الموضوع: سؤال عن شراء سيارة عن طريق بنك

انت بتروح البنك اولا و بيقولك الاوراق المطلوبة.. و كمان بيبقى فيه معارض مظبطة مع البنك و فيه علاقات بيع بالقسط مابينهم.. انا جربت القسط من 4 سنين و حابب اقولك التالى:

1-اولاً موضوع الفايدة المتناقصة دا اللى بيعملوه بيخليك تدفع اكبر نسبة من الفايدة فى اول سنة عشان لو فكرت تانى سنة تكيش تمن العربية مثلاً تلاقى انك ولا كأنك دفعت اقساط من تمن العربية.
2-موضوع التأمين الجبارى دا وحش جداص لأنك هتدفع حوالى 3.5 الاف جنيه سنوياً لشركة تأمين محترمة عشان يقبلوا يجددولك الرخصة..
3- اسمع المفاجأة بقة .. البنك بياخد نسبة كدة (انا دفعت الفين تقريبا على عربية 70 الف سنة 2010) تقريبا مصاريف ادارية و دا بعد الاتفاق معاك يعنى بعد ماتكون دفعت المقدم و خلصت كل الورق و رايح على المعرض. يقوموا يفاجأوك...

4-اخيرا الصح انك تاخد قرض صغير شخصى (مع العلم ان القروض كلها مقرفة و بياخدوا معظم الفايدة اول سنة) و تشترى العربية بمعرفتك كاش. و تخلص من التأمين و مرواح البنك كل سنة عشان موضوع تجديد الرخصة.