فتيس الجيتا بينتش علي التالت

**radaaamm** · 18-10-2014 04:13 PM

يا جماعه كنت عاوز اعرف لو حد عمل غسيل عقل للفتيس بتاع الجبتا ال 2007 و جاب نتيحه فعليه

عشان انا عندي الفتيس بينتش علي التالت و محمد سمير قالي هنعمل غسيل عقل و نشوف

فا هل بعد غسيل العقل دا ممكن يبوظ تاني؟؟؟؟
لاني قرات بعض مواضيع مع ناس بتقول ان الغسيل بيجيب نتيجه و بيبقي تمام

انا بصراحه الفتيس قرفني من العربيه كلها و بقيت كارهها بسببه ارجوكم افيدوني

**alzelafy** · 18-10-2014 07:24 PM

لا لازم تطول بالك شويه جرب الغسيل و شوف الدنيا عامله ايه و لو مظبطش ساعتها شوف هيقلك ايه

**Ahmed Saad** · 18-10-2014 08:54 PM

بص ياباشا انت هتروح ل احمد زاهر وده متخصص فتيس اوتوماتيك لمجموعه فولكس فاجن وكان شغال توكيل هتروحله وهينضفلك العقل ولو فيه بلوف عاوزه تتغير هيغيرها وان شاء الله تتظبط وموضوع التنضيف ده معروف في الجيتا والa5 ان الفالف بدي بيتسد بسبب عدم تغيير الزيت والفلتر في معادهم بزيت وفلتر اصلي كل 60000كم شوف كده وان شاء الله الموضوع سهل وبسيط وتكلفته اقل من انك تجيب فالف بدي استيراد ب5000ج غير الزيت والفلتر وان شاء الله خير

**radaaamm** · 19-10-2014 01:08 AM

المشاركة الأصلية كتبت بواسطة ahmed saad

بص ياباشا انت هتروح ل احمد زاهر وده متخصص فتيس اوتوماتيك لمجموعه فولكس فاجن وكان شغال توكيل هتروحله وهينضفلك العقل ولو فيه بلوف عاوزه تتغير هيغيرها وان شاء الله تتظبط وموضوع التنضيف ده معروف في الجيتا والa5 ان الفالف بدي بيتسد بسبب عدم تغيير الزيت والفلتر في معادهم بزيت وفلتر اصلي كل 60000كم شوف كده وان شاء الله الموضوع سهل وبسيط وتكلفته اقل من انك تجيب فالف بدي استيراد ب5000ج غير الزيت والفلتر وان شاء الله خير

بص يا باشا
بالنسبه لاحمد زاهر قاللي مفيش غسيل عقل هيصلح النتشه و البوظان اللي في الفتيس
دخلني في قصه تغيير الڤالڤات اللي بايظه بجديد

وبصراحه انا مش عارف اعمل ايه عشان كده الموضوع هيفرط اوي مني

اجرب اغسل عقل و اشوف؟؟؟؟

**Ahmed Saad** · 19-10-2014 06:00 PM

المشاركة الأصلية كتبت بواسطة radaaamm

بص يا باشا
بالنسبه لاحمد زاهر قاللي مفيش غسيل عقل هيصلح النتشه و البوظان اللي في الفتيس
دخلني في قصه تغيير الڤالڤات اللي بايظه بجديد

وبصراحه انا مش عارف اعمل ايه عشان كده الموضوع هيفرط اوي مني

اجرب اغسل عقل و اشوف؟؟؟؟

بص ياباشا انا مش عاوزك تتكلف فلوس وخلاص هوا الاضمن من الحاجات دي انك تنضف وتغير فلفات لأن غالبا هيبقى فى واحد او اكتر مسدودين وبيتغيروا عادي وبتشتغل بعد كده ان شاء الل. عموما روح لزاهر واتفق معاه ععلى المبلغ وانك هتستلم منه العربيه علي الشعره وشغاله ومفيهاش الهوا وتحط الزيت والفلتر الأصلي بدل ماتنضف بس وتغير زيت وفلتر ومايحصلش حاجه وتغرم على الفاضي وبرضه تحتاج انك تغير حاجات وان شاء الله خير وأي استفسار انا تحت أمرك