مش ممهدة (فلاحين) عشان شغل الوالد ودى المشكلة!
احنا هنا فى البيت محتارين بين 3 عربيات
1- هوندا سيفيك 1998 (1600 سى سى )
2- اوكتافيا 1998 (1600 سى سى ) الشكل القديم A4
3- اوبل فيكترا 1998 (1600 سى سى )
فا يا ريت يا جماعة حد يساعدنى ويقولى نجيب ايه
وعايز اقتراحات يعنى لو فيه عربية موديلها حديث يعنى من 1998_2004بس سعرها ميعديش ال 60 الف جنيه قولولى بس تكون عربية جامدة موتور قوى ويستحمل وعفشة قوية
سؤال خاص للى ساكنين فى بورسعيد
ايه العربيات المناسبة هناك وسعرها يكون حلو (طبعا عربيات معاقين)
يعنى انا عاوز تكلفة العربية بعد فكر الحظر وفلوس المعاق متعديش ال 60 او ال 70 الف جنيه
انا رحت مرة ولقيت (نوبيرا 1 و2_ كيا شوما_اوكتافيا_لافيتا(ماترك )_كورولا 92_لانسر 94_ميراج) ومش فاكر فيه تانى ولا لأ
فياريت ترشحولى كام عربية واسعارهم ايه عشان اقدر احدد
وقبل اى مساعدة احب اشكركم
__________________