استفسار الى سكان الرحاب (سكان المرحله الثالثه تحديدا)

**khaled_sabry** · 20-10-2014 04:18 AM

طيب استفسار تانى معلشى
احنا شوفنا الورق و اتأكدنا من كل حاجه و الحمد لله
بس السمسار قالى دلوقتى و انتا بتعمل التنازل فى طلعت مصطفى حيخليني اشترك فى النادى اجبارى
فهل فيه طريقه تخليني اعمل التنازل و فى نفس الوقت ما اعملشى اشتراك فى النادى
و بقى بكام اشتراك النادى دلوقتى سواء كاش او تقسيط ؟

**ramymechanics** · 20-10-2014 08:41 AM

النادى من سنة فاتت كان ب 32 الف كاش ... دلوقتى ب 55 الف وممكن تقسط لحد اربع سنين فى كذا نظام ... بس موضوع اجبارى دة مش متأكد منه ممكن تجيب نمرة مجموعة طلعت مصطفى من الدليل و تتصل بيهم ... او تعدى على الجهاز اللى عند بوابة 6 وتسأل عادى

**ramymechanics** · 20-10-2014 08:49 AM

أحب اقولك ... انا من 3 سنين بالظبط ... شارى اخت الشقة دى بس دور أول (بتبقى اغلى بكتير من الرابع) و على جاردن فى مجموعة 53 كنت شاريها ب 515 ألف و مفاصلتش فيها كمان .. بعد سنة بعتها ب 620 ألف و اشتريت شقتى الحالية .. ودلوقتى انت بتقول الدور الرابع ب 730 الف

**khaled_sabry** · 20-10-2014 09:05 AM

المشاركة الأصلية كتبت بواسطة ramymechanics

أحب اقولك ... انا من 3 سنين بالظبط ... شارى اخت الشقة دى بس دور أول (بتبقى اغلى بكتير من الرابع) و على جاردن فى مجموعة 53 كنت شاريها ب 515 ألف و مفاصلتش فيها كمان .. بعد سنة بعتها ب 620 ألف و اشتريت شقتى الحالية .. ودلوقتى انت بتقول الدور الرابع ب 730 الف

احنا بعد الفصال خليناها 725 الف

انا عملت بحث صغير على النت و لاقيت ان فيه اكتر من واحد بيأكد نقطه اشتراك النادى الاجبارى - بصراحه بداءت افكر و اقول اعمل توكيل و اخلص لإن (11 الف نسبه فى طلعت مصطفى + اشتراك نادى 55 الف بصراحه كتييير اوى
بس بصراحه متردد - انا طبعى انى بحب امشى مظبوط و اظبط كل حاجه من الاول و ده فى حجات اقل من دى فما بالك بشقه مكلفانى ده كله !!!

الاسعار ارتفعت بغباء رهيب فى اخر سنه و ده من كلام اكتر من واحد اعرفه شارى هناك و فعلا مش لاقى تفسير لكده و هل حتفضل ترتفع و لا خلاص وقفت على كده
رغم انى كنت متوقع ان الاسعار تنزل شويه علشان تنافسها مع مدينتى !!!

**ramymechanics** · 20-10-2014 10:14 AM

المشاركة الأصلية كتبت بواسطة khaled_sabry

احنا بعد الفصال خليناها 725 الف

انا عملت بحث صغير على النت و لاقيت ان فيه اكتر من واحد بيأكد نقطه اشتراك النادى الاجبارى - بصراحه بداءت افكر و اقول اعمل توكيل و اخلص لإن (11 الف نسبه فى طلعت مصطفى + اشتراك نادى 55 الف بصراحه كتييير اوى
بس بصراحه متردد - انا طبعى انى بحب امشى مظبوط و اظبط كل حاجه من الاول و ده فى حجات اقل من دى فما بالك بشقه مكلفانى ده كله !!!

الاسعار ارتفعت بغباء رهيب فى اخر سنه و ده من كلام اكتر من واحد اعرفه شارى هناك و فعلا مش لاقى تفسير لكده و هل حتفضل ترتفع و لا خلاص وقفت على كده
رغم انى كنت متوقع ان الاسعار تنزل شويه علشان تنافسها مع مدينتى !!!

متهيألى الرحاب سعرها هيثبت شوية (مش هيقل) اما تشتغل كوباوندات مونتين فيو و هايد بارك وميفيدا الشغل فيها هيبقى اكبر شوية ... لكن الرحاب هيفضل مكانها السحرى و قربها من البلد مع خدماتها المتكاملة بيغطى على كتير من سلبياتها اللى سببها للأسف المستأجرين والنازحين من اماكن تانية طلبا للراحة والناس اللى بتيجى تتفسح فيها تعتبرها ملكية عامة وتكاسل الجهاز

لكن بردو هتفضل الرحاب ومعتقدش سعرها هيقل فالكام السنة اللى جاية

**MuhamedNabil** · 20-10-2014 11:18 PM

كنت سمعت برده موضوع النادى الاجبارى ده من حد من مكاتب السمسرة و قالى ان البديل انك تكتب تعهد ان لما تتيسر ماديا تستكمل اجرأت النادى بس اهم حاجة ماتفرتش فى التنازل فى طلعت مصطفى عشان ماتغمرش بتمن الشقة

و كلم طلعت مصطفى و اسال فى موضوع النادى وضعه اية لو مفيش امانية مادية حاليا