ما هى اجراءات استصدار الرخصة الخاصة

**dser** · 19-10-2014 06:29 AM

السلام عليكم ورحمة الله وبركاته

عندي سؤال بسيط واتمنى الاجابه الصحيحة

انا عايز اطلع رخصة قيادة خاصة

سمعت ان الاوراق المطلوبة هي شهادة المؤهل الدراسي

طيب انا متخرج من زمان و أصل الشهادة بتاعتي فى جامعة الاسكندرية وانا مقيم فى القاهره

لكن معايا كارنية الجامعه ينفع اقدم كارنية الجامعه واكتب ان المؤهل بتاعي هو الثانوية العامة ؟؟

وبالنسبه للشهادة الباطنه والنظر وفصيلة الدم دي ممكن تطلع بسهولة من عيادة خاصة ولا لازم مستشفى حكومي

وشكرا لحضراتكم

تم تعديل العنوان ليتناسب مع المحتوى
م ب 3

**semsem7222** · 19-10-2014 09:27 AM

لو مثبوتة فى الرقم القومى حاصل على يبقى خلاص او شهادة الثانوى بالنسبة للباطنة والنظر مستشفى حكومى او عيادة خاصة

**ahmedsehimy** · 19-10-2014 09:42 AM

لو فعلا مثبوت في البطاقة مش هتحتاجها..انا لسة عاملها لمراتي الاسبوع اللي فات

**shoshasam** · 19-10-2014 09:54 AM

هاقولك علي انا عملته بالظبط بما اني طالب زيك

* موضوع الكارنيه مش هاينفع ولا هايفيدك بشئ كذلك البطاقه الشخصيه حتي لو مكتوب فيها طالب
* انا روحت الكليه وطلبت خطاب موجهه لادارة المرور مختوم بختم الكليه
طلبوا المصاريف عشان اثبات القيد دفعتها وخدت الجواب
خللي بالك لازم الجواب يبقي مكتوب فيه موجهه لادارة المرور

* بخصوص الشهاده مش ضروري تكشف هاتلاقي ناس قدام ادارة المرور بتبيع الشهاده دي ب 20ج
وكذلك في عيادات متخصصه في الامر ده هايدولك الشهاده وانت واقف في 5 دقايق
تعرفهم ازاي ؟ اسال الناس بتوع التصوير اللي قدام ادارة المرور

* حالتك مختلفه لانك متخرج من الكليه , طيب انت ليه ماسحبتش ورقك من الكليه طالما خلصت واتخرجت

**غزلة** · 19-10-2014 12:38 PM

اي حاجة تثبت انك بتعرف تقرا وتكتب اعدادية - ثانوية او حتة محو امية

**dser** · 19-10-2014 02:14 PM

للاسف كان مثبوت فى البطاقة اللى قبل كده اني طالب وبعد التجديد مكتوبش حاجه على ظهر البطاقه

يعني لازم اروح اسكندرية اطلع مستخرج من الشهادة الجامعية ؟؟ او اروح وزارة التبرية والتعليم اطلع شهادة الثانوية العامة ؟؟

مفيش حل تاني وليه العطله دي اللى هما بيدخوا الناس فيها

**2CODE** · 20-10-2014 12:48 AM

المشاركة الأصلية كتبت بواسطة dser

للاسف كان مثبوت فى البطاقة اللى قبل كده اني طالب وبعد التجديد مكتوبش حاجه على ظهر البطاقه

يعني لازم اروح اسكندرية اطلع مستخرج من الشهادة الجامعية ؟؟ او اروح وزارة التبرية والتعليم اطلع شهادة الثانوية العامة ؟؟

مفيش حل تاني وليه العطله دي اللى هما بيدخوا الناس فيها

يعني ايه مكتبوش حاجة ؟؟؟؟؟ خانة الوظيفة دي عملوا فيها ايه ؟؟؟؟؟؟

مينفعش تكون فاضية يا استاذي الفاضل لازم مكتوب فيها حاجة ولو الحاجة دي مختلفة عن اللي انت بتقولة (يعني قولتلهم انك طالب في كلية كذا ومكتوب في البطاقة طالب بس) يبقى لازم اثبات قيد في الكلية الفلانية

طيب في حالتك انت مخلص جامعة ومش مثبوتة في البطاقة يبقى عايز تروح الكلية معلش هتتعب نفسك وتعمل شهادة تخرج من الجامعة

ليه لازم تكتب مؤهلك ؟؟؟؟؟ علشان اللي واقف في الكمين يحترمك اساساً لان في فرق كبير لما يتعامل مع سواق ميكروباص من واحد راكب ملاكي ومعاه اعدادية او ثانوية من واحد معاه بكالريوس او ليسانس !!!!!! علشان دي بتبقى مكتوبة في الرخصة

فهمت قصدي ؟؟؟؟

**gade2** · 20-10-2014 11:27 AM

المشاركة الأصلية كتبت بواسطة 2code

يعني ايه مكتبوش حاجة ؟؟؟؟؟ خانة الوظيفة دي عملوا فيها ايه ؟؟؟؟؟؟

مينفعش تكون فاضية يا استاذي الفاضل لازم مكتوب فيها حاجة ولو الحاجة دي مختلفة عن اللي انت بتقولة (يعني قولتلهم انك طالب في كلية كذا ومكتوب في البطاقة طالب بس) يبقى لازم اثبات قيد في الكلية الفلانية

طيب في حالتك انت مخلص جامعة ومش مثبوتة في البطاقة يبقى عايز تروح الكلية معلش هتتعب نفسك وتعمل شهادة تخرج من الجامعة

ليه لازم تكتب مؤهلك ؟؟؟؟؟ علشان اللي واقف في الكمين يحترمك اساساً لان في فرق كبير لما يتعامل مع سواق ميكروباص من واحد راكب ملاكي ومعاه اعدادية او ثانوية من واحد معاه بكالريوس او ليسانس !!!!!! علشان دي بتبقى مكتوبة في الرخصة

فهمت قصدي ؟؟؟؟

فى بطاقات كتير جدا مش مكتوب فيها المهنه وبرضه الحاله الاجتماعيه

**lolnk** · 23-10-2014 08:44 PM

ياباشا انا زيك متوقف على المؤهل وانا فى كلية ولاكن موقوف قيدى علشان الجيش فافى حل بسيط بدل ما تضرب وشوار للكلية انك تروح الادارة التعليمية وتطلع بيان درجات لشهاده الثانوية وتقدمها