كورولا 2008 جنوب افريقي مطلوب استشارة

**welly2000** · 18-10-2014 09:36 PM

السلام عليكم
دي اول مشاركة ليا في منتدى تويوتا انا ببيع عربيتي الانترا 2008 اتوماتك ومعروض عليا تويوتا كورولا بتاعت واحد صاحبي هي عاملة 130000 كيلو وصيانتها في التوكيل من الزيرو كل 10000 كيلو هي فابريكة برة وجوة ما عدا الاكصدامات الحالة من برة جيدة يعني اللي ما عجبنيش فيها من برة انها مغيرة فانوس امامي وواضح انه مش زي التاني يعني حاسة اضاءته مش كويسة والاكصدام الامامي مش ثابت كويس سؤالي اللي محتاج فيه مساعدة من اعضاء المنتدي
هو عايز في العربية 95000 جنية هل السعر دة كويس ولا عالي؟
لما جربت العربية بالفتيس ال mmt بصراحة اتخنقت من السواقة يعني كنت بحس بالعربية وهي بتنقل بشكل غريب غير ان سحبها ما كنش حلو مع اني جربت عل e بس وبعدين es وكمان جربتها علي المانيوال هل ده طبيعي عشان مش متعود علي سواقتها وهتعود بعد كدة ولا هيفضل كدة؟
البديل قدامي اني اجيب سيراتو 2010 عاملة 90000 كيلو وسعرها ارخص 5000 جنية هي ولا السيراتو ولا ادور علي حاجة تالتة
اسف طولت عليكو بس يا ريت تفيدوني

**AhmedNaeem** · 18-10-2014 11:37 PM

سيبك من الكورولا فالجنوب افريقي
لو عجباك دور علي الخليجي
السيراتو كويسة بس اكشف عليها كويس

**welly2000** · 19-10-2014 12:31 AM

متشكر علي افادتك

**monamize4** · 19-10-2014 02:23 AM

المشاركة الأصلية كتبت بواسطة welly2000

السلام عليكم
دي اول مشاركة ليا في منتدى تويوتا انا ببيع عربيتي الانترا 2008 اتوماتك ومعروض عليا تويوتا كورولا بتاعت واحد صاحبي هي عاملة 130000 كيلو وصيانتها في التوكيل من الزيرو كل 10000 كيلو هي فابريكة برة وجوة ما عدا الاكصدامات الحالة من برة جيدة يعني اللي ما عجبنيش فيها من برة انها مغيرة فانوس امامي وواضح انه مش زي التاني يعني حاسة اضاءته مش كويسة والاكصدام الامامي مش ثابت كويس سؤالي اللي محتاج فيه مساعدة من اعضاء المنتدي
هو عايز في العربية 95000 جنية هل السعر دة كويس ولا عالي؟
لما جربت العربية بالفتيس ال mmt بصراحة اتخنقت من السواقة يعني كنت بحس بالعربية وهي بتنقل بشكل غريب غير ان سحبها ما كنش حلو مع اني جربت عل e بس وبعدين es وكمان جربتها علي المانيوال هل ده طبيعي عشان مش متعود علي سواقتها وهتعود بعد كدة ولا هيفضل كدة؟
البديل قدامي اني اجيب سيراتو 2010 عاملة 90000 كيلو وسعرها ارخص 5000 جنية هي ولا السيراتو ولا ادور علي حاجة تالتة
اسف طولت عليكم بس يا ريت تفيدوني

الفتيس ال mmt ,, ناس كتير حصلها مشاكل بسبب و اشتكتوا منه
و اعتقد التوكيل كان عامل تعديل ف الفتيس و بيديك ضمان (الملاك يفيدوك اكتر ف النقطة دى )
و انعكس دا على سوق العربية ,, بمعنى ان الاوتوماتك العادى منها مطلوب اكتر و ماسك سعر اكتر

العربية انا جربتها و الصراحة فاجرة ف السحب بالفتيس ال MMT و الشيفتات ف الطارة مديه
احساس جميل و فعلا بتحس اوى بنقلات الفتيس لكن مش بدرجة مزعجة و ان كان فى موضوعات
هنا لناس بتتكلم عن ان الاحساس بنقلات الفتيس وصل لدرجة مزعجة و فى ناس اضطرت تغير فتيس

بالنسبة للمقارنة مع السيراتو ,,
لو انت متقبل الفتيس ال MMT ,, يبقى المقارنة محسومة للكورولا

**welly2000** · 19-10-2014 09:23 PM

المشاركة الأصلية كتبت بواسطة waleed_aboammar

أنا مش عارف ليه حضرتك بتغير من الينترا 2008 أوتو لموديلات 2008 أو 2010؟ إنت ممكن تظبط عربيتك و هتشوف منها ما يرضيك لو إنت بتغير بين موديلات السنة إلا لو كانت حالة شاذة و عربية مامشيتش كتير و مش متهانة أو أوبشنز إنت بتدور عليها ومش هتعرف تزودها عندك. أنا عندى زيك إلينترا 2008 و الحمد لله بيتمر فيها الصيانة و كل العربيات بتحتاج صيانة خصوصا بعد 6 سنين إستعمال. أنا رأييى تخليك في كسر زيرو يعنى سنة أو إتنين أو حتى ربنا يكرمك بالزيرو... قول يارب و ادعيلنا معاك :).

المشكلة اكيد فى الفلوس طبعا لو معايا فلوس كنت هحب اركب اوكتافيا خصوصا انى قبل الالنترا كنت راكب اوبل كورسا 94 وبصراحة الالمانى مالوش حل .
الفكرة كلها انى ببيع الالنترا بقالها معايا 5 سنين وزهقت منها مع انها فبريكة برة وجوة بس حالتها الخارجية بقت مخربشة ومجرحة والعفشة ابتدت تتعب وهصرف عليها لو حبيتها اظبطها صح مش اقل من 7000 جنية وهما دول بالظبط الفرق اللى مطلوب فى التويوتا
يبقى اركب تويوتا ولا هيونداى؟

**Veroman** · 09-11-2014 05:03 PM

المشاركة الأصلية كتبت بواسطة welly2000

المشكلة اكيد فى الفلوس طبعا لو معايا فلوس كنت هحب اركب اوكتافيا خصوصا انى قبل الالنترا كنت راكب اوبل كورسا 94 وبصراحة الالمانى مالوش حل .
الفكرة كلها انى ببيع الالنترا بقالها معايا 5 سنين وزهقت منها مع انها فبريكة برة وجوة بس حالتها الخارجية بقت مخربشة ومجرحة والعفشة ابتدت تتعب وهصرف عليها لو حبيتها اظبطها صح مش اقل من 7000 جنية وهما دول بالظبط الفرق اللى مطلوب فى التويوتا
يبقى اركب تويوتا ولا هيونداى؟

متخفش منتا هتصرف على الكرولا بردو بس هتصرف ببزخ لان قطع غيرها نااااااار هيواندى ارحم بكتير فى موضوع المصاريف دة

**Waleed_aboammar** · 10-11-2014 11:29 AM

المشاركة الأصلية كتبت بواسطة welly2000

المشكلة اكيد فى الفلوس طبعا لو معايا فلوس كنت هحب اركب اوكتافيا خصوصا انى قبل الالنترا كنت راكب اوبل كورسا 94 وبصراحة الالمانى مالوش حل .
الفكرة كلها انى ببيع الالنترا بقالها معايا 5 سنين وزهقت منها مع انها فبريكة برة وجوة بس حالتها الخارجية بقت مخربشة ومجرحة والعفشة ابتدت تتعب وهصرف عليها لو حبيتها اظبطها صح مش اقل من 7000 جنية وهما دول بالظبط الفرق اللى مطلوب فى التويوتا
يبقى اركب تويوتا ولا هيونداى؟

و الله انا شايف ان لو حالة العربية بيتى فتستاهل الصرف عليها و المبلغ اللى حضرتك بتقول عليه مبلغ محترم يعمل عفشة كاملة شاملة مساعدين و بارات طرف و مقصات بجلب جديدة و بيض دريكسيون و لو علبة الدريكسيون مضايقاك ممكن تتغير و كل ده مكسب ليك و هترجع تحس بالعربية ناعمة زى الأول مع ظبطة زوايا محترمة. و ياسلام لو غيرت طقم سيرفيس و نضفت بوابات و حساس الايدل و كل ده مش هيكلفك فوق الطبيعى لانك كده كدة بتصينها و هتشوف العربية هتفوق ازاى و ساعتها حتى لو بعتها اللى هيشتريها هيدعيلك على اهتمامك بيها
اما موضوع الحالة الخارجية ففيه ناس بتحب تدهن نضافة و فيه ناس تحب العربية تفضل فابريكة و دى اذواق
اما الجنوب افريقى انا معرفش حاجة عنها غير ان الناس متعايشة مع الفيتيس بتاعها و فيه اللى بيغيره في التوكيل بواحد عادى اما الموديلات الياباني اللى بعدها فلا يعلى عليها
و في النهاية ربنا يوفقك للخير

....