أي من هذة السيارات المتوفرة حاليا في السوق المصري تفضلها أكثر :
MG 3
proton gen 2
proton persona
brilliance frv
brilliance frv cross
Great wall c30
suzuki swift dzire
chevrolet aveo
fiat punto
Kia picanto
mitsubishi attrage
nissan sunny
hyundai grand i10 sedan
hyundai grand i10 hb
خليك عملي
اوبترا شكل قديم نازلة تاني بتارة مالتي وايرباج و absواحسن من كل دول
يا تجيب بومة زيرو افضل برضو حتي لو كلاسيك
ولو موش مقتنع بكلامي وعاوز تختار من العربيات دي السويفت احسنهم
ال frv cross فى راى افضل من ناحية الاعتمادية ووسائل الامان والحجم المناسب للعائلة وهذا اذا كنت تفضل سيارات الكروس اوفر ذات الشكل الرياضى ولكن اشترى الاوتوماتيك هاى لاين هى الافضل فعلا بين كل هؤلاء , اما اذا كنت تفضل الشكل السيدان فاعتقد ان الميتسوبيشى الاتراج افضل من غيرها بالتاكيد
عموما بالتوفيق وربنا يوفقك الى ماهو ملائم لاحتياجاتك
brilliance frv cross
الشريحة دي يبقي الجين او اوبترا شكل قديم
البيرسونا افضلهم طبعا
صوتي ذهب للبروتون أيضا
بيتهيألى البونتو والبيكانتو
البريليانس كروس او اف اس فى
افضل قيمه مقابل المال
الاوبترا مفيهاش abs ده يضعها في اسفل الشريحة دي لان اغلب العربيات المعرووضة فيها abs +ebd
بس فين البيجو 301 والصني؟
انا اخترت الجين2 والسويفت والبيجو 301 فقط لاغير والباقي كله تحت
السادة الاعزاء
كل عام وانتم بخير
اولاً : انا مدين لسيادتكم بشكر شديد على المعلومات القيمة التى اضيفت لمعلوماتى عن السيارات بصفة عامة .
ثانياً : انا مقبل على شراء سيارة رينو سانديرو اتومتك موديل حديث . ومحتاج رايكوا فيها . وياريت لو حد مجربها يفيدنى . واى معلومات عن مستوى مركز الصيانة واسعار قطع الغيار و الخدمة
مع خالص شكرى وتقديرى
نبيل اسعد
هو حضرتك فيه سانديرو اوتوماتيك ؟؟؟ هل نزلت الى السوق المصرى؟ ولو ممكن مواصفاتها والسعر لان ده خبر جديد فعلااقتباس:
المشاركة الأصلية كتبت بواسطة نبيل اسعد نصر
سويفت
عن تجربه شخصيه لمده 7 سنوات عشتها مع شيفروليه افيو. عربيه اصله بجد والله العظيم عمرها مكسفتني ابدا ولا عملت معايا موقف وحش حتى يوم مجابت طقم دبرياج وصلتني من شغلي في وسط البلد إلى منزلي في حلوان حوالي 40 كيلومتر و وقفت تحت البيت و قالتلي شكرا. انا شايف انها عربيه اعتماديه جدا. من الداخل واسعه شنطه كبيره تابلوه شكله جيد خاصا الجديد ب 2لون فرش محترم ميكانيكا سهله مش رحمه. انا دلوقت بفكر ابيع علشان أعلى شويه في الفئه و نفسي اركب ألماني بصراحه. بس والله العظيم العربيه صعبان عليه ابيعها بجد اصيله مع اني بعاملها معاملة قاسيه قوي. استغفر و استخير و توكل على الله.
+11111حبيبياقتباس:
المشاركة الأصلية كتبت بواسطة active
nissan sunny :)) اقضل من وجهة نظري:first:
suzuki swift dzire
للاسف MG عربية لسة مش منتشرة لانها رجعت السوق المصرية فى 2012 و لسة الناس معرفتهاش.
رجعت؟! هى كانت موجودة قبل كدة؟! ايوة طبعآ كانت موجودة من الخمسينات او قبل كدة كمان
MG ماركة انجليزى معروفة من زمان اتأسست سنة 1924 يعنى اقدم من ماركات كتير نعرفها و مش بس كدة دى كانت بتطلع فى افلام زمان :)
http://bringatrailer.com/wp-content/...ont_resize.jpg
https://fbcdn-sphotos-e-a.akamaihd.n...7c0e883755d823
https://scontent-a-lhr.xx.fbcdn.net/...3a&oe=54AB1C2C
واحد يقوللى بس دى "صينى!" اقولة ازاى؟! عندنا مفهوم "صينى" غريب شوية ان اى حاجة بتتجمع او بتتصنع فى الصين تبقى صينى! هل معنى كدة ان كل العربيات اللى فى المشاركة دى صينى؟ المرسيدس و البى ام صينى؟
http://www.nilemotors.net/Nile/57136-a.html
باختصار زى ما بيحصل مع شركات كبيرة جدآ ازمات مالية او غيرها تم عمل شراكة مع MG مع عدة شركات منهم BMW يعنى MG كانت تبع BMW من 1994 لحد 2004 بعد كدة دخلوا شراكة مع واحد من اكبر المصانع فى العالم اسمة Saic فى الصين و دة نفسة اللى بيطلع VW و Octavia
الموتور بيتصمم و بيتعمل تحت خبراء MG الانجليز و مفيش حاجة بتطلع من المصنع الا بضمان جودة MG UK
العربية طبعآ بما انها جديدة هنا فى السوق فا ناس كتير ماتعرفهاش و فاكراها صينى بس لو هنتكلم بطريقة علمية نعرف العربية دى كويس
باختصار كدة هتكلم على كام نقطة صغيرة
كل فئات MG فيها 4 انظمة أمان مش موجودين كلهم غير فى فئات الـHighline فى العربيات الكورية و المنتشرة فى السوق
ABS-EBD-CBC-BA
عفشة العربية MacPherson نفس العفشة اللى فى Porsche 911 و اللى فى BMW و مرسيدس و عربيات تانية فوية فى السوق
الثبات ممتاز لان العربية تقيلة يعنى وزن مثلآ الـMG3 اللى هى اصغر عربية 1115 كيلو و دة مخلىك راكب عربية حاسس بثباتها على الارض
سمك الصاج, معظم العربيات المنتشرة فى السوق عندنا سمك الصاج ما بين 0.5 0.7 مم
MG سمك الصاج بتاعها 1.7 مم !
العربية فىها Safety من تحت
الموتور سحبة قوى جدآ ما شاء الله
فيه حاجة بقى الناس ماتعرفهاش ان الـGearbox بتاع MG3 ستيب ترونيك يعنى فى مانيوال و اتوماتيك هات على المانيوال و اجرى يا معلم
اللى متابع سباقات, فية سباق اسمة BTCC دة بيتعمل كل سنة فى انجلترا لمدة 7 او 8 شهور و فى كل العربيات BMW - Mercedes - VW - Ford - MG - Chevrolet - و غيرهم
فى 2014 MG6 خدت المركز التانى فى السباق بعد الـBMW بعد منافسة كبيرة و MG خدت جايزة احسن ماركة
العربية دى كويسة جدآ للعايز يركب عربية مش اللى عايز يجيب عربية عشان يبيعها
فى النهاية انا مش من التوكيل ولا حاجة :D انا واحد من مؤسسين MG Owners Club Egypt و مش بتكلم عن العربية سواء انا او الاعضاء غير بسبب حبنا للعربية لاننا عارفين قيمتها كويس و عايزين الناس تعرف قيمتها :)
كل كلامك تمام التمام بس انا ليا تحفظ على حاجتيناقتباس:
المشاركة الأصلية كتبت بواسطة bobica90
اول حاجه موضوع سمك الصاج 1.7 ده كده بتتكلم عن عربيه مدرعه مش عربيه ملاكى راجع المعلومه دى لان ممكن يكون قصدك 0.8 وده تقريبا اعلى سمك صاج فى العربيات المدنيه والله اعلم
تانى تحفظ ان العربيه دى اول ما نزلت السوق نزلوها على اساس انها انجليزى بدون ذكر انها تصنع وتجمع فى الصين
انا مش ضد الصين وعارف ان فيها منتجات تنافس الالمانى واليابانى بس انا ضد انى ابيع على السمعه
لا انت توضح كل حاجه وتسيب التقيم وحريه الاختيار للعميل
وفى النهايه عربيه ام جى مسمعتش حد اشتكى منها وبجد من اكتر العربيات اللى نفسى اجربها لو تسمحلى فى يوم كده لانها فعلا عربيه شكلها عاجبنى وربنا يباركلك فيها
البيرسونا طبعا افضلهم .. من غير كلام كتير
و بالنسبة للي بيقول الاوبترا نازلة تاني .. دي لا تمت للاوبترا بصلة .. دي صيني اسمها بايون بيشتغل بيها منصور المصريين الغلابة كعادته
سمك الصاج انا متأكد منة مش مصفحة ولا حاجة انت بتكلم فى 1 مم زيادة بس طبعآ دة بيفرق و يبان أكتر فى الـ Crash Tests بتاعة العربيات الـ MG و فى عربيات زى الـ BMW سمك الصاج بيوصل لـ 3 مم :)اقتباس:
المشاركة الأصلية كتبت بواسطة Hmatchy
بالنسبة لموضوع إنجليزى, هو حضرتك لما تتكلم على VW مثلآ بتقول المانى ولا بتقول جنوب إفريقى أو برازيلى؟ أكيد ألمانى عشان ألمانيا بلد منشأ الماركة دى, نفس الكلام على MG الماركة أصلآ إنجليزى بتتصنع أو بتتجمع فى الصين دة مايخلهاش ماركة صينى :) و الماركات التانية عمرها ما بتقول البلد اللى بتتصنع فيها العربية اللى هى غير بلد الماركة يعنى عمرنا ما بنشوف مثلآ إعلان لرينو بيقولو العربية الفرنساوى تصنيع تركى او مغربى
حضرتك تشرفنا فى اى من تجمعاتنا فى النادى و تعرف أكتر عن العربية من مالكيها و لو عندك أى أسئلة كمان :)
لا اعزرنى مفيش موضوع 3 مللى ده دى كده صاج دبابه مش عربيه او بمعنى اصح مبقاش صاج بقى الواح فولازاقتباس:
المشاركة الأصلية كتبت بواسطة bobica90
اما بالنسبه لموضوع محدش بيقول بلد الصنع فى فرق لما مصنع يفتح فرع جديد او انه يتنقل بالكامل ملكيه و مكان لبلد تانيه
ومتشكر على الدعوه دى وياريت لو تبلغنى على الخاص تقولى بتتجمعو فين وامتى و انا ان شاء الله اجى اتشرف بمعرفتك ومعرفتهم
طب مثلآ Geely دلوقتى اشترت Volvo بس منقلوش المصنع للصين و مخليين المصنع فى السويد, ها تبقى العربية دى بلدها اية؟ :) أكيد مش هيتقال ان Volvo صينى لسبب بسيط ان جودة فولفو زى ما هى, الموضوع كلة يتعلق بالجودة باختصار, MG نفس الكلام تصميم الموتور بيتعمل من خبراء MG الانجليز فى انجلترا فى مدينة Brimingham و بعد كدة التصنيع بيتم فى مصنع Saic.اقتباس:
المشاركة الأصلية كتبت بواسطة Hmatchy
لو حضرتك شايف ان Volvo بقيت صينى عشان اتنقلت ملكيتها لشركة صينية, يبقى انا معاك MG صينى و Jaguar و Land Rover هندى بما ان Tata اشترتهم :)
تشرفنا انا بعت لحضرتك :)
بيرسونا بلا منازع
انا اختار كلهم ينفع للسوق المصرى
طب لو هتفضل واحدة فيهم هتبقى ايه لانى محتار فى الاختيار ما بينهم وشكرااقتباس:
المشاركة الأصلية كتبت بواسطة eng f3lix
كأفضلية بوجه عام وبدون تحديد أفضل في أي جانب، يكون الاختيار الأول فيات بونتو يليها مباشرة نيسان صني، ثم بعدهما كيا بيكانتو ويليها مباشرة بريليانس frv.