الموضوع: فضفضه عن الزواج

المشاركة الأصلية كتبت بواسطة Mecha

ازاي مش عارف تشوف واحده واهلها ناس كويسين
بالقديم ابعت ناس من عندك يزوروهم
بالجديد اقطرها وهي خارجه وشوفها وكلمها ولاغيها وقابلها وجمع معلومات بنفسك , عاوز مواصفات عاليه لازم تتعب وتشقي

كلامك جميل يا كبير بس المشكله فين بقي برجع من الشغل متاخر ملحقش اعمل الحل الاول والحل التاني مش هيبقي كويس لان اهلي عينهم غير عيني

المشاركة الأصلية كتبت بواسطة kar!m

هو لو حضرتك بقالك 25 سنة بتدور و مش لاقي عروسة كويسة يبقى أكيد المشكلة مش في العروسة :-)
ربنا يوفقك لما فيه الخير

ههههههههههههههههههههههههه ههههه انا 25 سنه . بقالي شهر بدور .

المشاركة الأصلية كتبت بواسطة Mecha

ههههههه ,ممكن يقصد عمره 25 سنه
انما 25 سنه بحث فعلا حاجه عجيبه والا البحث نفسه متعه ومنهج حياه

المشاركة الأصلية كتبت بواسطة احمد المصرى

نفس المشكله هتلاقى بنات ناس كويسه جدا ومش لاقيين راجل محترمه المشكله قائمه عند البنات برضوا وتلاقى البنت واهلها بيقلولك مش لاقيين راجل وابن حلال محترم


انا شخصيا من كام يوم كنت فى موضوع جواز لبنت قريبتى وسبحان الله تحس ان الرجاله اسف لو قلت عليهم رجاله اساسا


تقييمى للموضوع عموما ان فى حلقه وصل مش موجوده شباب كتير ولاد حلال مش لاقيين بنات وبنات كتير ولاد حلال مش لاقيين رجاله


وفى الاول وفى الاخر دا نصيب واصبر وان شاء الله تلاقى بنت الحلال

اه والله حضرتك تلاقي البنت محترمه اهلها يبقوا مش كويسين والعكس الاهل محترمين تلاقي البنت مش اد كده مع اختلاف وجهات نظر الاهل بقي عليها تبقي انت موافق تلاقي اهلك يقلولك بلاش

المشاركة الأصلية كتبت بواسطة exelence

المشكلة انك لو حاولت توفق بين اتنين شايفهم محترمين و لايقين لبعض و مع اول مشكلة بينهم هوب هتلاقيهم بيدعوا عليك.
على العموم نصيبك هيجيلك و ما تستعجلش انت لسه شاب صغير 25 سنة مش كتير و ربنا يوفقك و عليك بالإستخارة ثم الإستخارة.

اكتر كلمه سمعتها كل ما اقول لحد يقولي مليش دعوه يا عم وقرايبي كمان مش ناس غريبه

المشاركة الأصلية كتبت بواسطة Ahmed abdkarim

العضو الفاضل يقصد انا 25 سنة وبعدين نقطة و بعد النقطة بدور على عروسة :d

شكرا ع الايضاح

المشاركة الأصلية كتبت بواسطة kar!m

عندكم حق فعلا .. معلش وقعت مني دي :-)