الموضوع: امتنع عن شراء اربى 2015 هاتش باك

ربنا يستر عليك وعلينا

المكان : أمام قصر السلام شارع ألبرت الاول _ سموحه _الاسكندرية
الزمان : الاربعاء 15/10/2014 الساعة 1.00 ظهرا
السيارة : كيا ريو هاتشباك بيضاء موديل 2012-2013
الحادث: وده هقوله زي ما شوفته بالعامية
الاشارة واقفه ومرة واحده العربية الكيا بكل سرعتها بترجع للخلف وتخطب عربية لاد بيضاء بقوة
ومرة واحده بتتجه للامام وتخبط عربية سوزكي فان بكل قوتها وتكسر الاكصدام والنمر تقع علي الارض
بنجري ناحية العربية وتاخيلي للوهلة الاولي خناقة بالعربية بين شاب وسواق وبتحصل عادي وفيها الشاب بيضحي باجزاء من عربيته
بس لقينا راجل كبير في حدود 45-50 سنه ومش كبير للدرجة اللي نقول يغلط في السواقة لا ده راجل لس بصحته يعني وبنظره
وبجواره سيده عندها برده نفس السن تقريبا واكيد مراته
النظرة الاولي للعربية الفتيس علي n والهاند مرفوعة
وبسال الراجل هو ميعرفش ايه اللي حصل في العربية
العربية اتحركت لوراء وقدام لوحدها فعلا
ولما الناس شافت كده سابته ومرضوش يخدوا تعويض
نصحته بالكشف عليه في التوكيل وعمل محضر
وركب العربية ومشي عادي مفيش اي نتشه او اي نوع من انواع انعدام مهارة السواقة لديه
تعليقي علي الموضوع ده ف الاول ان الراجل نسي يدي غيار بس بمراجعة مكان الحادث لقيت علامات الهاند في الاسفلت وده معناه انه داس فرامل ولم تستجيب فرفع الهاند بريك
وده معناه ان العربية مشت والهاند مرفوعه والفرامل لم تعمل
انا بذكر الحادثة دي لاني لما قريت الموضوع حسيت انها ممكن تكون مشكلة مش بس مواقف بسيطه لقلة
والله علي مااقوله شهيد

حلها الوحيد ان لو البوابه كهربا بتاعت موتور العربيه ممكن علقت وفتحت عل اخر مره واحده ملهاش حل غير ان بوابه الموتور علقت !

حصلت لواحد ساكن تحتي .. جاري

عربية نيسان صني الشكل الجديد جاب الفتيس علي ال d والعربية دخلت بسرعة كبيرة في الحيطة اللي في الجراج مع ان الفرق بينه وبين الحيطة كان صغير بس خساير العربية كانت كبيرة .. عمل المحضر وكأن شيء لم يكن

المشكلة دي مشكلة كلوك سبرينج ليه علاقة بالايرباج .. هل عربيتك فيها ايرباج؟

طيب هى دواسة البنزين كهربا ولا اكسيراتير على واير لأن هى لو على واير انا ماستبعدش انا تحصل وبتحصل فعلا مع ناس كتير بس لاااااازم الفرامل بتكون اقوى من قوة الماتور يعنى لو حضرتك دوست فرامل على الاخر مستحيل الماتور يبقى اقوى من الفرملة
انما بقى لو هى كهربا فمش عارف الصراحة ممكن تكون ايه لان انا جديد فى دواسة البنزين الكهربا دى بس نفس الكلام بالنسبة للفرامل
وبالنسبة ان عربية تمشى ورا وتطلع ادام وهى على الn فى الفتيس دا مستحيل وحتى لو حصل طيب ايه اللى بيخليها لما تخبط ورا تطلع قدام ؟؟؟؟