الموضوع: المية بتنقص على طول :(

اول حاجه غير الميكانيكى مينفعش تكون راكب المانى و الميكانيكى يغيرلك حاجه و تطلع مش هى
تانى حاجه بعد المشوار الطويل بطل العربيه و سبها ساعه زمن و ارجع بص عليها من تحت شوف فى اى تسريب ميه تحت الموتور و لا لا و لو لقيت حاول تعرف منين عشان محدش يفتى عليك انا مثلا عندى العربيه بتنقص و لما دورت لاقيت من جنب فلتر الزيت حاجه اسمها سربنتينه الفلتر مصديه و بتنزل مياة كتيير
... و لو ملقتش كل دة يبقى دور العربيه و شوف كميه المياة اللى نازله من الشكمان لو كتيير يبقى عندك جوان و ميكانيكى ياكدلك الموضوع دة

تسريب في دوره المايه
او جوان وش سليندر لو فيه طحينه تحت غطاء الوش

المشاركة الأصلية كتبت بواسطة alzelafy

اول حاجه غير الميكانيكى مينفعش تكون راكب المانى و الميكانيكى يغيرلك حاجه و تطلع مش هى
تانى حاجه بعد المشوار الطويل بطل العربيه و سبها ساعه زمن و ارجع بص عليها من تحت شوف فى اى تسريب ميه تحت الموتور و لا لا و لو لقيت حاول تعرف منين عشان محدش يفتى عليك انا مثلا عندى العربيه بتنقص و لما دورت لاقيت من جنب فلتر الزيت حاجه اسمها سربنتينه الفلتر مصديه و بتنزل مياة كتيير
... و لو ملقتش كل دة يبقى دور العربيه و شوف كميه المياة اللى نازله من الشكمان لو كتيير يبقى عندك جوان و ميكانيكى ياكدلك الموضوع دة

لو تعرف حد محترم يظبط الكلام ابقى شاكر افضالك لان العربية فيها حاجات كتيرعايزهدفه

احمد باشا انا لسه مغير ريدياتير و لو سبت العربية دايرة و الغطا مفتوح المية بتفور

المشاركة الأصلية كتبت بواسطة ahmed saad

بص ياباشا انا كان عندي الموضوع ده في عربيتي الباسات كانت المياه بتنقص زي حضرتك ماذكرت بالظبط فعملت الاتي بالترتيب واللي هاقولهولك اعمله وان شاء الله الدنيا تتظبط معاك اولا لغيت السخن بتاع العربيه فكيت الخرطومين اللي داخلين للكويل السخن واشتريت وصله فبر اسمها وصله سخن بتاعت نوبيرا جبتها من بتوع الكوري ب25ج ووصلتها بالخرطومين وطبعا الوصله دي مفتوحه مش مقفوله علشان المياه تمر مابينها وقفلتها بافايز مع كل خرطوم وطبعا المياه قلت بس برضه كانت لسه بتنقص يعني المعدل بتاعك قل بس بتنقص ربع لتر كل 1000كم المهم مشيت ورا الدوره لغايه مالاقيت الريداتير بينشع مياه من عند المروحه في عربيتي في وش الريداتير من جوه المهم جبت ازازه اسمها ابرو مانع تسريب للريداتير abro radiator stop leak ب10ج من التوفيقيه ودي صورتها
وهي عباره عن سائل وجواه ماده بتسد اي فتحات صغيره او نشع للريداتير المهم قبل ماتحط العلبه لازم تكون القربه ناقصه بتاع نص لتر وتسخن العربيه علي السلانسيه وانت فاتح غطا القربه لمده 15 دقيقه وبعدين ترج العلبه جامد وبعدين تفضيها كلها في القربه وتقفل الغطا كويس وتطلع تعمل مشوار محترم بالعربيه في طريق مفتوح علشان تجري بالعربيه والماده تلف في دوره التبريد كويس والماده هتقوم بسد اي حته مفتوحه في سكتها وابقي شوف النتيجه وادعيلي والموضوع ده مجرب في عربيتي الباسات وعربيه واحد صاحبي اوكتافيا a5 والنتيجه والحمد لله ممتازه وانا بقالي اكتر من 3شهور ماحطتش بق ميه للعربيه والحمد لله ومفيش اي اثار جانبيه او سخونه لاني مجرب الموضوع شخصي والتكلفه لاتذكر ونسيت دوره التبريد للعربيه وطبعا انا حاطط مياه توتال الحمراء والعربيه الحمد لله مفيش اي مشاكل في دوره التبريد جرب كده اللي قولتوهولك وابقي قولنا علي النتيجه وادعيلي ماتنساش وان شاء الله خير واي استفسار انا تحت امرك

احمد سعد باشا ردك رائع بس انا لو سيبت غطا القربة مفتوح بعد 10 دقايق المية. بتفور و بتطلع بره و العربية بتاخد هوا و بضطر استني لما. تبرد خالص و حاسس ان ده مش طبيعي كان معايا النوبيرا في اي وقت و العربية دايرة بفتح و ازود عادي

المشاركة الأصلية كتبت بواسطة ahmed saad

معلش يعني لو العربيه بارده الصبح مثلا ودورت وانت فاتح الغطا وسبتها 10 دقائق علىماتسخن والغطا مفتوح تفور لوحدها ولا لو سخنه وفتحت الغطا تفور ياريت تقوللي وانا متابع معاك

بالظبط كده ، تبتدي المية اللي راجعة تبقي زي ميكون فيها رغاوي و بعدين تفور