الموضوع: جهة تقسيط اسلامية

هوا في شركات تقسيط اسلامي . البنوك كلها مش بتشتري بتدفع قرض للعميل لان البنك لا يمتلك هوا تعاملاته فلووووس بس . القسط الاسلامي بيكون تمويل بقيمة العربية وبعدين الشركة بتكسب مبلغ معين حسب المقدم المدفوع المشكلة الاسلامي قسط عالي اوي في حين عروض البنوك مغرية وقسط وحوارات جميلة بس لو تعثرت الظروف البنوك مش بترحم وتبدأ البنود الخفية تشتغل الفوائد تتراكم . المهم العقد والبنود والورق الى هتمضي عليه تكون قريه كويس وفاهمه في اي نظام هتختاره . انا طبعا أفضل الاسلامي لكن زي ما قولنا القسط عالي لكن هتكون مطمن انك في السليم مفيش مخالفة شرعية وبعدين غرامات التأخير في البنوك كل يوم تتأخره تدفع 50 جندي والتأمين الإجباري قصص وحوارات كتيرة . ربنا يوفقك للاختيار الافضل ان شاء الله . تحياتي :)

شكرا يا غالي على ردك السريع .... ايه بقى هي شركات التقسيط الإسلامي :)

اولا ربنا يباركلك على حرصك على انك تجيب بطريقه اسلاميه
ثانيا طبعا فيه بنوك بتتعامل معامله اسلاميه احسنها:
بنك ابو ظبي الاسلامي - بنك فيصل الاسلامي
إعرف ارقامهم المختصره من النت واسأل عن الانظمه
انا شاري من بنك فيصل وده ليه لجنه شرعيه لبحث العقود قبل اقرارها ورئيس الللجنه د - نصر فريد واصل
اقل مقدم 35% والفائده:
8.2% لو هتحول مرتبك عندهم (الحد الأقصي 5 سنوات)
8.6% لو مش هتحول المرتب (الحد الأقصي 5 سنوات)
9.3% لو مش هتحول مرتبك ++++++(الحد الأقصي 6 سنوات)

بنك ابو ظبي الاسلامي نفس الحوار تقريبا بس:
الحد الاقصى 5 سنوات فقط
لو مش هتحول مرتبك يبأى اقل مقدم 50% من ثمن السياره

ربنا يوفقك وحاول تصر على المعامله الاسلاميه وانصحك بلاش بنك ربوي فرع المعاملات الاسلاميه

ألف شكر يا رامي والله ...أنا فعلا شكلي عجيب عن طريق بنك فيصل ... لأن بعد البحث والسؤال اكتشفت أنه سليم ان شاء الله من ناحية شبهة الربا و شبهة بيع ما لا يملك .... وأن كان تبقى مشكلة التأمين الإجباري ... وأظن دي أهون ...

بالنسبة للأخ ميدو ... الفرق الجوهري بين البنوك العادية والإسلامية ... أن البنوك العادية وفقا لقانون التأسيس لا يمكن و غير مسموح أن تشتري او تبيع ... إقراض و افتراض و مدونيات فقط ... عشان كده للاسف أي بنك عادي عادي يقول انابشتري العربية فهو مخادع ....

أما البنوك الإسلامية وفقا لقوانين تأسيسها ... فهي يحق لها البيع و الشراء ...

و طبعا نتيجة أن الإجراءات اللي بتتم قدامنا واحدة ... فبيظن البعض أنه لا فرق بينهم

شركات التقسيط كتيرة
اهم حاجة نظام القسيط يكون إسلامي لان نفس هالشركات بتتعامل بالربا وبأنظمة مختلفة كتير تحت مسميات كتير نظام اقتصادي نظام اساسي نظام .... الخ . البنوك الصراحة مش عارف ايه النظام دلوقتي لكن الي كنت متأكد منه لغاية فترة قريبة جدا ان البنك لا بيبيع ولا بيشتري كل المعاملات فلوس داخلة وفوس خارجة لا عقارات ولا حسابات استثمارية ولا الجو دا المهم مش قصتنا ممكن لو حد متابع او شغال في بنك يقدر يفيدنا اكتر .
التقسيط الاسلامي نسبة الربح عالية ليه لان ( الفائدة ) هوا طبعا مفيش حاجة في الاسلامي اسمه فايدة بس لو اتكلمنا بلغة المال والاعمال :) بتكون فائدة الاسلامي بمتوسط 12 % نسبة كبيرة طبعا ودي على المبلغ المتبقى بعد ما حضرتك تكون دفعت القسط ويضرب في عدد السنين الى هتقسطها بدون تأمين بدون رسوم أو غرامات تأخير البيع الاجل هزود على السلعة مبلغ مقابل انك تدفع وكدا كدا انتا هتدفع يعني هتدفع :) .
إجراءات بقى بتكون كالتالي :-
1- موافقة تمويل للسيارة تختارها من أي معرض .
2- تدفع المقدم للمعرض . بعد ما تكون مضيت الشيكات عندهم في مقر الشركة بتاعت التقسيط .
3- تستلم السيارة . :) easy مش كدا

أي استفسار انا في الخدمة .

بالنسبة لشركات التقسيط : كوناتكت كار . مباشر ( عبداللطيف جميل ) . درايف ( غبور ) .