الموبينه الدايو ؟

**zerox2010** · 16-10-2014 10:59 PM

يا جماعه انا كنت مسافر بالعربيه وقفت اريح فى الطريق العربيه كانت شغاله تمام بطلتها نص ساعهودورت لقيت رجرجه جامده فى العربيه وتقطيع فى السرعه البطيئه كل ما اسرع العربيه تسحب ومفيش تقطيع رحت لميكانيكى قالى ده عيب موبينه وقالى هغيرلك سلوك البوجيهات قولتله غيرلى سلوك البوجيهات الاول غيرهم العربيه اتظبطت شويه بس ورانى سلوك البوجيهات لقى 3 سلوك بيطلعو شرار وواحد لا مفيش حد يعرف الموبينه الاصليه تعمل كام؟ ومعلشى انا طولت عليكو وممكن حد يقولى ايه فايده الموبينه ؟ وممكن تخلى العربيه تاكل بنزين كتير ؟

**toshipa** · 17-10-2014 02:56 AM

بسيطة إن شاء الله
فى خيارين امامك لانى حصل معايا نفس الموقف كتير وكنت بشترى موبينة جديدة وفى منها انواع
نوع صينى رخيص مرة اشتريته من 3سنوات كان 350 ج وبعدين مكملش سنه واشتريت بعده كورى ب 550 وفضل شغال سنتين وشوية وجبت بعده موبينة اخرى وقالى انها كورى اشتغلت سنة وغيرتها لانها كانت شغالة كويس بس مخليه لمبة التشك منورة علطول واكتشفت ذلك بعد دوخة لان اللمبة كانت مقلقانى

فى الاخر جبت واحدة استيراد ماركة جى ام اشتريتها ب250 ج من سنة وشعالة كويس ختى الان

فسيادتك انت صاحب الاختيار ودى مشكلة بسيطة وانا بسبب السفر فى الصيف على طريق الساحل ومعايا ولادى اطفال ووقعت فى نفس المشكلة فى طريق مطروح ومن ساعتها مخلى موبينة احتياطى معايا للطوارئ
فاذا كانت اللى معاك بتشغل العربية غيرها واحتفظ بيها احتياطى لان احيانا الموبينة بتقطع خالص الكهرباء الخاصة بتوزيع الشرارة للموتور

ثانيا

سؤالك عن الموبينة فهى البديل عن اللى كان موجود فى السيارات القديمة وكنا بنقول عليه الابلاتين والكندنثر والاسبراتير وكان ايضا معاهم موبينة شكلها اسطونى زى علبة الكنز ودى مازالت موجودة وشغالة فى بعض الموديلات
بخصوص اكل البنزين ليست هى المشكلة انما المشكلة انها ممكن العربية مش هتشتغل من الاصل وطالما عملت كده لابد من تغييرها لانها بتبتدا بتنتيش وبرجلة وتبطيل العربية وهى ماشية وغيره من مشاكل انت فى غنى عنها
هذا ماعرفته فى حدود تجربتى واترك المجال للخبراء فى القسم للشرح اكتر منى فهم اكثر خبرة

**zerox2010** · 17-10-2014 04:56 AM

شكرا ياباشا وانا اتصلت على عزيز توفيق اللى فى التوفيقيه وسألته على الموبينه ال gm قالى ب 650 مش عارف كده غاليه ولا ايه ؟ بس انا هروح اجيبها وخلاص

**toshipa** · 17-10-2014 02:33 PM

هو ده فعلا سعر الاصلى

لان كنت جبتها ب550 ج وطلعت مش اصلى ماكملتش سنة ولمبة التشيك نورت وبعد الكشف على الاسكانر قالو هى السبب لانها طلعت مش اصلية

**zerox2010** · 17-10-2014 04:40 PM

يا جماعه فى حاجه غريبه انا غيرت سلوك البوجيهات وغيرت البوجيهات لقيت العربيه اتظبطت ومفيش اى حاجه بس ياريت حد يقولى فى اربع سلوك خارجين من المبينه اول اتنين بشيلهم والعربيه دايره بيطلعو شرار الاتنين اللى تحت مش بيطلعو شرار هل ده عادى ولا لازم لما اقربهم من المبينه يطلعو شرار ؟

**zerox2010** · 18-10-2014 01:03 AM

فين خبرااااااااااء الدايو ؟؟؟؟

**وائل فريد** · 18-10-2014 11:09 AM

بعد تجربة الاستيراد افضل

**zerox2010** · 18-10-2014 10:31 PM

?????

**egyptiandiver** · 18-10-2014 10:51 PM

أنا جبت يا جماعة ببينة نوع ماليزي مش فكر اسمو كنت ب-185 جنيه من محل في التوفيقية إسمه النشوقاتي، و ربنا هديها لحد دلوقتي :))

**egyptiandiver** · 18-10-2014 10:53 PM

اه جبتها من حوالي يمكن 6 شهور و عامل بيها يمكن في حدود 15 ألف كيلو...

الموضوع: الموبينه الدايو ؟

LinkBack

أدوات الموضوع

عرض

المواضيع المتشابهه

استشاره من رجالة الدايو - بخصوص حاجه مش فى الدايو

اسف جدا يا رجالة الدايو الحقوني في مشكلتي باعتباري كنت من ملاك الدايو معاكو

لخبراء الدايو واهل الخبرة ...... هل الدايو ليها مسمار رجلاش للعلبة الدريكسيون؟؟؟؟؟

الي خبراء الدايو بخصوص الدايو الليجانزا

سؤال لخبراء الدايو أيه رأيكو في الدايو السيلو؟

الكلمات الدلالية لهذا الموضوع

المفضلات

المفضلات

ضوابط المشاركة