امتنع عن شراء اربى 2015 هاتش باك

**aymaneid** · 17-10-2014 12:11 AM

إلى جميع الزملاء المحترمين
والى جميع من هم يريدون شراء هذة السيارة السيئة
والى جميع مالكى الهيونداى بمصر

الرسالة دى مهمة جدا جدا .... ده لا افتراء ولا اى نوع من انواع الدعاية المدفوعة
انا واحد حطيت فلوسى كلها فى عربية ماركة ار بى 2015 هاتش باك ودفعت اخر مليم معايا
عشان اركبها ... ولكن قبل 1000 ك اكتشفت انها اسوء عربية
ممكن اسميها عربية النعش الطائر ....
عربية ممكن تموت وتموت اى حد ادامك بدون ارادتك
كلامى حقيقى .... فى اقل من ثانية تصبح العربية خارجة عن سيطرتك وتسير بسرعة هائلة من الثبات
لتصل لاقصى سرعة لها مع توقف الفرامل تماما .....
وفى اقل من ثانية يا اما انت ميت يا اما موت حد من اللى فى الشارع

الحمد لله الحمد لله .... ان الناس اللى خبطهم بالعربية لسة عايشين
وتغور الاربى ويغور غبور ............ ربنا ينتقم منك فيك وفى عيالك
زى ما جبتلنا عربيات تقتلنا

**Hosam_Optrawy** · 17-10-2014 12:39 AM

حمد الله على سلامتك وسلامة اللى خبطتهم

بس معلش انا مش فاهم حضرتك عندك مشكله في الفرامل ولا تقصد ان الفرامل ضعيفه بشكل عام ولا ايه يعنى ايه اللى حصل

**ashourashour** · 17-10-2014 12:44 AM

انا مفهمتش بردوا

بس لما كان معايا فرنا

لما كنت بعلم حد عليها ممكن تسرقه و تطلع باندفاع شديد عشان هوا مش عارف يسيطر عليها

لو دي مشكلتك ان العربيه بتفط وتامرك من السكون و عربيتك مانيوال اعتقد مع الوقت هتتعود و هتتتحكم فالعربيه

لو اوتوماتيك حساسيه رجلك ليها عامل

اكون معاك قلبا وموضوعا لو دواسه البنزين بتعلق او انت بتسيب بنزين و بتفضل دايسه

ياريت توضخ و تقولنا بعد اذنك دس اول عربيه ولا كنت راكب ايه قبل كدا

وكل حاجه وليها حل

**ashourashour** · 17-10-2014 12:46 AM

يعني انت بتفاجا كان واحد دايسلك بنزين عالاخر و مش بتعرف تفرمل حتى ؟؟؟ انا فهمت صح كدا ؟

**john55** · 17-10-2014 12:55 AM

انا معايا السيدان بقالها 3 سنين معايا هي فعلا زي الصاروخ في طلعتها بس دا بمزاجك وفعلا الفرامل ضعيفه بس مش وحشه وبقدر اسيطر علي العربيه بس اعتقد في الموديل بتاعك 2015 فيها abs اكيد مشعارف ايه اللي حصل لحضرتك بلتفصيل علشان نفهم كلنا والحمد لله انك بسلام

**aymaneid** · 17-10-2014 12:59 AM

اللى حصل شئ غريب مش ممكن حد يصدقه ....
عربية وقفة مكانها ... بمجرد وضع الd ... العربية طلعت لوحدها بسرعة هائلة زى الصاروخ
ولما حاولت ادوس فرامل ماشتغلتش .... طيرت ست وابنها ... ودخلت فى اكتر من 6 عربيات بسرعة جنونية
وكملت شالت واحد راجل كبير .... .......... رغم انها لسة طالعة من صيانة غبور امبارح
وعربية ماعملتش 1000 ك

انا مش عارف اعمل ايه .............. ربنا ينتقم منك يا غبور ويحرق فلوسك وتوكيلاتك بحق ما شوفته النهاردة

**ashourashour** · 17-10-2014 01:03 AM

المشاركة الأصلية كتبت بواسطة aymaneid

اللى حصل شئ غريب مش ممكن حد يصدقه ....
عربية وقفة مكانها ... بمجرد وضع الd ... العربية طلعت لوحدها بسرعة هائلة زى الصاروخ
ولما حاولت ادوس فرامل ماشتغلتش .... طيرت ست وابنها ... ودخلت فى اكتر من 6 عربيات بسرعة جنونية
وكملت شالت واحد راجل كبير .... .......... رغم انها لسة طالعة من صيانة غبور امبارح
وعربية ماعملتش 1000 ك

انا مش عارف اعمل ايه .............. ربنا ينتقم منك يا غبور ويحرق فلوسك وتوكيلاتك بحق ما شوفته النهاردة

اه ده !

**ashourashour** · 17-10-2014 01:04 AM

لا دا موضوع كبير قوي مفروض النيابه و لجنه من كليه هندسه تحقق لما توصل للسبب

**aymaneid** · 17-10-2014 01:08 AM

المشكلة دلوتقى حتى لو صلحتها وحتى لو رحت حماية المستهلك وحتى لو عملت محضر
مافيش خلاص امان ولا نقة انى اركبها من تانى
فعلا العربية سيئة وفيها عيب صناعة
والعيب ده بيطلع فجاة ويختفى ................... دى اسمها النعش الطائر مش عربية

انا بقالى اكتر من 15 سنة بسوق عربيات سواء جوة مصر ولا برة ... عمرى ما شوفت العيب ده فى اى عربية

-

الموضوع: امتنع عن شراء اربى 2015 هاتش باك

LinkBack

أدوات الموضوع

عرض

-

-

-

-

-

المواضيع المتشابهه

بيكانتو 2015 هاي لاين ولا سويفت 2015 هاتش باك

رابيد 2015 هاتش باك

محتاج مساعدة فى شراء سيفيك 94 هاتش باك

مطلوب شراء سويفت هاتش بالك

شراء ميجان هاتش باك

الكلمات الدلالية لهذا الموضوع

المفضلات

المفضلات

ضوابط المشاركة