عايز اروح من الهرم لمدينة نصر النادي الاهلي بالعربية

**yugozeka** · 17-10-2014 06:03 AM

عايز اروح النادي الاهلي مدينة نصر بالعربية من الهرم بس علي فكرة دي اول مرة اروح مدينة نصر اصلا ومعرفش ولا فتحة ومش عايز اركب تاكسي هيقولي 350 جنيه مثلا رايح جاي!! ياريت بالتفصيل الممل انا عارف لغاية كارفور المعادي علي الدائري بس علي فكرة انا مش رايح النادي انا رايح اقضي واجب في ابو زميل ليا توفي فعايز ازوره وياريت الرد بسرعة عشان هروح النهاردة الصبخ ان شلء الله

**mohamed_selim** · 17-10-2014 09:32 AM

كمل بعد كارفور هتلاقى نزلة القطاميه هتنزل و هتلاقى المنزل بيلف كانك راجع و تاخد يوترن (هتلاقى مصنع الانابيب جنبك) و تمشى هتلاقى ميدان تخش فيه شمال و تعدى نفق صغير تحت الدائرى و شويه هتلاقى ميدان تانى تخش برضه شمال و طوالى بس متجريش قوى لان الشارع فيه منزل شديد و تقاطعات ... هتوصل تحت كوبرى تخش يمين اول ما تعدى تحته بس خلى بالك يمين صعب يعنى على طول مفيش مسافه بعد ما تعدى تحت الكوبرى ... تمشى مع الطريق متخشش يمين او شمال هتلاقى جامع السلام على شمالك و اللى قدامك حسن المامون اللى فيه النادى الاهلى هتلف يوترن عشان تكمل طوالى و كمان يوترن فى مصطفى النحاس و طوالى هتوصل النادى الاهلى ....

الطريق ده كويس بس النهارده الجمعه و سوق السيارات و كده ممكن يزحم قوى عند جامع السلام لو هتروح بعد الصلاه فممكن تكمل طوالى على الدائرى و تنزل النفقين اللى هيقابلوك و بعد فندق jw mariot هتلاقى نزلة طريق السويس اتجاه السويس ملكش دعوه بيها و تنزل النزله اللى بعدها اللى هى طريق السويس اتجاه القاهره و الماظه .... و تكمل هتوصل كوبرى ٤.٥ تطلعه و بعديه بشويه خد الحاره البطيئه يمين هتلاقى كوبرى فوق بالعرض تعدى من تحته و تاخد المطلع يمين هيعدى بيك فوق طريق السويس على الاوتوستراد و بعد ما تنزل النادى الاهلى هيكون على شمالك

و بمناسبة النهارده الجمعه انا لو هاجى من الهرم هاجى من وسط البلد واخد صلاح سالم من اوله او ممكن كوبرى اكتوبر من الدقى

**yugozeka** · 17-10-2014 10:28 AM

المشاركة الأصلية كتبت بواسطة mohamed_selim

كمل بعد كارفور هتلاقى نزلة القطاميه هتنزل و هتلاقى المنزل بيلف كانك راجع و تاخد يوترن (هتلاقى مصنع الانابيب جنبك) و تمشى هتلاقى ميدان تخش فيه شمال و تعدى نفق صغير تحت الدائرى و شويه هتلاقى ميدان تانى تخش برضه شمال و طوالى بس متجريش قوى لان الشارع فيه منزل شديد و تقاطعات ... هتوصل تحت كوبرى تخش يمين اول ما تعدى تحته بس خلى بالك يمين صعب يعنى على طول مفيش مسافه بعد ما تعدى تحت الكوبرى ... تمشى مع الطريق متخشش يمين او شمال هتلاقى جامع السلام على شمالك و اللى قدامك حسن المامون اللى فيه النادى الاهلى هتلف يوترن عشان تكمل طوالى و كمان يوترن فى مصطفى النحاس و طوالى هتوصل النادى الاهلى ....

الطريق ده كويس بس النهارده الجمعه و سوق السيارات و كده ممكن يزحم قوى عند جامع السلام لو هتروح بعد الصلاه فممكن تكمل طوالى على الدائرى و تنزل النفقين اللى هيقابلوك و بعد فندق jw mariot هتلاقى نزلة طريق السويس اتجاه السويس ملكش دعوه بيها و تنزل النزله اللى بعدها اللى هى طريق السويس اتجاه القاهره و الماظه .... و تكمل هتوصل كوبرى ٤.٥ تطلعه و بعديه بشويه خد الحاره البطيئه يمين هتلاقى كوبرى فوق بالعرض تعدى من تحته و تاخد المطلع يمين هيعدى بيك فوق طريق السويس على الاوتوستراد و بعد ما تنزل النادى الاهلى هيكون على شمالك

و بمناسبة النهارده الجمعه انا لو هاجى من الهرم هاجى من وسط البلد واخد صلاح سالم من اوله او ممكن كوبرى اكتوبر من الدقى

طيب هو نزلة القطامية دي بعد كارفور المعادي بكام فتحة؟ يعني الفتحة الكام بعد كارفور مكتوب عليها يعني او في علامة ليها

**Astra200** · 17-10-2014 11:58 AM

النهاردة الجمعة
يعني ممكن تا خد كوبري 6 اكتوبر من أوله --- اكيد تعرف توصل لكوبري 6 اكتوبر من الهرم --- وتنزل الاتوستراد (أخر ألكوبري شمال --- ( حتلاقي 3 اتجاهات --- واحد علي طول وواحد يمين وواحد شمال --خد الشمال و حتي لو غلط اسال علي التوستراد اتجاه مدينة نصر ) النادي الأاهلي علي اليمين ( يمين الاتوستراتد بعد شارع مكرم عبيد ---- ما يتوهش خالص لو سالت )