الموضوع: نصيحة لا تؤجر شقتك الا بوصل امانة بقيمة الشقة+عقد موثق+ضمان مع بوليس الاداب

بسم الله ونبدء التفاصيل بناء على طلبكم وشوفوا مسخرة السنين للروتين فى مصر

المحامى قالى عندى فكرة حلوة انك تخرج الناس ........... انى اجيب لو مؤاخذة واحدة ساقطة من اللى بيروحوا للبهوات اللى عندى واتفق معاها انى افتح الشقة بالقوة وتقعد هيا فى الشقة ولما يجيوا الناس ويحاولوا يدخلوا الشقة البت تطلع تصوت فى العمارة وتلم الناس وتقولوا اتهجموا عليا وتعمل محضر تحرش ليهم وتخوفهم .... عرضت الفكرة على الورثة ورفضوا المبدء انهم يتعاملوا مع واحدة ساقطة خصوصا انها ممكن كمان تعمل زيهم وتغتصب الشقة وكمان المبدء مرفوض لاننا ولاد ناس ومش بنتعامل مع الساقطات


محامى تانى قالى فكرة حلوة بس هتكلفك وهتتبهدل اوى .............. قالى تروج سيادتك تكسر فى السلم العمارة وتعمل كام شرخ وتروح تجيب بتوع الحى يعملوا معاينة وساعتها هيتطلب ترميم للعقار ولازم ساعتها الحى يخلى العمارة من السكان وتطرد الناس بقوة القانون وطبعا انا كمان كساكن لازم انقل عفشى وحاجتى وابهدل عيالى ومراتى وخصوصا ان عندنا مدارس وخلافة............. االمهم لفكرة عجبتنى جدا جدا ........... كسرت فى السلم وعملت كام شرخ فى العمارة ......... تخيلوا حد يتصصور انة يخرب بيتة بايدة عشان يطلع الناس؟؟........... المهم روحت الحى وجيت اطلع رخصة الترميم قالولى بتكلف مبلغ مش فاكرة اوى اقل من 500 جنية طبعا فرحت اوى ..... روحت اعمل طلب رخصة ترميم للاسف لاقيت الامور معقدة جدا وبتوع الحى مش بيطلعوا الرخصة بالساهل وفيها قبض من تحت الترابيزة مبلغ وصل الى 7 الاف جنية عدا ونقدا رشوة يعنى ............. قلت استفغر الله ادفع رشوة واخلص نفسى ولا ااقعد فى جو.الوساخة اللى فى العمارة روحت اتنيلت وتوكلت على الله انى ادفع رشوة ............... (ههههههه اتوكل على الله عشانادفع رشوة) يا خسارة العمرة اللى عملتها يا ولاد .....واخلص و اتفق على مكتب استشارى هندسى للترميم لاقيت طالبين الاف نظير الاشراف الهندسى ناهيك عن مواد البناء والعمال وخلافة ولاقينا نفسنا داخلين فى قصة فوق الخمسين الف جنية للترميم وطبعا المبلغ دة كبير جدا علينا فالفكرة انتهت قبل ما تبدء بكل اسف

فكرت اجيب ناس ويقعدوا فى الشقة ............ طيب مهو ممكن برضة البلطجية يعملوا زى البهوات اللى عندى وابدء فى قصة من اول وجديد فى طرد المستاجرين

تعالوا شوفوا كمان مسخرة كل زمان ومكان مع الكهربا ..........

فكرت اطلب طلب فى الكهربا لرفع عدادت الكهربا عن الشقق الايجار عشان اقعدهم فى الضلمة ............ وكانت مسخرة السنين كلها والكهربا هددتنى وقالولى مينفعش تقطع كهربا الا باذن من هو يستغل العين اى الشقة المؤجرة واحنا لسنا جهه لقضاء المنازعات بين المالك والمستاجر !!! اا ........... طيب قلتلهم اقطعوا الكهربا لعدم سداد ..... قالولى هما قسطوا ديون الكهربا وبيدفعوا حاليا بانتظام وصل بوصل بعد ما خربوها .......... طيب قلتلهم اعمل طلب شيل عداد الكهربا او افصل التيار ا قالولى لو شلنا الكهربا وجينا ولاقينا الناس مركبة كهربا تانى ودة بيحصل كتير جدا فسيادتك هتروح فى داهية لان ساعتها هنعملك محضر سرقة كهربا لان الشقة باسمك وهنتاخد غرامة حمسين الف جنية مع حبس 3 شهور !!!!

فكرت اقطع المياة على الشقق البهوات .......... برضة دخلت فى فيلم وسخ اوسخ من الكهربا كمان

اخيرا مرة لاقيت البيه جايب بنت وطالع بيها عينى عينك ادام السكان والجيران الل فى العمارات التانية قعدوا يسخنوا فيا نت ازاى سايب عمارتك ملوثة كدة وبقت عمارة سمعتها سيئة فى المنطقة وانت لازم تتصرف عشان بناتكم اللى طالعين ونازلين على السلالم لان كدة بناتكم هتتشبة مع البنات الوسخة التانية ......... وسخنونى اوى اوى وكنت على وشك اروح اضرب الراجل ولقاتل لمقتول بس الناس اللى على القهوة على اخر لحظة مسكونى وكتفونى وقالولى هتودى نفسك فى داهية وانت عندك عيال ....

انا قريب لية كان قاعد فى الاماراات وكان بيدفع الايجار بالفيزا كارت ومرة اتاخر يوم واحد فقط فى دفع الايجار اتعملة محضر تانى يوم بدفع غرامة فورية سنة كاملة ...... ساعتها عرفت لية الامارات بقت اماررات ومصر لسة وهتفضل مصر


ودة بعض من القصة المؤلمة بتاعتى اللى ممكن تتتعمل فيلم عند احمد السبكى

المشاركة الأصلية كتبت بواسطة sha2e

موضوع محبط ويجيب لكل الي يدخله احباط
وانا فاكر ان صاحب الموضوع كان عرض مشكلة الكهرباء قبل كده وانا قولتله يعمل ايه بالتحديد فى شركة الكهرباء عشان يشيل عداد الكهرباء
لكن واضح جدا انه استصعب المشوار للكهربا

استصعب المشوار !!!!!!!!!!!!!!!!!!!!!!

ياراجل دة انا مستعد اعمل قرداتى بس اقطع على الاقل الكهربا على ولاد الج..........

انت مش عارف انا حياتى جحيم ازاى مع النجاسة اللى عندى فى العمارة