ميكروباص الجمعية بقي عالمي يا رجالة

**MoToRiZeR** · 27-10-2008 09:04 PM

بمناسبة إن إنهاردة يوم عالمي و قعدت في الطريق 9 ساعات ( ايوووووااااان 9 ساعات ) رايح جي .. راجع بيتنا بصداع في دماغي من الناحيتين و شبكية منفصلة في العينين و صمم جزئي في الأذنين و عدم قدرة علي المشي علي الرجلين (مانيوال بعيد عنكم .. قالك متعة القيادة!!) .. المهم أخدت دش و قلت اما أشوف وضعنا إيه علي خريطة العالم دلوقت .. عملت بحث علي جوجل لجملة worst cities in the world for traffic .. قام ألاقي إيه طلعلي ؟؟ ميكروباص الجمعية بتاع جيزة دقي .. اه و الله ياخويا .. ده بقي ماركة مسجلة .. ده بقي عالمي يا إخوانا و مبقاش شوية في البلد .. كلاكسه اللي مبيبطلش سمع في جميع أنحاء العالم ، علي رأي عادل إمام .. إنتوا بتقولوا إييييييييييييييييييييه !

أهوه المقال .

http://auto.howstuffworks.com/traffic5.htm

هو بيفيد إن القاهرة ثالث اسوأ مدينة في العالم من ناحية المرور (يخرب بيت الواسطة .. أكيد إحنا الأوائل بجدارة .. تفرقة عنصرية .. مؤامرة علي الأمة ) و مرفق صورة لشارع النيل و ميكروباص الجمعية منور ولا جورج كلوني .. أسيبكم مع المقال انا هخش انام عايز أصحي الساعة 6 عشان عندي محاضرة الساعة 11

**itsonlyme** · 27-10-2008 10:56 PM

الي أعرفه أنه القاهرة هي تاني مدينه في العالم من حيث الإختناق المروري.

إبحث في جوجل عن "The most congested cities in the World" حتلاقي قاهرة المعز هي في المرتبه الثانيه.

http://www.forbes.com/2006/12/20/wor...congested.html

**sab3aawy** · 28-10-2008 12:45 AM

مدينة القاهرة تالت اسوأ مدينة فى العالم فى القيادة؟

يبقى اكيد المدينة الأولى هى مدينة نصر والمدينة الثانية هى مدينة الملاهى

**Chicco** · 28-10-2008 01:00 AM

أبشر يا موتو باشا ....القاهرة مصنفة أبجديا وسط المدن الأخري ....يعني احنا مش في المركز التالت و لا حاجة و لسه في أمل في المنافسة على المركز الأول

قائمة العار تضم إلي جانب القاهرة المقهورة : بانكوك من تايلاند ، شنجهاي و بكين من الصين ، جاكرتا من اندونسيا ،كالكتا و شناي (؟) من الهند و أخيرا و ليس أخرا ساو باولو البرازيل

**itsonlyme** · 28-10-2008 01:58 AM

المشاركة الأصلية كتبت بواسطة Chicco

أبشر يا موتو باشا ....القاهرة مصنفة أبجديا وسط المدن الأخري ....يعني احنا مش في المركز التالت و لا حاجة و لسه في أمل في المنافسة على المركز الأول

قائمة العار تضم إلي جانب القاهرة المقهورة : بانكوك من تايلاند ، شنجهاي و بكين من الصين ، جاكرتا من اندونسيا ،كالكتا و شناي (؟) من الهند و أخيرا و ليس أخرا ساو باولو البرازيل

القائمه بتاعت howstuffworks مش مترتبه. لاحظ مفيش أرقام جنب المدن.
القاهره هي تاني مدينه من حيث الإختناق المروري حسب الرابط اللي أنا كاتبه.

**Chicco** · 28-10-2008 03:11 AM

المشاركة الأصلية كتبت بواسطة itsonlyme

القائمه بتاعت howstuffworks مش مترتبه. لاحظ مفيش أرقام جنب المدن.
القاهره هي تاني مدينه من حيث الإختناق المروري حسب الرابط اللي أنا كاتبه.

فعلا يا باشا فوربس حطت القاهرة تاني أعلى مدينة في الكثافة السكانية (أكتر من ٣٦ ألف في الكيلومتر المربع ) على حساب عدد السكان ١٥ مليون ....الكلام ده شهر ١٢. ٢٠٠٦ يعني فيه أمل برضه ننافس السنه ديه على المركز الأول .....للاسف الشديد ....

لا و إيه كاتبة كلمتين مصيبة كتعليق

ألف شكر يا باشا على الرابط

**Bossy_Fadl** · 28-10-2008 06:25 AM

موتو انا اكتر حاجة عجبتني في الموضوع كله هو حماسك

راجع من بره بعد كل اللي حصل فيك من المرور ده و جاي تعمل سيرش علي جوجل علي نفس الشيء اللي خانقك :k48:

ده بدل ما ترجع تشغل ميوزيك مثلا و لا تعمل اي حاجة تهدي اعصابك؟

اسمحلي انت فيك نزعة ماسوشية خارقه :k48:

اساسا الواحد بعد ما بيطلع من الشارع بيبقي نفسه ينام ميصحاش تاني من كتر اللي بيشوفه

بس سؤال يا جماعة

ايه ميكروباص الجمعية ده؟

**Hacker5** · 28-10-2008 10:22 AM

دة المينى باص اللى بيروح دقى امبابة و دقى جيزة و بولاق امبابة و بولاق جيزة

سواقين البتاع دة من اسواء سواقين العاااااااااااااااااااالم و التباعين فى منتهى قلة الادب ربنا ياخدهم كلهم يا رب عشان بيعملوا رعب للملاكى

السواق من دول راكب المينى باص اللى قد الداهية دة و تيلاقيه عمال ياخد غورز زاى مايكون راكب سيات 133 بيحشر نفسة فى اى حتة فاضية دة غير السباقات اللى بيعملوها عشان يلحق ياخد زبون قبل زميله اللى وراه - مايعرفوش ان دى ارزاق - بجد عالم بقر و فى منتهى التخلف و منعدمين الاخلاق .

**MedaSam** · 28-10-2008 10:54 AM

ya 7alawaaaaaaaaaaa

ISA ISA ISA we will be in the first place, we worked hard recently to be the best ...... sorry... I mean the WORST

We have now the new traffic law, renewed Me7war, bridges, tunnels, and many others improvements ....... we must be the best ...... sorry... I mean the WORST

er7amna ya rab ......... yaaaaaaaaaaa rab