الرخصه اتسحبت والمرور ضيعها
رخصتي مسحوبه من 50 يوم تقريبا ورحت يوم الاربع اللي فات علشان ارجعها المهم رحت المرور بتاعي وبعد ما جبت الاورنيك وفحصت ( مسحوبه فاميه ) وخلصت الاجراءات دي رحت اشوف الرقم اللي جت بيه المرور علشان خاطر ادفع الغرامه في النيابه المهم المرور قاللي دي مجاتلناش .. رحت مرور البلد اللي اتحسبت فيها الرخصه قالولي احنا بعتناها المرور بتاعك ... رجعت للمرور بتاعي الراجل طلع كل الرخص وفعلا ملقهاش وقالي مجتش قدامك اهو
فالراجل قالي روح اعمل محضر ان رخصتك ضاعت وانا هطلعلك الرخصه دلوقتي وساعتها مش هتدفع المخالفه كمان ..
وفعلا عملت المحضر وهاخد الرخصه الاسبوع الجاي ان شاء الله
دلوقتي بقي انا كده اجرائاتي صح ولا غلط ؟ وبعد كده لو الرخصه وصلت المرور او لقوها او حاجه .. ايه العمل ؟ وساعتها هيبقي ايه التصرف معايا ؟ والغرامه اللي كانت المفروض تتدفع دي كده خلاص ولا ايه ؟