تخيل مصر الآن بدون ثورة 52

**Pukka** · 17-10-2014 10:21 PM

بدون تحيز (وبكل موضوعية)
لو لم يقم ناصر وزملاؤه بثورة 1952
وعلى فرض اننا لسنا عايشين في عهد الملكية
هل حالنا كان بقى نفس الحال ولا كان الامر اختلف؟
اقصد نواحي الفقر والجهل والحرية والديموقراطية
الصناعة والزراعة والتقدم والثقافة والثقل والاحترام الدولي وغيره
هل حالنا كان نفس الحال ولا كان اتغير (للافضل او الاسوء)؟؟
الموضوع للمناقشة ..

**YahiaAshraf** · 17-10-2014 10:26 PM

الصورة دى فيها اللى نفسى اقوله

**بحار** · 17-10-2014 10:35 PM

الخيبة اللى احنا فيه دلوقت بنى .. كانت هاتبقى كحلى .. هوه ده الفرق !!

**Pukka** · 17-10-2014 10:54 PM

المشاركة الأصلية كتبت بواسطة بحار

الخيبة اللى احنا فيه دلوقت بنى .. كانت هاتبقى كحلى .. هوه ده الفرق !!

المهم في الاخر انها (خيبة) بصرف النظر عن الالوان !

**Curbis** · 17-10-2014 11:17 PM

مكنتش هتفرق كتير لسببين

الأول اننا كده كده أكيد كنا هندخل حروب كتير مع اسرائيل لأنها مكنتش هتسيبنا في حالنا وبالتالي كنا هنصرف فلوس كتير على الحروب والنتيجة واحدة

التاني لو مكنتش قامت ثورة يوليو كانت بنسبة ٩٠٪ هتقوم ثورة شيوعية في الستينات زي معظم دول العالم

ولو محصلتش الثورة الشيوعية دي كانت هتقوم ثورة اسلامية في السبعينات أو التمانينات زي إيران مثلا

ولو محصلش ثورة اسلامية فمصر بنسبة كبيرة الوضع السياسي فيها كان هيبقى زي الدول الملكية غير النفطية زي الأردن دلوقت أو المغرب مثلا

**7oda** · 18-10-2014 02:36 AM

مع ان الموضوع قايم على سؤال افتراضى من رأيى ان طريقة التفكير ديه غلط
الثورة نجحت لأن الملكية وصلت لحاله من الضعف و عدم الاستقرار السياسى لدرج استحالة استمرارها
فازاى الدوله هتتقدم تحت حكم نظام ضعيف
كمان لازم نفتكر ان مصر ايام الملك كانت تحت الاحتلال البريطانى

**Karim Alaa** · 18-10-2014 02:55 AM

المشاركة الأصلية كتبت بواسطة yahiaashraf

الصورة دى فيها اللى نفسى اقوله

باشا الله يخليك سيبك من الاحصائيات دى و خليك فى الواقع العملى الواقع ان مجتمع النصف فى المئه هو الى كان متمتع بهذى الثروه فقط لا غير يعنى الدولار يبقى ب 30 قرش 30 جنيه مش فارق معايا و معاك حاجه انا و انت فلاحين ممنوع نخش اعلى من التعليم الاعدادى الا بوساطه ملناش جامعه الا بواسطه

كمجتمع 98% امى يعمل اجيييييييييييييييير على الارض فقط لا غير و عليه مكنش فيه بطاله ممكن سياتك تستغنى عن تعليمك و تنزل دلوقتى تشتغل اجير عند اى حد باقل مرتب ممكن

و عشان اترجملك الاحصائيات دى ترجمه عمليه ايام مبارك كانت اعلى ايام نمو اقتصادى فى البلد

ايه يا باشا كانت ايام حلوه ؟؟؟ كنا متنزهين وة حياتنا متعه

بكره احفادنا هيجيبو احصائيات ايامه و يقولو قال ثوره 25 قال ما الراجل كان ممشيها و الدولار كان ب 5.85 قرش

دى شويه ارقام مكنش مصرى حاسس بيها البهوات اصحاب الاقطاع فقط

لا تعليم لا ثروه لا ملكيه لمصرى اصلي كلنا فلاحين و بس

**sasatony** · 18-10-2014 03:12 AM

المشاركة الأصلية كتبت بواسطة karim alaa

باشا الله يخليك سيبك من الاحصائيات دى و خليك فى الواقع العملى الواقع ان مجتمع النصف فى المئه هو الى كان متمتع بهذى الثروه فقط لا غير يعنى الدولار يبقى ب 30 قرش 30 جنيه مش فارق معايا و معاك حاجه انا و انت فلاحين ممنوع نخش اعلى من التعليم الاعدادى الا بوساطه ملناش جامعه الا بواسطه

كمجتمع 98% امى يعمل اجيييييييييييييييير على الارض فقط لا غير و عليه مكنش فيه بطاله ممكن سياتك تستغنى عن تعليمك و تنزل دلوقتى تشتغل اجير عند اى حد باقل مرتب ممكن

و عشان اترجملك الاحصائيات دى ترجمه عمليه ايام مبارك كانت اعلى ايام نمو اقتصادى فى البلد

ايه يا باشا كانت ايام حلوه ؟؟؟ كنا متنزهين وة حياتنا متعه

بكره احفادنا هيجيبو احصائيات ايامه و يقولو قال ثوره 25 قال ما الراجل كان ممشيها و الدولار كان ب 5.85 قرش

دى شويه ارقام مكنش مصرى حاسس بيها البهوات اصحاب الاقطاع فقط

لا تعليم لا ثروه لا ملكيه لمصرى اصلي كلنا فلاحين و بس

انت جبت المفيد الله يفتح عليك من الاخر كان أغلب الشعب المصري كله شغال اجير عند العائلة المالكة ورجال الاعمال وهنفضل طول عمرنا زي مااحنا ومفيش مجانية التعليم ولا اي حاجة
ثورة 52 ثورة عظيمة بس زيها زي اي ثورة عربية مبتكملش للاخر يعني احنا مشينا الملكية وجبنا ملكية عسكرية محدش ينفع يحكم الا اذا كان معاه الجيش وممنوع رئيس مدني يحكم وادينا شوفنا لما الشعب اختار رئيس مدني( حتي لو احنا مختلفين معاه) الجيش مش هيسمح ان رئيس مدني يحكم البلد ويتحكم فيه لان عقيدة الجيش ده ان هما بيفهموا عن اي شخص مدني وان دي بلدهم

**zorg** · 18-10-2014 04:40 AM

كده كده كنا هنوصل للحال اللى احنا فيه حتى من غير ثورة 52
ودوام الحال من المحال
وزى مالراجل قال بكرة احفادنا يطلعوا يقولوا فين ايام مبارك ويلعن ابو ثورة 25 يناير :)