الـGalaxy Tab S 10.1 و 8.4 نزلوا السوق فعلا لكن أسعار التابات زي ما هي
لما الـ Galaxy Note 4 ينزل هل أسعار الجالاكسي عامة وأسعار النوت تحديدا هتقل ولا هتفضل ماسكة سعرها؟
وشكرا
عرض للطباعة
الـGalaxy Tab S 10.1 و 8.4 نزلوا السوق فعلا لكن أسعار التابات زي ما هي
لما الـ Galaxy Note 4 ينزل هل أسعار الجالاكسي عامة وأسعار النوت تحديدا هتقل ولا هتفضل ماسكة سعرها؟
وشكرا
جالاكسي نوت 4 نزل تقريبا في موبايل شوب ب6500 جنيه ! بس غالبا هتلاقيه في المحلات العادية ب5500 - 6000 لكن النوت 3 سعره نزل عن أول ما نزل ووصل ل4500 جنيه بعد ما كان نازل بحوالي 5500 - 6000 برده نفس سعر النوت 4 الجديد وممكن شوية كده برده يريح ويوصل ل4000 لما النوت 4 ينتشر وسعره يعقل شوية يعني غالبا هتلاقي فرق سعر في حدود 1000 جنيه بين النوت 4 والنوت 3
اعتقد التأثير هيكون موجود لكن مش كبير
يعني النوت 3 لو ب 4500 كمان 3 شهور ممكن يوصل ل 4200 مثلا او 4100
النوت 4 نزل ب 6500 ومعاه جراب s view هديه . ده سعر الوكيل
النوت 4 نزل عندنا بـ 6100 لـ 6250 جنيه ومعالج سامسونج Exynos N910C بالضمان
أبيض وأسود ومش موجود الدهبى
انا عايز الدهبى ياجدعان أعمل ايه؟ :)
محدش يعرف الدهبى هينزل قريب ولا هيطول ولا ايه ؟؟
النوت ٣ ال 4g سعره اليوم بدون ضمان جديد و مبرشم وارد الخليج ٣٩٠٠ جم ...
تحياتى ...
Galaxy Note 4:
الـ 910c:
Exynos 5433
(SM-N910C)
Quad-core 1.3 GHz Cortex-A53 & Quad-core 1.9 GHz Cortex-A57
(SM-N910C)
لكن الـ 910s :
Qualcomm Snapdragon 805
(SM-N910S)
Quad-core 2.7 GHz Krait 450
(SM-N910S)
حزر فزر الـ Galaxy Note 3 المعالج بتاعه كام؟!
Quad-core 2.3 GHz Krait 400
(N9005, N9002)
Quad-core 1.9 GHz Cortex-A15 & quad-core 1.3 GHz Cortex-A7
(N9000)
لا تعليق على الموردين والتجار والتوكيلات في مصر
لأ أقصد معالج (نوت 4 910c ) هو نفسه معالج (نوت 3 ، N9000 )
هو هو. ده أولا.
ثانيًا بقى: فيه نسختين من النوت 4
نسخة فيهم البروسيسور أعلى اللي هي 910S ومواصفاتها:
Qualcomm Snapdragon 805
Quad-core 2.7 GHz Krait 450
ونسخة تانية أبطأ اللي هي 910C ومواصفاتها: اللي هي نازلة هنا في مصر
Exynos 5433
Quad-core 1.3 GHz Cortex-A53 & Quad-core 1.9 GHz Cortex-A57
طيب إيه علاقة التجار والتوكيلات والموردين في مصر بالكلام ده؟
في الغالب كلهم بيستوردوا النسخة الأبطأ في البروسيسور
لأ وكمان بيختاروا النسخة اللي فيها أقل رقم في الذاكرة الداخلية. Internal memory
مثال بسيط من تجربة شخصية:
هتلاقي Galaxy Note 10.1 2014 edition نازل منه بروسيسور 2.3 وبروسيسور 1.9+1.3
تفتكر المستورد المصري العظيم بيستورد أنهي؟ الـ 1.3+1.9 طبعا
وهتلاقي كمان النسخ الموجودة في مصر كلها 16 جيجا فقط، لكن التابلت ده أصلا بينزل 16 و 32 و64 كمان ذاكرة داخلية
فلما تيجي تقارن بين أسعار مصر وأسعار أمريكا (مثلا) هتلاقي إننا بنقارن أصلا بين تليفونين مختلفين
اللي في مصر 1.3+1.9 وذاكرة داخلية 16 جيجا فقط لا غير
واللي برة 2.3 وذاكرة داخلية 32 جيجا
وبرضه المقارنة في صالح الموبايل اللي برة في السعر وفي الإمكانيات!!!
ملحوظة برضه المعالج الـ 1.3 + 1.9 مش أسرع من المعالج الـ 2.7
ليه؟ لأن الجهاز اللي فيه 1.3+1.9 بيشغل معالج واحد فقط والتاني لأ
يعني بيشتغل من الـ1.3 لما تكون استخداماتك بسيطة
ولما تبتدي تشغل آبس كتير وتحمّل عالجهاز بيوقف 1.3 ويشتغل من الـ1.9
غير الجهاز اللي فيه 2.7 ده بيشتغل من معالج واحد سريع من غير ماينقل لبروسيسور تاني فبيبقى أسرع معاك وطبعا واضح إن 2.7 أعلى من 1.9 عامة
حاجة اخيرة حابب اوضحها وهى سامسونج اعلنت بشكل رسمى عن احدث معالج ليها وهو Exynos 7 Octa
وإتضح ان المعالج ده هو هو اللى موجود فى النوت 4 ولكن تقريبا والله اعلم سامسونج كتمت على الخبر
عشان المعالج ده بيدعم بيئة 64 بت عكس المعالج التانى سناب دراجون 805 بيدعم 32 بت فقط
وده مش فى صالحها لو كانت قالت كده عشان مبيعاتها متتاثرش بمعالج السناب
وطبعا نسخة اندرويد 5 المصاصة بيدعم 64 بت وده هيكون فعال اكتر مع نسخة معالج سامسونج عكس معالج سناب دراجون
سامسونج تعلن رسميا عن آخر معالجاتها Exynos 7 Octa
معلومات غير صحيحه جمله وتفصيلا يا باشا المعالج مختلف اختلاف جذري مش علشان التردد واحد يبقي هوه هوه و عمر ما كان سرعه المعالج تقاس بتردده الاهم البنيه المعماريه وزى ما محمد حمدى وضحلك الفرق بروسيسور سامسونج اصلا 64 بت مقارنه بمعالج كوالكوم كل الحكايه انهم قفلوا ال 64 بت لحين اصدار الاندرويد 5 وللمعلومه برده نسخه الاكسينوس هي النسخه العالميه يعني هى النسخه اللي حتتسوق لمعظم دول العالم نسخه كوالكوم ف الاصل لشركات الاتصالات الامريكيه علشان ترددات امريكا ف ال 4 جي كوالكوم بتدعمها اكتر وكام دوله كمان
طب رايكم انا معايا نوت 2
اجيب نوت 3 ولا 4 وهل فرق السعر يستاهل ؟؟
او لو فيه الافضل منهم ياريت ترشيحه
انا اقل سعر شوفتوا هو 5999 جنيه بالضمان فى Dreem2000
Samsung Galaxy Note 4 - Samsung SM-N910S, Samsung SM-N910C, Samsung SM-N910 - مواصفات وصور وعيوب ومميزات وسعر اليوم
اعتقد ممكن يكون فى السراج مول ب5500 جنيه من غير ضمان .....انا كدا كدا عايز انزل واسأل ولو عرفت جديد حبلغكم
نسيت اقول حاجة بخصوص معالج Exynos 7 Octa
انه تم التأكيد انه هو اللى موجود فى النوت 4
وده رابط من موقع سامسونج نفسها وكاتبة جنب مواصفات النوت 4 Exynos 7 Octa
Samsung Exynos
http://www.ce4arab.com/vb7/attachmen...4&d=1413518991
اى خدمة :)
موافقك على كلامك عن النوت 4 لأني ماشتريتوش ولا جربته فهعتمد على التقارير لحد ما نمسكه في ايدينا ونشوف
لكن كلامي عن معالج 1.3+1.9 كان بالنسبة للنوت 10.1 نسخة 2014
وعن تجربة ال2.3 منه أسرع من ال1.3+1.9 لأن النوت ده تحديدا فيه split screen وساعات بييقى تقيل في نسخة 1.3+1.9. نسخة 2.3 بتبقى سلسة وتشغل العفريت :) وكلامي عن المستوردين اللي بينزلوا أقل internal memory حقيقي واسأل أو أكيد انت عارف
وشكرا على كل التقارير قريتهم واستفدت فعلا :)