الموضوع: كارينز فئة أولى أوتوماتيك ٢٠١٥

المشاركة الأصلية كتبت بواسطة ياسر الشقوير

الحمد لله ربي كرمني واشتريت كارينز الفئة الأولى
والله عربية ممتازة جداً
الان عملت بيها حوالي 3000 كيلو ومستريح فيها جداً

ربنا يسعدك بيها ويكفيك شرها، ويرزقك خيرها، ألف مبروك وربنا يحفظهالك من كل سوء، ممكن أعرف جبتها منين وبكام

شكرا علي شرحك الجميل انا معايه سيراتو 2015 الفئه الاولي مافيش فيها ريموت يامومن هههه تصور احنا في عام 2015 ولسه الوكيل في مصر بتاع كيا بينزل العربيه من غير ريموت الواحد هيجنن منهم بجد انا عندي مشكله شبه مشكلتك تقريبا العربيه جديده وعامله 370 كيلو فقط وحاسس انها بتعوم منا لما بتوصل السرعه 80 كيلو شي غريب والاهم بحس بالمطلبات بتهز العربيه باستمرار حته من اقل مطب مش عارف في ايه ياريت تنصحنا ممكن اعمل ايه

المشاركة الأصلية كتبت بواسطة Captin fg

مبروك علي العربية. أنا كمان لسه شاري واحده أختها بس جبت الex عشان حبت الدلع الزياده و برضو استلمت الكوتش منفوخ علي ٥٥ و كانت العفشه بتصوت وأحلي دبدبا و بعد ظبط الكوتش علي ٣٣ الوضع اتحسن بس أنا شايف أن الجنط ال١٦ افضل في شوارعنا الحلوة ، انا لسه عامل ٥٠٠ كيلو بس في حاجه محير أنى بالنسبة للتكيف انا مش عارف افصله بمجرد مبشغل بكره المروحة التكيف بيشتغل و مهما ضغط علي زر التكيف مش بيفصل و لمبه التكيف بتنور ، عندك فكره المشكلة إيه

المشاركة الأصلية كتبت بواسطة alsayad1977

شكرا علي شرحك الجميل انا معايه سيراتو 2015 الفئه الاولي مافيش فيها ريموت يامومن هههه تصور احنا في عام 2015 ولسه الوكيل في مصر بتاع كيا بينزل العربيه من غير ريموت الواحد هيجنن منهم بجد انا عندي مشكله شبه مشكلتك تقريبا العربيه جديده وعامله 370 كيلو فقط وحاسس انها بتعوم منا لما بتوصل السرعه 80 كيلو شي غريب والاهم بحس بالمطلبات بتهز العربيه باستمرار حته من اقل مطب مش عارف في ايه ياريت تنصحنا ممكن اعمل ايه

ربنا يباركلك فيها ويحفظك ويحفظهالك، السيراتو كانت مع أخويا وكانت نفس الشكوى والحقيقة قلتله يقلل ضغط الهواء من الكاوتش، لكن مجابتش نتيجة خاصة إن العربية واطية وبتحك في المطبات في الحالة العادية، فلما نقلل ضغط الهواء بتحك أكتر، مع الأسف مش عارف ايه الحل، ممكن تعرض المشكلة على التوكيل وتشوف رأيهم في القصة دي إيه، وربنا معاك

ألف مبروك على العربية وربنا يباركلك فيها ويحفظكم
بكرة المروحة هيه فعلا اللي بتشغل التكييف، عايز تفصله بتحطها على الصفر. المفروض الجانت عندك ١٧ مش ١٦ مش كده؟ لأن الفئة الأولى هيه اللي كانت ١٦ بس وكل الفئات كانت ١٧.

المشاركة الأصلية كتبت بواسطة esam_ayad

الف مبروك علي الكارينز
وممكن نعرف اخبارها معاك ايه لحد دلوقتي؟
هل في شيء مضايقك منها؟؟؟
هل في مطبات حكيت فيها؟؟

الله يبارك فيك، العربية بصفة عامة مريحة جدًا لحد دلوقتي مش مضايقاني في حاجة، عملت بيها ١٦ ألف لحد دلوقتي والدنيا جميلة، موضوع المطبات طبعًا في بلادنا الجميلة المطبات مش معموله عشان التهدية، ومعظمها بلدي، معمولة بالأسمنت شوية وبالطوب شوية وربنا يسترها علينا كلنا، حكيت تلات أو أربع مرات بس، باحاول على قد ما أقدر لما أكون محمل العربية آخد المطبات دي بالراحة خالص.