موقف حصلى ومتضايق صراحة عايز رأيكو

**swimmer25** · 19-10-2014 10:54 AM

أنا هقولك
هو فيه عدم تقدير منه
مفيش مشكلة إن حد يطلب من صاحبه إنه يوصله المطار بس بالعقل
يعني يفكر في الوقت والأعداد وكدا
ولو عدد الأشخاص أكتر مما تتحمله السيارة يبقى يتفق مع حد تاني عربيته أكبر أو يتفق مع إتنين صحابه
إيه يا رجالة أمال الصحوبية ليه !
في نفس الوقت اللي في الخليج ممكن صاحبه يطلب منه يجبله موبايل مثلا لأنه أرخص بردو مفيش مشاكل

شوفوا الكلام الجميل دا في حق الأخ المسلم مش بس الصديق

قال الله تعالى : ( وَافْـعَـلـُوا الْخـَيـْرَ لَعَـلـَّكـُمْ تُفـْلـِحـُونَ)[الحج: 77] .
1/244 ـ وعن ابن عمر رضي الله عنهما ، أن رسول الله صلى الله عليه وسلم قال : (( المسلم أخو المسلم لا يظلمه ولا يسلمه. من كان في حاجة أخيه ؛ كان الله في حاجته ، ومن فرج عن مسلم كربة ؛ فرج الله عنه بها كربة من كرب يوم القيامة ، ومن ستر مسلماً ؛ ستره الله يوم القيامة )) متفق عليه (7) .
2/245 وعن أبي هريرة رضي الله عنه ، عن النبي صلى الله عليه وسلم قال : (( من نفّس عن مؤمن كربة من كرب الدنيا ؛ نفس الله عنه كربة من كرب يوم القيامة ، ومن يسر على معسرٍ ؛ يسر الله عليه في الدنيا والآخرة ، ومن ستر مسلماً ، ستره الله في الدنيا والآخرة.والله في عون العبد ما كان العبد في عون أخيه ، ومن سلك طريقاً يلتمس فيه علماً ؛ سهل الله له طريقاً إلى الجنة. وما اجتمع قوم في بيت من بيوت الله تعالى ، يتلون كتاب الله ، ويتدارسونه بينهم إلا نزلت عليهم السكينة ، وغشيتهم الرحمة، وحفتهم الملائكة، وذكرهم الله فيمن عنده ، ومن بطأ به عمله؛ لم يسرع به نسبه)) رواه مسلم

وبالتالي متزعلش هو بس لم يحسن التقدير أو متعرفش يمكن السفر مش مخليه مركز لأن الغربة صعبة جدا محدش يعرفها غير اللي جربها والأجازة بتخلي حال المغترب متشقلب بس طبعا المفروض متأثرش على التقدير بالنسبة الكبيرة دي

الحل كان لو إنت معندكش مانع في إنك تمشي ال 90 كيلو بعربيتك قضاءا لحاجة صاحبك كنت تقوله العربية مش هتكفي ولو عندك حد تاني يقدر يوصلك معايا مفيش مشاكل يتقسم العدد علي عربيتين أفضل وكدا كان هيقتنع

والحل في موضوع الشقة إنك كنت تطلب منه ثمن إيجارها ولو عايز توجب معاه تعمله تخفيض بسيط ودا في الحالتين حتي لو هو اللي كان هيأجر
دا يعتبر تفريج عن كربة لأن اللي بينزل إسكندرية أو مصيف مش عايز ينزل ولسه يلف عشان يأجر شقة وكدا وخصوصا وهو مغترب ووقته ضيق أوي وبيكون عايز شقة نضيفة
الكلام دا لو إنتوا بتأجروا أصلا وعادي لكن لو مش بتأجروا شقتكم من الأساس لأن فيه ناس بتحب تحافظ علي شققها فمفيش مشاكل إنك تعتذرله
ولو هو عارف إنك مش بتأجر الشقة وبردو طلبها منك يبقى بردو عدم تقدير منه

**mastr_n** · 19-10-2014 04:57 PM

المشاركة الأصلية كتبت بواسطة احمد المصرى

انا لو غلطان غلطان علشان كنت سبب قى عشم زياده من ناس اسف فى الكلمه بارده

يا باشا العشم بحدود مش بالشكل دا وال عايز يوجب مع حد يوجب من جيبه مش من جيب حد تانى ابوك او انت تعبان فى الشقه والعربيه وانت ليك مطلق الحريه فى القبول او الرفض بدون ابداء اى اعزار

المشكلة يافندم ان انا عندى بحس شوية بتأنيب الضمير نفسى اكبر دماغى زى خلق اللة بس مشكلتى ان انا حساس زيادة عن الزوم
وفعلا عندك حق دة عشم بزيادة لابد وان يقابل ببرود اعصاب

وانا مع الثل اللى بيقول هين قرشك ولا تهين نفسك ويأجر عربية احسن