جبت تلفزيون lg 3d وعايز اعرف رائيكم وكام فيلم 3d

السلام عليكم ورحمه الله وبركاته
الحمد لله اشتريت تلفزيون LG LB6230 3D
ب4500 من عرفه جروب . هو مشكلته ان Made in Egypt الخامات مش قوى بصراحه ملمسها حلو بس لما تحرك التلفزيون من مكانه تسمع تزييق وتقطقه بصراحه مستفزه اوى .
هو انا طبعا محتاج اجيب ريسيفر HD عشان الصور وحشه جدااااااااااا عايز اقتراحات حلوة فى حدود ال 500 جنيه .
ال 3d جامد اوى انا جربت مقاطع صغيره عشان الافلام خياليه فى المساحه مش عارف اعمل ايه لو حد يعرف موقع انزل منه افلام 3d بس مشاهد معينه بدل الفيلم كله ياريت.
اخر حاجه واهم حاجه . هل جوده ال 3d بتفرق قوى من جاهز لجهاز يعنى انا جربت موديل LG LA6210 كان ب5500 ومكانش معايا المبلغ ده فجبت ال LB 6230 هل ل 3d بيختلف جامد وهل ممكن ارجعه ؟

موقع ال3D
https://yts.re/browse-movie/0/All/All/0/latest
الموقع دا بينزل 720 , 1080 , 3D
بس طبعا مش كل الافلام ليها 3D
وعلى فكره مساحته حلوه

شكرا على الموقع .
ممكن سؤال ؟ فى بعض الافلام HD 3D مساحتها قليله اوى . زى World war z مساحته كانت 1.8 جيجا . هل ده صورته كويسه ولا لا ؟

الف مبروك التلفزيون

وده موقع ممتاز بالنسبه لى جدا افلام جوده عاليه ومعاها ترجمه ومفيش مشاكل تحميل


أفلام جودة ثلاثية الأبعاد - التورنت العربي

الله يبارك فيك يا استاذ طارق
فعلا موقع جميل وبنزل منه دلوقتى وهجرب واشوف
بس نفسي فى فيلم 2012 بتاع نهايه العالم هيبقي حوااااااااااااار لو 3d

اقتباس:

---

المشاركة الأصلية كتبت بواسطة iwantes350

شكرا على الموقع .
ممكن سؤال ؟ فى بعض الافلام HD 3D مساحتها قليله اوى . زى World war z مساحته كانت 1.8 جيجا . هل ده صورته كويسه ولا لا ؟

---

مبروك الشاشه
بالنسبه للاحجام 2 ولا 3 ولا حتي 5 جيجا ما اعتقدش انها هتكون صورتها كويسه اذا كان الفيلم وقته حوالي ساعتين ما تاخدش افلام اقل من 12 او 15 جيجا اذا كان فيلم وثائقي حوالي ساعه مثلا اعتقد حجم 8 او 10 مثلا هيكون ممتاز لسه اول امبارح واحد صاحبي كان جايب لي هارد وعاوز شويه افلام عليه وطبعا قعد معاي شويه وركبت الهارد بتاعه وكان عليه كام فيلم 3d منهم افاتار وكان حجمه حوالي 12 جيجا وشغلته لقيته الصوره مش كويسه وفيها ذغلله جامده بالنسبه للنسخه الي عندي وحجمها حوالي 47 جيجا واقتنع لما شاف فرق الصوره بين النسختين

فى ناس اعرفها فى منتدى اخر بتبيع افلام ثرى دى كاملة كبيرة الحجم الصغيرة الحجم بتكون متحولة لثرى دى ليست ثرى دى اصلي الاصلي فعلا احجامه كبيرة 20 جيجا ولا اقل قليلا او اكثر كمان دى الى هتستمتع بيها فعلا
لو الفرق بينهم الاتنين السمارت فقط يبقى ملهاش لزمة لان السمارت مش عملى اطلاقا يكفيك فقط سمارت لنك الى بيربط الشيرنج بالكومبيوتر ومن خلاله تشاهد الافلام المتشير عليها فى الكومبيوتر من خلال برنامج plex media
وال جى مكتوب عليها صنع فى مصر لكن هى اصلا ماليزى او تايوانى لكن التقفيل فى مصر فقط اطمن لو مصري يبقى هتبوز بسرعة انت عارف المصري
والريسيفر المناسب هيكون اغلى من 500ج بدك جهاز دريم بوكس بالفين ج عشان تستمتع بالمشاهدة لكن الهاى دفنيشن متاح على الاوربي ليس ع النايل سات فمش فارقة هاتلك حاجة من المشهورة الى ب 500ج لان دول يدوبك يجيبوا الشعبى فى جهاز اعلى شوية بالف جنيه اسمه دريك 7500

اقتباس:

---

المشاركة الأصلية كتبت بواسطة iwantes350

شكرا على الموقع .
ممكن سؤال ؟ فى بعض الافلام HD 3D مساحتها قليله اوى . زى World war z مساحته كانت 1.8 جيجا . هل ده صورته كويسه ولا لا ؟

---

بص يا باشا انا بنزل منو علطول .....الصوره بتاعته جميله جدا ....ومن ساعة ما جبت التلفزيون شغال عليه 3D , 1080
انا الاول كنت بجيب ال 4 جيجا الفيلم بس لما لقيت الموقع دا بقيت اجيب منوا علطول
علما بان الشاشه عندى 47 بوصه يعنى لو الصوره بتاعة الفيلم مش حلوه بتبان علطول
بالاضافه ان الresolution بتاعته التليفزيون بيقدر يعرضها عن طريق الفلاشه....لما كنت بنزل ال4 جيجا كان لازم اول اللابتوب بالتلفزيون علشان اتفرج لان التلفزيون ماكنش بيرضى يعرضها ,انما دلوقتى بنقل على الفلاشه واعرض علطول
عموما جرب فيلم مش حتخسر حاجه.

شكرا على الردود الجميله.
انا بنزل فيلم Mr. peabody and sherman هو حلو بصراحه هجرب واقولكو
وبفكر 5 Final destination

اقتباس:

---

المشاركة الأصلية كتبت بواسطة iwantes350

الله يبارك فيك يا استاذ طارق
فعلا موقع جميل وبنزل منه دلوقتى وهجرب واشوف
بس نفسي فى فيلم 2012 بتاع نهايه العالم هيبقي حوااااااااااااار لو 3d

---

Download YIFY Torrent for YIFY Movies faster - yify-torrent.org
بص شوف life of p
avatar
final destination
المساحة مش بتأثر قوي علي حسب ال موقع و الشخص ال عملها رب
Download YIFY Torrent for YIFY Movies faster - yify-torrent.org
متتفرجش علي الافلام المترجمة عربي