افضل محطة بنزين فى الاسكندريه

**Member 18** · 16-10-2014 07:44 PM

السلام عليكم
محتاج بنزينة محترمه فى اسكندرية تغسل السيارة بالكامل وتكشف على الزيوت وتغيرها والكاوتش وخلافه
السياره كانت مرفوعه وانا نزلتها بس مبفهمش فى الحاجات دى
شكرا

**ahmedamgad18** · 16-10-2014 10:43 PM

مش شرط يكون كله فى محطة بنزين واحدة .... لو عاوز تغسل السيارة عندك محطة بنزين محترمين ( عندهم ضمير) وهى توتال المطار ترفع فيها العربية وتغسلها من جوه وبره .. بس هما فى الاكراميات ( اوفر شويه)

فى كمان محطة بنزين موبيل الشاطبى على البحر مباشرا ممكن تغسل فيها العربية ويكشفولك على جميع السوائل وتغير زيت فيها .
اما الكاوتش ممكن عند اى حد بتاع كوتش يكشفلك عليه ... لو عاوز ترصص او تظبط زوايا ويكشفولك برضه على الكاوتش عند بريدجستون ( fit & fax ) ليهم فرع فى لوران على البحر .
واى استفسار انا تحت امرك.

**Member 18** · 17-10-2014 01:09 AM

الف شكر يافندم ، ان شاء الله اروح بكره لبنزينة الشاطبى وبريدجستون علشان يكون طريق واحد ..

**Dr_M_Shaltout** · 17-10-2014 09:16 PM

موبيل ف سموحه أفضل بنزينة للزيوت والسوائل
بالنسبة لغسيل السيارة متغسلش كتير ف المغاسل عشان الخرطوم اندفاعه قوي وبيبوظ البوية بعد فترة خليها قبل المناسبات وشوفلك بواب كويس بيغسل العربية كويس يغسلهالك وراضيه
الكاوتش بيريللي أو بريدجستون وعن نفسي بروح لبيريللي علطول ف الترصيص والنيتروجين
متنساش تكشف على البطارية عند حد بتاع بطاريات