يا جماعة حد عنده فكرة عن سوزوكي زين و مقارنتها ب 128 و فلوريدا مع إني سمعت إن الفلوريدا اتوقف انتجها و هل هي عربية مطلوبة في السوق و كمان من ناحية اسعار قطع الغيار و كده ......
عرض للطباعة
يا جماعة حد عنده فكرة عن سوزوكي زين و مقارنتها ب 128 و فلوريدا مع إني سمعت إن الفلوريدا اتوقف انتجها و هل هي عربية مطلوبة في السوق و كمان من ناحية اسعار قطع الغيار و كده ......
اولاً اهلاً بك معنا في نايل موتورز :D
بالنسبة للفلوريدا دي طلعها خالص من حساباتك لانها عربية فاشلة بمعنى الكلمة.
نيجي للزن والـ128، لو عاوز عربية عائلية قطع غيارها رخيصة ومنتشرة في كل مكان يبقى الـ128 اما الزن فهي عربية صغيرة غير عائلية قطع غيارها غالية نسبياً بما انها سيارة يباني، مش منتشرة بشكل ملحوظ بالبلد وبالتالي قطع غيارة مش متوفرة بشكل كبير خارج التوكيل.
شكرا يا نادر على ترحيبك و ردك و أنا مبسوط للإنضمامي لأسرة نايل موتورز...
و شكرا على نصحيتك بس أنا سمعت إن ال 128 الجديدة إلى في السوق بها مشاكل هل هذا الكلام صحيح؟
مفهاش مشاكل غير عيوب التقفيل الي ممكن تتلافها بالتاني في الاستلام غير كده عربيه زي الفل وانا سقتها عن نفسي
السيارة ال 128 شعبية جداً وكلمة مشاكل صعب تتقال عليها لأنها عربية بسيطة في كل حاجة فحتى لو فيها مشكلة مش هتبقى شريحة كمبيوتراقتباس:
المشاركة الأصلية كتبت بواسطة megoo80
ممكن تحتاج ترصيص أو ظبط زوايا وده شيء عادي بيحصل مع سيارات بأضعاف ثمن ال 128
فبالتالي لو إمكانياتك مظبوطة على 128 جديدة توكل على الله وهاتها
وهي ليس لها منافس في فئتها بنفس سعرها أو في رخص صيانتها وقطع غيرها
غير سهولة صيانتها الي أي واحد يحل مشاكلها
زي ما نادر قال اياك و الفلوريدا لو فانوس اتكسر منك حتغلبك علي ما تلاقيه و بالنسبه للميكانيكا بتاعها و نظام التعليق ف مسترك مع ال 128 في اجزاء كتير منها لكن هيا بصراحه عربيه مش مطلوبه و بتتهان بسرعه(اول ما نزلت روحت اتفرجت عليها في معرض فورميلا لقيت بابها مفارق!!! فما بالك بقي لو مستعمله)
ال 128 مافيهاش عيوب ولا حاجه ولو لقيت عيوب حيبقي عباره عن تبيط ابواب و حاجات بسيطه نتيجه التقفيل المحلي انما لا فيها مشاكل ولا حاجه.
بالنسبه للسوزوكي زن انا اسمع ان اللي بيتباع حاليا كانت دفعه متخزنه و لسه مخرجنها اليومين دول و دا حيعمل مشاكل من حيث كاوتش الابواب تلاقيه ناشف و يبوظ و حاجات من هذا القبيل اللي بتبقي بسيطه و تحرق الدم.
ف نصيحه ال 128 تعتبر احسن حل و لو حضرتك تقول امكانياتك الماديه كام بالضبط نقدر نساعدك اكتر
انا رائى الزن احسن، انا لسه جايب زن مكملتش ١٠٠٠٠ كيلو، بس هنا http://www.nilemotors.net/Forum/view...f06dccfdb15ef2
هيا فعلا متخزنه و ده باين عليها اوى، بس الحقيق هو مش مقصر عليها فى حاجة مجرد عامل نفسى ان شكلها مش جديد اوى مش بتبرؤ يعنى و يمكن الموتور فى صدى شوية عادى يعنى عوامل تعرية، بس العربية جميلة جدا عفشتها حلوه و تكيفها معقول لحد دلوقتى و سواءتها ممتعة، و كمان عالية عن الارض و على فكرة، العربية كاربياتير و على فكرة كمان هيبيعولك العربية على انها ٣ سلندر و مكتوب فى الرخصة كده لكن هية ٤ بص على البوجيهات، انا روحت لميكانيكى و اكدلى انها ٤.
هيا الشنطة معقولة و لو انت راكب انت و اثنين معاك يعنى نص الشنطة فاضية ممكن تفتح نص الكنبة على الشنطة تديك مكان كبير جدا و لو الكنبة فاضية خالص تديك شنطة اكبر من اكبر شنطة فى اجدعها عربية سدان، و على فكرة الاعدة مريحة جدا و واسعة اعتقد انها هتكون احسن من ال١٢٨
عموما الفئة دي مفيش إقبال عليها أوي ، الناس بتفضل بدالها مستعمل كبير مش عارف ليه
برده ممكن تحط عندك في الإختيارات الماروتي عربيةبقالها كتير و اثبتت نفسها و قطع غيارها متوفرة من كذا حته و اسعارها رخيصة لو بتنزل بتكييف تبقي ممتازة
فى الموديل الجديد اللى اسمها التو و دى على حسب معلوماتى ببتدى من 42000 و اظن ده قريب من الزن