العربية بتبطل لوحدها

**Galilioz** · 18-10-2014 03:21 PM

العربيه جت من فتره بعد لما دورتها واتحركت بعد دقيقتين تقريبا فصلت لوحدها وقعدت حوالى 5 دقايق بدورها مش بتدور وبعدين دارت عادى الموقف ده اتكرر تانى يوم برضوا بس دارات على طول واتكر الموضوع ده بعد فتره قصيره بس انا لاحظت ان الموضوع ده بيحصل لما موشر البنزين يبقى فاضل فيها شرطتين او تلاته واحتمال اربعه كمان المهم اول انبارح العربيه وقفت خالص ومرضيتش تدور وكان باقى فى موشر البنزين شرطتين وقعدت اكتر من نص ساعه بحاول معاها بلا فائده لحد لما جبت جيركن بنزين وفضيته فى التنك اشتغلت واضح جدا ان فيه مشكلة يااما الشرطتين اللى باقين فى التانك دول شوائب يااما مايه بتتغش مع البنزين مع العلم انى بحط بنزين 92 على طول ودايما من بنزينه موبايل بس الغش هو شعار هذه البلد
المهم دلوقتى الحل ايه لو روحت بنزينه وقولتلهم فضوا تنك البنزين هيفضوه ولا التنك مبيفضاش ولا ايه الحل يارجاله؟؟؟

**tawfic** · 18-10-2014 04:46 PM

اولا نصيحه ماتستناش المؤشر يكون قرب الاخر
يفضل عند النص وتفول ده ينطبق على كل انواع السيارات علشان العوامه وعلشان لو فيه شوائب ماتكونشى مركزه اكتر
ثانيا اللى بيحصلك ده معناه ان بوابه الهواء عايزه تتنظف
ممكن تكون عايزه تتنظف عادى وممكن تكون عايزه تتغير
والبوابه دى لو عربيتك من موديل 2012 وما تحت كانت عيب وكانو بيغيروها فى التوكيل وانا غيرتها على 30 الف كيلو
لكن لو موديل عربيتك اعلى من 2012 بنسبه كبيره جدا عايزه تتنظف فقط لاغير
دى تجربتى مع موقف مشابه تماما لموقفك
ممكن اكون صح او غلط بس الاهم من ده كله ياريت ياريت عند مؤشر النص وتفول دى بقى النصيحه المهمه

**Galilioz** · 18-10-2014 05:20 PM

المشاركة الأصلية كتبت بواسطة tawfic

اولا نصيحه ماتستناش المؤشر يكون قرب الاخر
يفضل عند النص وتفول ده ينطبق على كل انواع السيارات علشان العوامه وعلشان لو فيه شوائب ماتكونشى مركزه اكتر
ثانيا اللى بيحصلك ده معناه ان بوابه الهواء عايزه تتنظف
ممكن تكون عايزه تتنظف عادى وممكن تكون عايزه تتغير
والبوابه دى لو عربيتك من موديل 2012 وما تحت كانت عيب وكانو بيغيروها فى التوكيل وانا غيرتها على 30 الف كيلو
لكن لو موديل عربيتك اعلى من 2012 بنسبه كبيره جدا عايزه تتنظف فقط لاغير
دى تجربتى مع موقف مشابه تماما لموقفك
ممكن اكون صح او غلط بس الاهم من ده كله ياريت ياريت عند مؤشر النص وتفول دى بقى النصيحه المهمه

اللى اعرفه ان عيب البوابة بيبقى فيه حركه للار بى ام عشوائيه انا عندى الموشر ده كويس ومفيش فيه مشاكل وبعدين العربيه كانت واقفه ومش عايزه تتحرك خالص لحد لما زودتها بنزين وبعدين المشكلة دى بتحصلى لما التنك يبقى باقى فيه من شرطتين ل4 شرط عمرها ما حصلت معايا والتنك مليان

**Super_Star_h** · 18-10-2014 09:57 PM

طرمبه البنزين ضعيفه ودى علامتها انها هتودع خلاص
يا اما الفلتر مسدود ودى الفلتر بتاعها جوه التنك وبيتغير مع الطرمبه كلها

**Refaat33** · 19-10-2014 04:14 AM

أو إحتمال عندك مشكلة في العوامة بتاعة طرمبة البنزين و بسببها المؤشر بيدي قراءة غلط , يعني لما المؤشر بيكون على شرطتين بيكون التانك فاضي تماما .

**georgedada82** · 19-10-2014 05:10 AM

طلمبة بنزين ... بنسبة كبيرة ... خلي بالك التوكيل هيقولك يغيرها كلها بالفلتر بكله بس برقم فلكي ... هي بتتغير فيها الموتور بس في رنج 200 جنيه وفي ناس ركبت بتاعة اللانسر واشتغلت برضو

**Galilioz** · 19-10-2014 09:50 PM

انا انهارده نزلت لقيت العربية بتنقط بنزين من الوسط كده وهى واقفه رحت واخدها على التوكيل وسيبتها هناك قالولى لازم تبات وهيردوا عليه بكره فيها ايه

**adel_edrees** · 19-10-2014 10:35 PM

المشاركة الأصلية كتبت بواسطة galilioz

انا انهارده نزلت لقيت العربية بتنقط بنزين من الوسط كده وهى واقفه رحت واخدها على التوكيل وسيبتها هناك قالولى لازم تبات وهيردوا عليه بكره فيها ايه

ربنا معاك و خير أن شاء الله و ممكن يكون كوليه مفكوك و ألا حاجة

**Galilioz** · 22-10-2014 03:38 PM

غيرولى طلمبة البنزين كلها ب1800جنية
وغيروا طقم الكاتينه وسير الدينمو ب1400 جنية تقريبا
الاجمالى بالظبط 3140جنيه صراحه انا قولت ماشى لانى خوفت اطلع بيها بره لميكانيكيه يقعدوا يجربوا فيها وينفخوها ويفتوا فى العيب ويقعدوا يغيروا فى حاجات ملهاش دعوة بالعيب وخاصه ان دى اول قطع غيار اساسيه اجيبها من ساعه لما اشتريت العربية فى 2010 كلها كانت الحاجات العادية اللى بتتغير مع الصيانات الدورية والتيل باستثناء غيرت ال5فرد كاوتش والبطارية والفوانيس الخلفى وسمكره خفيفه على البارد بره التوكيل بس واضح ان الواحد بعد كده هيدخل فى موضوع قطع الغيار ده والتوكيل هينفخنى لو عملت عنده فهشوف ميكانيكى يكون بيتعامل فى اللوجان عشان انا اتظبطت زمان كتير لما كان معايا ال128 من الميكانيكية ومن الفتى والسرقه

-

الموضوع: العربية بتبطل لوحدها

LinkBack

أدوات الموضوع

عرض

-

-

-

المواضيع المتشابهه

العربية بتبطل لوحدها

العربية بتبطل لوحدها

العربية بتبطل لوحدها

العربية بتبطل لوحدها

العربية بتبطل لوحدها

الكلمات الدلالية لهذا الموضوع

المفضلات

المفضلات

ضوابط المشاركة