سيراتو 2015 بعد صيانة 5000 Km

**hany63** · 16-10-2014 06:29 PM

المشاركة الأصلية كتبت بواسطة engahmadsamy

في صوت صفارة فعلا في الفرامل الخلفية بس مش بيأثر على أداء الفرامل .. وكشفت عليه في الضمان وقالوا هايغيروه بس القطعة مش موجودة حاليا ولما توصل هايكلموني .

معلش ممكن اعرف ايه القطعه اللي هتتغير ؟ عشان انا برضه عندي نفس الصوت

**ahm.mega007** · 16-10-2014 07:03 PM

المشاركة الأصلية كتبت بواسطة devil333

اكتشفت الصوت دا عند كام كيلو و هو مش مفروض الصيانة عند 1000 و 10.000 ازاى 5000

فعلا كلامك صحيح بس من أول صيانه 1000 ليك واحده عند 5000 كيلو ببلاش فرى تروح يعالج العربيه لو فيها حاجه بس الزيت بتغير 10000 كيلو يعنى مش هلعبو ف حاجه

**engahmadsamy** · 16-10-2014 07:18 PM

المشاركة الأصلية كتبت بواسطة hany63

معلش ممكن اعرف ايه القطعه اللي هتتغير ؟ عشان انا برضه عندي نفس الصوت

التيل والطنابير الخلفية .

**DEVIL333** · 16-10-2014 07:37 PM

المشاركة الأصلية كتبت بواسطة ahm.mega007

فعلا كلامك صحيح بس من أول صيانه 1000 ليك واحده عند 5000 كيلو ببلاش فرى تروح يعالج العربيه لو فيها حاجه بس الزيت بتغير 10000 كيلو يعنى مش هلعبو ف حاجه

يعنى لو العربية فيها حاجة ممكن تتغير بعد الالف كيلو بدون تكاليف
اصل انا كان معايا كارينز 2013 و ظهر فيها عيب بعد 3000 كيلو و التوكيل قالى انا مسؤل على اول 1000 فقط

**engahmadsamy** · 16-10-2014 08:06 PM

المشاركة الأصلية كتبت بواسطة devil333

يعنى لو العربية فيها حاجة ممكن تتغير بعد الالف كيلو بدون تكاليف
اصل انا كان معايا كارينز 2013 و ظهر فيها عيب بعد 3000 كيلو و التوكيل قالى انا مسؤل على اول 1000 فقط

لو العربية وكيل . ومعاك كتيب الضمان والعيب عيب صناعة مش سوء استخدام يبقى تروح تخزق عينهم بيه
الضمان بتاعك 100 ألف كيلو او 5 سنين مش ألف بس

**ahm.mega007** · 17-10-2014 12:22 AM

المشاركة الأصلية كتبت بواسطة devil333

يعنى لو العربية فيها حاجة ممكن تتغير بعد الالف كيلو بدون تكاليف
اصل انا كان معايا كارينز 2013 و ظهر فيها عيب بعد 3000 كيلو و التوكيل قالى انا مسؤل على اول 1000 فقط

لا طبعا لو العيب صناعه تغيرها على حسبهم ولكن صيانه 5000 كيلو دى بيبقا تشيك أن على العربيه مجانا كده بس ولو عيب صناعه حصل معاك ف اى حاجه ف العربيه هيعملوه على حسابهم ولكن لو فيها حاجه تلف انت عملو هيحسبوك عليه فهمت

**S O P H O S** · 17-10-2014 09:51 PM

مبروك الصيانة
عقبال ال 50 الف

**SheeroviC** · 18-10-2014 02:23 AM

المشاركة الأصلية كتبت بواسطة ahm.mega007

فعلا كلامك صحيح بس من أول صيانه 1000 ليك واحده عند 5000 كيلو ببلاش فرى تروح يعالج العربيه لو فيها حاجه بس الزيت بتغير 10000 كيلو يعنى مش هلعبو ف حاجه

الف مبروك عالعربيه وربنا يكرمك فيها ويحفظك من شرها...

انا معايا بردو سيراتو ٢٠١٥ خليجي الهاي لاين،،،، هي عامله دلوقتي ١١٠٠ كم وروحت عملت صيانة ال١٠٠٠ كم الحمد لله في كيا الخليجي اللي في الرحاب، الناس هناك محترمه بصراحه وانا اشتركت في شركة aaa اللي مسؤوله عن العربيات الخليجي، انا اشتركت سنتين او ٤٠٠٠٠ كم، لما روحت غيرلي زيت shell و فلتر زيت و كشف عالعفشه و ونضف فلتر وهوا وتكييف و سألني تحب تغير هوا عجل بنيتروجين وغيرت وغسلو في الاخر العربيه، كل ده ببلاش خدو بس فلوس الزيت و الفلتر حوالي ٣٦٠ جنيه،،،،،

ختمولي الكتاب بتاع الضمان تبع شركة aaa و قالولي الصيانه التانيه عال١١٠٠٠ كم، بي مجبوش سيرة اني اروحلهم تاني عال٥٠٠٠ كم؟!!! تاني حاجه انا بصراحه مظهرش معايا صوت الفرامل ده، بس انا لما بفتح الكبرت و بسمع صوت الموتور صوته تمام وكل حاجه بس في صوت تكتكه كده خفيف اوي و سألت اصحابي اللي معاهم كوري من زمان قالولي ده عادي و الرحاب بردو قالولي عادي عشان سير الكاتينه معدن وانا كان معايا لانسر بوما و السير بتاعها كلن كوتش عادي فانا مش واخد عالصوت ده في الموتور، ياريت تطمني يا باشا وجزاك الله كل خير،،،، وشكراً

**SheeroviC** · 18-10-2014 02:30 AM

بردو نسيت اسألك لو انا عايز اعرف اسعار قطع غيار العربيه عشان عايز اقرر اشترك تأمين ولا ممكن اقدر اصلحها على حسابي لقدر الله لو حصل حاجه، في اي طريقه اقدر اجيب بيها كل اسعار العربيه؟

معلش انا تقلت عليك

**mse920** · 18-10-2014 12:25 PM

أنا لما ظهر عندي صوت الفرامل غيرولي التيل والطنابير الخلفية بعد ذل وخناق
والمشكلة ان الصوت ظهر تاني بعد تغير قطع الغيار بحوالي 700 كيلو
مش عارف اعمل ايه علشان الصوت بيظهر ويختفي