تخيل مصر الآن بدون ثورة 52

**ahmed.teawater** · 18-10-2014 05:15 PM

المشاركة الأصلية كتبت بواسطة karim alaa

براحه بس حضرتك و متخدش الموضوع شخصى هرد على كام نقطه كده عشان تعرف حضرتك بس ان طريقه نظرك للموضوع معكوسه شويه

اولا الثوره الصناعيه بدائت فى 1840 يعنى من قبل الثوره ب 100 سنه كانت هتتنقلنا امتى و ازاى بتقول من وقت قريب ؟؟

ثانيا خط السكه الحديد بنيته بريطانيا عشان تجارتها لا بنيته لمصر و لا احنا كنا نعرف نبنيه يادوبك نشتغل عليه سواقين فقط و شايالين فمعرفش ده انجاز ازاى :)

ثالثا احنا مديناش بريطانيا قروض بريطانيا عن طريق البنك الاهلى بتاعها كان معاها كل دهب مصر الثروه كلها و لما دخلت الحرب قررت تدى لنفسها قروض منه :) خدته و عشان الشكليات اديتنا ورق بيقول ان ده قرض و بعد الحرب قالت قرض ايه لو ليك فلوس نبقى نديك بيها بضائع او نديك بيها خبرات انجليزيه زى مهما حددو

و اتحداك تجيب مناقشه فى مجلس نواب ولا حكومه عن اعطاء قروض لبريطانيا او لا و اتحداك تجيب اى ورق او وثائق عن اد ايه مده و فوايد القرض ده

يعنى احنا كنا بنتسرق من بريطانيا مش بنديها قروض برعايه النظام الحاكم ساعتها و بدون اى اعتراض :)

( مبيفكركش بحاجه الموضوع ده )

والدى اتعلم فى الثوره بالتعليم المجانى و الناس الى انت ذكرتهم بالترتيب

رفاعه الطهطاوى: قبل الثوره باكتر من 200 سنه و ايام البعثات :) محدش اتكلم على ايام محمد على باشا و البعثات كانت ايام حلوه

احمد شوقى باشا ابن علي أحمد شوقي بك واخد بالك من بك و باشا اتعلم طبعا يا باشا و دخل جامعه سمو الملك اثبات لنفس الفكره محدش بيتعلم بعد الكتاب و الابتدائيه غير ولاد البهوات و البشوات و احنا فلاحين

طه حسين درس فى الازهر قبل البعتثه و الازهر مكانش جامعه فى كل التخصصات زى دلوقتى و عليه اى حد متفوق دينيا او فى اللغه كان ممكن يخش عشان يطلع امام و بس

مصطفى مشرفه : وكان الابن الأكبر لمصطفى مشرفة أحد وجهاء تلك المدينة وأثريائها اخدتش بالك :) طبعا مع العلم انه انسان عبقرى بس اتعلم و دخل جامعه ليه عشان وجهاء و احد اثريائها دى

سميره موسى : كان لوالدها مكانة اجتماعية مرموقة بين أبناء قريته برضه و جهاء و اثرياء و برضه ده مش معناه انها مش عبقريه بس خدت الفرصه ليه ؟؟ عشان ابوها من الوجهاء و الاثرياء

ادى يا باشا شويه النماذج الى ذكرتها كلها تقريبا بتقول نفس الفكره

تعليمنا زباله ماشى الى معاه بكاليروس ممكن يدوبك يبقى معاه اعداديه فى تعليم نظيف ؟؟ تمام على الاقل كلنا معانا الاعداديه دى دلوقتى عكس مكلنا كنا زمان فلاح سيس خرسيس :)

وايام تتخرج تتجوز دى ايام عبد الناصر و السادات لان قبلهم مكنش فى تخرج اساسا لاننا مكنش لينا جامعه و اه كانت الدنيا رخصيه و اشتراكيه و بتاع :)

بس يا سيدى و بقيت الكلام عن فساد البشر نفسهم كان هيبقى هو هو ان مكانش اسؤ بعد مالدنيا تبقى اوسخ و اوسخ

كفايه عليا انك تروح ليبيا تبص على حال الناس هناك اهم مش بيتعلمو التعليم الزباله بتاعنا تخيل بقى من غير شويه النفط كانو بقو ايه

كل كلامى ده مش معناه ان 52 ظبطت كل حاجه بالعكس اخطائهم و خطاياهم لا تعد و لا تغتفر لكنها لفتره صلحت حاجات كتيره و لسه شغاله لحد دلوقتى و بعدين و حتى الان كثير من اثارها السلبيه موجوده

و اوعدك قبل من منموت هتلاقى احفادنا بيضحك عليهم و يقولو فين ايام مبارك

كلام مظبوط :018a1d~146:

**Curbis** · 18-10-2014 05:51 PM

أنا رغم ان من مؤيدي حكم العسكر..... بس مش مؤمن بالكلام اللي بيقول ان لولا ثورة يوليو مكناش هنتعلم والكلام ده

طيب ما هي الدول اللي حوالينا حتى الملكية زي الأردن والمغرب اتعلموا ودخلوا جامعات عادي

وبعدين برة في أوروبا وأمريكا مش لازم كل الناس تروح الجامعة أصلا

**besso** · 18-10-2014 10:00 PM

طب ليه مانخليش السؤوال
ماذا لو لم يحكم الجيش البلاد بعد الثوره وسلمها للشعت؟؟؟

وده اللي محمد نجيب كان عايزه بس عبد الناصر خلص منه

**micromoud** · 18-10-2014 10:49 PM

المشاركة الأصلية كتبت بواسطة pukka

بدون تحيز (وبكل موضوعية)
لو لم يقم ناصر وزملاؤه بثورة 1952
وعلى فرض اننا لسنا عايشين في عهد الملكية
هل حالنا كان بقى نفس الحال ولا كان الامر اختلف؟
اقصد نواحي الفقر والجهل والحرية والديموقراطية
الصناعة والزراعة والتقدم والثقافة والثقل والاحترام الدولي وغيره
هل حالنا كان نفس الحال ولا كان اتغير (للافضل او الاسوء)؟؟
الموضوع للمناقشة ..

اولا هى ليست ثورة هى اسمها انقلاب 52او حركة الضباط الاحرار عشان بس نحافظ على المسميات

الملك فاروق كان ملك فاسد واللى حواليه كانوا فاسدين والبلد كان فيها احتلال والنتيجه الطبيعيه من سىء الى اسوأ ...

**tkamal** · 19-10-2014 09:27 AM

فى نظرى اكبر مساوى ثورةه 52 هو نظام ال 5 فدادين
اكبر رشوة للشعب فى الوقت السابق دفع تمنها اجيالنا من عشوائيات وخراب معمارى

**S.h.a.h.e.r** · 19-10-2014 12:44 PM

اي نظام ليه اللي بيستفيدوا منه وهما اللي بيعملوا علي احياءة وانعاشه
النظام الملكي - كان في سرقة بس كانت جوة البلد وبره البلد - وكان بيعتمد في كل اموره علي الاجانب - تطويره للطرق والمسرح والفنون دا شيء طبيعي لامتاع نفسه - متنساش انهم جايين وارثين الحكم وعاشوا بره فترات طويله من حياتهم
يعني ف الملكيه كل اللي اتعمل كان لمصلحتهم
دلوقتي النظام العسكري - يوجد سرقه للمال العام بطرقة فظة وتهريبها للخارج
كل اللي بيعملوه لمصلحة كبار العسكر والمحافظة علي المقامات والكراسي - من قتل وسرقة ونهب
الملكي والعسكري انظمة علمانية عفنة لا تبحث الا عن شهواتها لان مفيش دين اللي المفترض انه بيردع النفس البشرية ضد الظلم
لو عاوز تعمل مقارنة صحيحة - اعمل مقارنة بين صدر اي من دول الخلافة الاسلامه (اموية - عباسية(ومنها الدولة الايوبية) - عثمانيه) وبين النظام الملكي والعسكري وانت تعرف الفرق لما كنا فعلا اسود وقادة العالم

**Pukka** · 19-10-2014 03:23 PM

استمتعت جدا بكل هذه الاراء القيمة
ولكن هل كتب علينا التخلف والجهل والتوهان الى ما لا نهاية ..
متى نكون امة مدنية حرة متقدمة خيرها لمواطنيها لا لحراسها؟؟؟؟؟؟
هل هناك امل ؟!

**TylerDurden** · 19-10-2014 03:36 PM

معظم المعلومات اللي حضراتكم مشيرنها، مغلوطه، وارجو اننا نبطل فتي. مصر طوال عهد الملكيه منذ الخديو عباس حلمي وهي قائمة علي المعونات والديون اساسا.

**eng_amg** · 19-10-2014 03:38 PM

لو حتخيل مصر لولا لم تقم بها أحداث 52...وعذرا أنا لا أسميها ثورة (رأي شخصي)
كانت لتكمل طريقها للتقدم الإقتصادي الذي هو اصلا كان متقدما جدا.
وبالطبع التقدم السياسي والثقافي.

أما لو تكلمنا عن الجانب العسكري بحكم دورها. فهنا تأتي المشكلة في ميزان القوة الدولية.

- أما أن تكون طائعا للدول العظمى (بريطانيا - أمريكا - الإتحاد السوفيتي وقتها) أو تكون عدوا لهم.

- لو عدو لهم ستدخل مصر في مرحلة تحالفات عسكرية أو حروب وعدم إستقرار لكنها ستظل قوية. أو تكون تابع لأحد معسكرات القوة كما كان الحال أيام الدولة العثمانية وستكون المشاكل سياسية داخلية.

لكن مقدر لمصر أن تسير في مسار معين لأني أتصور أن دور مصر لم يأتي بعد. ولكنه آت وقريبا جدا بإذن الله.

**Mecha** · 19-10-2014 03:40 PM

المشاركة الأصلية كتبت بواسطة pukka

استمتعت جدا بكل هذه الاراء القيمة
ولكن هل كتب علينا التخلف والجهل والتوهان الى ما لا نهاية ..
متى نكون امة مدنية حرة متقدمة خيرها لمواطنيها لا لحراسها؟؟؟؟؟؟
هل هناك امل ؟!

طول مافيه حياه فيه امل
والناس اللي كتبت دي كلها ,كتبت عشان في قلوبهم طموح وامل بالافضل
لو يئست مش هتفكر ولا هتحلم ولا هتكتب