الموضوع: نصيحة لا تؤجر شقتك الا بوصل امانة بقيمة الشقة+عقد موثق+ضمان مع بوليس الاداب

والله أحنا في غابه مش في بلد ، وعشان كدة نصيحتي ليك طلاما القانون مش نافع أجر بلطجيه يطردوهم بالقوة!

بلد تقرف بجد .. واللي هيقولي احسن من غيرها ولا شوفلك بلد تانية هسمعه مالذ وطاب من الشتايم عشان بجد دمي محروقلك

للاسف الكلام اللى بتقوله صح بقت ابسط حاجة فى البلد الاستيلاء على ارضك او شقتك وممكن يستولى عليها بالقانون كمان ده دون الحديث عن مافيات السمسرة وفى الاخر يقولوا لك استثمار عقارى بلا نيلة
يارب اخرجنا من هذه البلاد على خير وبدلنا بخير منها
قصتك دى حصلت مع صديق ليا ورفع قضايا وكلام كتير وفى الاخر جاب كام واسطة كبيرة فى البلد هددوا المستاجر غير كده مكنش عمره هيطلع اصلا وكان زمانه لسة فى سكة القضايا
بس اقولك ايه مفيش قانون ولا في قضاء قضاء فاسد عمال يتهلل له يوميا فى التلفاز ولا كأنه القضاء الالهى

ياريت الناس اللى لها فى سكة البلطجة تعلم الغلابة اللى زينا نتعامل مع البلطجية ازاى ونجيبهم منين لان من الواضح ان الواحد فى البلد دى لازم يبقى عنده البلطجى بتاعه

المشاركة الأصلية كتبت بواسطة 7atem_x

بص اعمل زي ما حقلك ودي متجربة قبل كدا وكان رأي احد المحاميين وتمت بنجاح
هات نجار واكسر الباب وغير الكوالين وجيب ناس كام واحد من معارفك يكونوا شداد واقعدهم فى الشقق واعملهم عقد ايجار جديد بتاريخ قديم وبعدين اعمل محضر فى القسم ان في ناس حاولوا يكسروا الشقة ويتهجموا علي السكان واكتب اسامي النصابين دول فى المحضر .
بكدا البهوات مش حيقدروا يعملوا معاك حاجة , وكمان حاجتهم جوا
تقعد انت بقي وتتشرط عليهم , عايزين حاجتهم يدفعوا ايجار السنتين والكهربا وفلوس المحاميين كمان وبهدلتك
مش عجبهم , يروحوا يشتكوك فى القسم ويرفعوا قواضي
الكلام دا اتعمل وجاب نتيجة بس عايز ناس معاك قلبها جامد تقعد في الشقق

اوعي تعمل كدا لان البلطجية مش هيطلعوا من الشقة بعد طرد الساكن

المشاركة الأصلية كتبت بواسطة magdy_c_c

يا باشا هو عقد ايجار ابتدائى ؟
و عليه شهود و لا لأ؟
طيب كنت بتديهم ايصالات ؟
طيب هم عاملين العين ( الشقة ) للسكن و لا شركة ؟ و حضرتك محددها فى العقد شقة و لا لأ؟
طيب هم بيناموا فى الشقة و لا الشركة دى و لا بيمشوا و يسيبوها ؟
لو بيمشوا اكسر الباب و خدها بالقوة و هات ناس تانية و اعمل عقد ايجار قديم و قعدهم فى الشقة و كل سنة و انت طيب و اللى عاوز اخوه يدور عليه و ممكن تبيع حاجتهم اللى جوة كمان مقابل المصاريف اللى صرفتها مدام الزوق ما بيجيبش نتيجة
باشا عاوزين معلومات كاملة علشان نقدر نساعدك
بص يا باشا أفضل حل ياريت تصور العقد بجميع بنوده و ترفعه

ايوة كنت طبعا بديهم ايصالات لما كانوا بيدفعوا الايجار قبل ما العقد يخلص

الايجار انها ايجار شقة لنشاط شركة

بالنسبة انى اجيب ناس تانية واعلمهم عقد ايجار قديم ..............طيب اش عرفنى انهم هيعملوا زى اللى قبليهم؟؟؟

المشاركة الأصلية كتبت بواسطة 7oda

ياريت حضرتك تدينا تفاصيل

لو انا كتبت ليكم التفاصيل والله العظيم تتعمل فيلم سينمائى ياخد جايزة اوسكار درجة اولى ودة اللى انا بفكر اعملة انى اكتب سيناريو عمارتى واوزعها على السبكى ................. طبعا بهزر عشان اخفف على نفسى وانا هكتب ليكم تفاصيل فى ىالمشاركة القادمة