عم شفتوره سمع كلام الحكومه -ارهاصات احسبها صح تعيشها صح

**human** · 28-10-2008 10:02 AM

بعد المراجعة تم حذف العقوبة

و فى أنتظار مشاركة العضو

**Ramy_Ali** · 28-10-2008 10:36 AM

ايه الانذارات دى كلها ؟

هوا فيه ايه بيحصل !!

**osamaesm** · 28-10-2008 11:10 AM

جامد ياشباب
احسبها صح تعيشها صح

**human** · 28-10-2008 03:40 PM

المشاركة الأصلية كتبت بواسطة human12

بعد المراجعة تم حذف العقوبة

و فى أنتظار مشاركة العضو

العضو يتقدم اليكم بالشكر
و ياريت لو يرجه الكلام اللى اتشال يرجع تانى

شكرا بجد

**human** · 28-10-2008 03:41 PM

التعليقات على عم شفتوره زى العسل
بجد انا ضحكت موووووت

**mada121977** · 28-10-2008 04:20 PM

عم شفتوره شاف اعلانات البورصه فى التليفزيون لما كان قاعد على قهوه المعلم حنجوره على اول الحاره قرر انه مش هايشترى كسوه الشتا لاولاده السنه دى بالفلوس اللى استلفها من اخوه كمبوره ويروح يشترى اسهم فى البورصه يمكن تضرب معاه ويشترى التلفزيون الابيض والاسود ال 4 بوصه اللى عياله نفسهم فيه ... بس للاسف البورصه انهارت والفلوس بتاعت شفتوره طارت واخوه رفع عليه قضيه ودخله السجن ... وبعد سنتين خرج من السجن وقرر انه يكتتب فى اسهم السجن فى البورصه علشان نفسه يجيب التليفزيون ال 4 بوصه

**TaoTao** · 28-10-2008 09:00 PM

عم شفتورة كان بيتقلب كتير ع المرتبة .. فكر وقرر إنه ينام على جنب واحد .. وكدة يقدر يوفر تمن التنجيد اللي هايعمله كل 15 سنة

وبعد 45 سنة قدر يحوش تَمَن السرير اللي هايحط عليه المرتبة ..
نام براحتك بقى يا عم شفتورة

احسبها صح .. تنام صح

**Dr Ahmed** · 28-10-2008 10:24 PM

عم شفطورة عنده ساعة حائط وساعة يد...
كل مايروح فى حتة ميلاقيش أى أهمية للوقت
عم شفطورة باع الساعتين وإشترى كيلو لحمة
كيلو اللحمة إتاكل فى شهر

إحسبها صح وبيع اللى مايلزمكش

**human** · 28-10-2008 11:27 PM

ياسلام على الدماغ العاليه من كل المشتركين

دكتور احمد انا حسيت بالمأساه بالوقت
و تاو تاو مالهاش حل حكابه التنجيد :) انا شايف انه يبطل نوم و يوفر عشان يجيب الشقه كمان :)

مادا : ايه الحلاوه ديه
يكتتب فى السجن - والله انا شايف كوميديا سودا عامله زى الافلام العبثيه و افلام بيتر سيلر

الله ينور عليكو

انا مستنى بقيه الاعضاء

و شكرا للاداره لاعادة الكلام المحذوف
و اتفق ان الجزء المحزوف فى اخر سطر ممكن يثير حفيظه بعض الاخوه الكرام
-----------
والشكر لك أخونا الفاضل على الموضوع الممتع وعلى تقبلك لتدخل الإدارة
ونحيطكم علما أن تدخلات المشرفين تقوم أساسا على محاولة الحفاظ على المقدسات الدينية والعلاقات بين الأعضاء والحفاظ على هيبة وكيان الأشخاص الحقيقيين والاعتباريين بمصر وبما يتفق مع قواعد المنتدى وليس عن طريق أهواء شخصية أو عداءات فردية
ل ف م

**Miss_Pharma** · 29-10-2008 03:47 PM

المشاركة الأصلية كتبت بواسطة sab3aawy

عم شفتورة كان متعود يلبس قميص تحت البلوفر، السنة دى قال ليه البس قميص محدش شايفه، وبدل ما يشترى قميص جديد قص الياقات واساور الاكمام بتاعة القميص القديم بتاع السنة اللى فاتت اللى اتهرى وخيطها فى البلوفر كأنها قميص تحتيه، وبعد 10 سنوات من توفير تمن القمصان ، اشترى كيلو الكباب اللى كان بيحلم بيه، وكانت سعادته بكيلو الكباب لا توصف لدرجة انه مسالش نفسه عن سبب انتشار رؤوس الكلاب والقطط المقطوعة بجانب المحل

المشاركة الأصلية كتبت بواسطة moshax

عم شفتورة كان بيجرى ورا الميكروباص ويوفر 50 قرش دلوقتى بيجرى ورا التاكسى وبيوفر 5 جنية
لية توفر اقل لما ممكن توفر اكتر ...... احسبها صح تعيشها صح

ههههههههههههههههههههههههه ههههههههههههههههههههه
مش قادرة بجددددددد .. هموت من الضحك ..
(شر البلية مايضحك) ..

الموضوع: عم شفتوره سمع كلام الحكومه -ارهاصات احسبها صح تعيشها صح

LinkBack

أدوات الموضوع

عرض

-

-

-

-

-

-

-

المواضيع المتشابهه

تعاون بين الحكومه المصريه و الحكومه الكوريه في مجال صيانه السيارات الكوريه

احسبها صح ...........................تعيشها صح

احسبها صح.........تعيشها صح

احسبها صح تعيشها صح

احسيبها صح... تعيشها صح!!!

الكلمات الدلالية لهذا الموضوع

المفضلات

المفضلات

ضوابط المشاركة