عم شفتوره سمع كلام الحكومه -ارهاصات احسبها صح تعيشها صح

عم شفتوره راجل بيحب الحكومه و بيحاول يكون راجل صالح يخدم المجتمع و يسمع كلام ماما الحكومة و بابا الحزب
عم شفتوره فتح التليفزيون سمع الحج محمود الجندى بيقوله وفر فى الميه عشان تودى حماده
مدرسه امريكانى و وفر فى الاسبرين ابو شلم عشان تجيب كتاب لحماده و ماتكلش بره البيت او تجيب دليفرى عشان تجيب العربيه الزستافا اللى بتحلم بيها عم شفتوره فغر فاه و شاف اللى عمره ماكان شايفه ده انا ممكن بقى ابقى مليونير و اجيب ال128 و الفلوس تبقة اكوام اكوام

ساعدو عم شفتوره و اكتبولو اعلانات زى بتاعه التليفويون عشان يعرف لما يوفلر ايه ممكن يجيب ايه عشان هو من ساعه لما خدوه تحرى و رجع مابقاش بيعرف يفكر لوحده

ملاحظه : الى كل من سوف ينتقد الحمله الاعلانيه و ينتقد السخريه من عم شفتوره برجاء مراعاة ان هذا موضوع ترفيهى بحت (يا ريت ماحدش بقولى ده بيضيع وقتنا و***********)
-------------------------------------
1- عم شفتورة شخصية وهمية فلا نجد معنى لربطك بينها وبين ما تم إستبداله بالنجوم فى آخر سطر إلا سوء فهم
2- تم نقل الموضوع للقسم الإجتماعى

فكرة حلوة وحاجه تخلينا نبتسم شوية ونخرج من مود كآبة تسونامي الجديد (كارثة الاقتصاد العالمي).. وفرصه للابتكار كمان وجميع الحقوق محفوظة يعني لو لقيت الاعلان ده نزل التلفزيون من غير ما يشتروه هما احرار بأه

.................................................. ..............................


عم شفتورة كان بيروح شغله بالاتوبيس او بالميكروباص .. فكر شوية قال انا بادفع فلوس مواصلات واروح متأخر كمان كل يوم واخد جزاءات وخصم


عم شفتورة قرر يروح الشغل مشي ولما حوش قرشين من توفير المواصلات اشترى عجلة يروح بيها الشغل كل يوم ..وبكده ريح نفس من المواصلات وقرفها ونزل الكرش كمان .. وبعد الضهر اشتغل طيار ديليفري بالعجلة تبع محلات عبده تلوث


احسبها صح ..تعيشها صح

.................................................. ................................

جامده يا باشمهندس :)

عم شفتورة كان متعود يلبس قميص تحت البلوفر، السنة دى قال ليه البس قميص محدش شايفه، وبدل ما يشترى قميص جديد قص الياقات واساور الاكمام بتاعة القميص القديم بتاع السنة اللى فاتت اللى اتهرى وخيطها فى البلوفر كأنها قميص تحتيه، وبعد 10 سنوات من توفير تمن القمصان ، اشترى كيلو الكباب اللى كان بيحلم بيه، وكانت سعادته بكيلو الكباب لا توصف لدرجة انه مسالش نفسه عن سبب انتشار رؤوس الكلاب والقطط المقطوعة بجانب المحل

عم شفتورة كان بيجرى ورا الميكروباص ويوفر 50 قرش دلوقتى بيجرى ورا التاكسى وبيوفر 5 جنية
لية توفر اقل لما ممكن توفر اكتر ...... احسبها صح تعيشها صح

هههههههههههههههه

حلو اوي الموضوع ده :k48:


معنديش حاجة اضيفها هلا بس متبعاكو يا جماعة

عن جد تعليقات كتييييييييييييييير حلوة

عم شفطورة كان بيزور أمه وأبوه كل أسبوع وكان بيكلفه ميكروباص رايح وميكروباص جاى وزيارة، عم شفطورة بطّل زيارات ووفر وجاب بعد خممس سنين موبايل وخط علشان يبعت لهم Sms فى الأعياد
المشكلة إن أبوه وأمه معندهمش موبايل

________
بجد بقى:

إبن عم شفطورة فى الإعدادية
الواد بيذاكر ليل ونهار ومابيخدش دروس خصوصية
حاسس بقرف وعدم تركيز فى المذاكرة وميقدرش على الدروس الخصوصية
عم شفطورة قال لإبنه: بينا أنا وانت نصلى الفجر وباقى الفروض فى جماعة فى المسجد وندعى ربنا يفتح عليك ، وياللا نقرأ المصحف ، فتحوا على آية "واتقوا الله ويعلمكم الله"..
إبن عم شفطورة ربنا فتح عليه فى المذاكرة وبقى يفهم أحسن فى المدرسة ويذاكر ويحفظ أحسن وأحسن وبقى من الأوائل على المدرسة

إحسبها صح .. من توكل على الله كفاه

تحذير للعضو لمخالفته القاعدة رقم 8 ، 9ب (أنظر قواعد المنتدى التى وافقت عليها عند تسجيلك)

عم شفتورة
كان طل يوم الصبح متعود يشر كوباية شاى بلبن
ففى يوم دخل يغلى اللبن
فراح اللبن فار على البتوجاز
بصلة لحظة وفكر وقرر انه مش هيشترى لبن سايب تانى من اللى بيتغلى على البتوجاز
واشترى اللبن فى العلبة الكرتون بتاع المستثمرين اللى بيعلن عنة الفنان المشهور
---صحتك فى العلبة دى---
وبعد اتباع ذلك افتكر انه مبقاش يعيا زى الاول ويروح للدكتور ويصرف فلوس وياخد خصم من الشغل

وهيا سنة واحدة تخيلو بقى

طلع عم شفتورة وهوا نازل من الطيارة الهليكوبتر اما فلته فى المنتجع اللى فوق الجبل اللى الناس بتطلعلة بالتلفريك
ومرات عم شفتورة فتحت البلكونة ومدت نظرها يجى 50 كيلو متر ارض خضراء بتاعت عم شفتورة
وعياله الاثنين جريو على النجيل الاخضر

شفت بقى عم شفتورة كان بيخطط صح ازاى

---- احسبها صح ---- تعيشها صح -----

العضو الفاضل بعد المراجعة قررت الإدارة سحب العقوبة
فى إنتظار مشاركتك قى المنتدى

نرجو من حضرتك مراجعة قواعد المنتدى

بعد المراجعة تم حذف العقوبة

و فى أنتظار مشاركة العضو

ايه الانذارات دى كلها ؟

هوا فيه ايه بيحصل !!

جامد ياشباب
احسبها صح تعيشها صح

اقتباس:

---

المشاركة الأصلية كتبت بواسطة human12

بعد المراجعة تم حذف العقوبة

و فى أنتظار مشاركة العضو

---

العضو يتقدم اليكم بالشكر
و ياريت لو يرجه الكلام اللى اتشال يرجع تانى

شكرا بجد

التعليقات على عم شفتوره زى العسل
بجد انا ضحكت موووووت

عم شفتوره شاف اعلانات البورصه فى التليفزيون لما كان قاعد على قهوه المعلم حنجوره على اول الحاره قرر انه مش هايشترى كسوه الشتا لاولاده السنه دى بالفلوس اللى استلفها من اخوه كمبوره ويروح يشترى اسهم فى البورصه يمكن تضرب معاه ويشترى التلفزيون الابيض والاسود ال 4 بوصه اللى عياله نفسهم فيه ... بس للاسف البورصه انهارت والفلوس بتاعت شفتوره طارت واخوه رفع عليه قضيه ودخله السجن ... وبعد سنتين خرج من السجن وقرر انه يكتتب فى اسهم السجن فى البورصه علشان نفسه يجيب التليفزيون ال 4 بوصه

عم شفتورة كان بيتقلب كتير ع المرتبة .. فكر وقرر إنه ينام على جنب واحد .. وكدة يقدر يوفر تمن التنجيد اللي هايعمله كل 15 سنة

وبعد 45 سنة قدر يحوش تَمَن السرير اللي هايحط عليه المرتبة ..
نام براحتك بقى يا عم شفتورة

احسبها صح .. تنام صح

عم شفطورة عنده ساعة حائط وساعة يد...
كل مايروح فى حتة ميلاقيش أى أهمية للوقت
عم شفطورة باع الساعتين وإشترى كيلو لحمة
كيلو اللحمة إتاكل فى شهر

إحسبها صح وبيع اللى مايلزمكش

ياسلام على الدماغ العاليه من كل المشتركين

دكتور احمد انا حسيت بالمأساه بالوقت
و تاو تاو مالهاش حل حكابه التنجيد :) انا شايف انه يبطل نوم و يوفر عشان يجيب الشقه كمان :)

مادا : ايه الحلاوه ديه
يكتتب فى السجن - والله انا شايف كوميديا سودا عامله زى الافلام العبثيه و افلام بيتر سيلر

الله ينور عليكو

انا مستنى بقيه الاعضاء

و شكرا للاداره لاعادة الكلام المحذوف
و اتفق ان الجزء المحزوف فى اخر سطر ممكن يثير حفيظه بعض الاخوه الكرام
-----------
والشكر لك أخونا الفاضل على الموضوع الممتع وعلى تقبلك لتدخل الإدارة
ونحيطكم علما أن تدخلات المشرفين تقوم أساسا على محاولة الحفاظ على المقدسات الدينية والعلاقات بين الأعضاء والحفاظ على هيبة وكيان الأشخاص الحقيقيين والاعتباريين بمصر وبما يتفق مع قواعد المنتدى وليس عن طريق أهواء شخصية أو عداءات فردية
ل ف م

اقتباس:

---

المشاركة الأصلية كتبت بواسطة sab3aawy

عم شفتورة كان متعود يلبس قميص تحت البلوفر، السنة دى قال ليه البس قميص محدش شايفه، وبدل ما يشترى قميص جديد قص الياقات واساور الاكمام بتاعة القميص القديم بتاع السنة اللى فاتت اللى اتهرى وخيطها فى البلوفر كأنها قميص تحتيه، وبعد 10 سنوات من توفير تمن القمصان ، اشترى كيلو الكباب اللى كان بيحلم بيه، وكانت سعادته بكيلو الكباب لا توصف لدرجة انه مسالش نفسه عن سبب انتشار رؤوس الكلاب والقطط المقطوعة بجانب المحل

---

اقتباس:

---

المشاركة الأصلية كتبت بواسطة moshax

عم شفتورة كان بيجرى ورا الميكروباص ويوفر 50 قرش دلوقتى بيجرى ورا التاكسى وبيوفر 5 جنية
لية توفر اقل لما ممكن توفر اكتر ...... احسبها صح تعيشها صح

---

ههههههههههههههههههههههههه ههههههههههههههههههههه
مش قادرة بجددددددد .. هموت من الضحك ..
(شر البلية مايضحك) ..

عم شفتوره كان بيشترى الاهرام كل يوم
عم شفتوره اكتشف انه ممكن يقرا الاهرام والمصرى اليوم على النت و ووفر تمن الجرايد
حوش قرشين حلوين نفعوه و هو بيتعالج بعد ما علق على الاخبار فى البلوجز

احسبها صح تعيشها صح

عم شفتورة كان كل يوم يقف في طابور العيش يشتري بجنيه عشرين رغيف .. :g: فكر شوية وقال احنا 6 أفراد في 3 أرغفة في اليوم يعني 18 رغيف.. يعني 90 قرش بس.


ومن يومها وهو بيوفر كل يوم عشرة صاغ..


وبعد شهر واحد بس اشترى الموبايل اللعبة اللي نفسه فيه:toot: .. واللي الكول تون بتاعه وحوي يا وحوي:banana:وبقى ماشي يتمنظر بيه في الحارة ويقول يا ارض اتهدي ما عليكي قدي



احسبها صح .. تعيشها صح:sifone:

عم شفتوره اكتشف انه بيصرف 500 ج عليه هو ومراته

فقرر انه يطلق مراته... وبكده بيصرف 250 ج بس في الشهر

وقرر يحوش ال 250 ج التانيين

عشان بعد 5 سنين

يتجوز بيهم !!!!!

هاهاهاها
حلوة بتاعت الطلاق دى

هيتجوزها هيا هيا ولا واحده تانيه؟
جامد جدا