إلى خبراء الأوبترا .. مشكلة فى تكييف اوبترا 2006
السلام عليكم
اولا احب اشكر كل اللى الأعضاء المحترمين اللى بيشاركوا بخبراتهم وآرائهم فى حل مشكلات كتير بتقابلينى وبتقابل غيرى واللى فى أغلب الوقت بتبقى أراء سديدة عن تجربة وخبرة وفهم.
عشان ما طولش عليكوا عربيتى اوبترا 2006 مانيوال فجأة وبدون سابق انذار جيت اشغل التكييف لاقيته شغال مروحة يعنى هواء بيدخل بدون أى تبريد بعد ما كان شغال تلاجة رحت كشفت على العربية على جهاز كشف الاعطال لأن كان عندى مشكلة فى إعادة تعريف البوابة (بعيدا عن مشكلة التكييف) بعد ما أحد الأعضاء المحترمين اجزم لى ان البرجلة اللى كانت فى العربية محتاج لإعادة تعريف البوابة وبفضل ربنا كانت فعلا هى دى المشكلة واتحلت واختفت الـ errors الخاصة بالبوابة بعد عمل reactive ووضع العربية مرة تانية على جهاز كشف الأعطال مرة تانية ولكن ظهر error خاص بالتكييف :
P0532 A/C Pressure Sensor Low Voltage
فيا ترى هل الحل فى تغيير السنسور ولا ممكن تكون مشكلة تانية هى اللى مخلية السنسور مش شغال.
وشكرا جزيلا مرة تانية
