هيونداي اكسنت مو2000

**youssef_sallam** · 22-07-2007 10:19 PM

هيونداي . اكسنت 2000
موتور 1300 - تكييف - سنتر 2 ريموت - إنذار - كاسيت سيمفونى بريموت - سماعتين كينود
حالة الصاج ممتازة مع العلم انها لم ترش نهائى يعنى فابريكة برة و جوة
حالة الدواخل ممتازة
حالة الصالون ممتازة فرش الفابريكة
الحالة العامة او التقييم العام للسيارة حالة نادرة
الكاوتش جديد
البطارية جافة ممتازة
السعر 43000
موبايل 0106043025
رخصة انتهاة 6\2008
اول مالك
البيع بتوكيل او اشتراط التسجيل
حالة الموتور ممتازة

**Sherif Khalifa** · 24-07-2007 02:03 AM

دى 1300 ؟

**speed demon666** · 27-07-2007 11:17 AM

with this price its better to go for 99 or 98 with 1500 cc , or what do u think ? , price is over my brother

**banboty** · 28-07-2007 10:18 AM

السعر بصراحة مبالغ فيه

لان ممكن تشتري اكسنت موديل 2005 / 1300 سي سي تكييف و كاسيت , بمبلغ يتراوح من 48 او 49 الف ..
و الحالة طبعا بتكون جديدة و ممكن تلاقى السيارة ما زالت في الضمان .

طب ليه اشترى دي بـ 43 الف :?:

**Hossam_Hassan** · 28-07-2007 10:31 AM

المشاركة الأصلية كتبت بواسطة banboty

السعر بصراحة مبالغ فيه

لان ممكن تشتري اكسنت موديل 2005 / 1300 سي سي تكييف و كاسيت , بمبلغ يتراوح من 48 او 49 الف ..
و الحالة طبعا بتكون جديدة و ممكن تلاقى السيارة ما زالت في الضمان .

طب ليه اشترى دي بـ 43 الف :?:

يمكن اللى هيشترى مامعاهوش غير 43 ألف؟؟؟؟؟؟؟

**banboty** · 28-07-2007 12:36 PM

حتى لو مش معايا غيرهم , و غاوي الهيونداي , اكيد ممكن اتصرف لان الفرق بسيط يعنى قرض او سلف او استنى لما اكملهم ,
لان فرق السعر بسيط مقارنة فيما سوف اجده في الموديل العالي زي فرق الاستهلاك في الموتور في الصالون في العفشة في الحالة العامة في فرق عدد السنين , كله ده هشتريه بفارق لا يزيد عن 5 او 6 الالاف .... تفتكر الكفة هتطب لصالح مين ؟؟

و هقولك على مثال تاني بعيدا عن موضوعنا !!

اي عربية مستعملة من الفئة المتوسطة يزيد ثمنها عن ستين الف , بتلاقى بيعها تقيل بسبب قربها من اسعار الزيزو .

و لسه متعرض لهذا الموقف الاسبوع ده ..

عربية نسيان صنى موديل 2000 جميع الكماليات مانيوال فابريكة المصنع , كان صاحبها طالب في الاول 60 و بعدين 59 الف و برضوا محدش جاله , لغاية لما نزل السعر الى 57 الف و اخدناها امبارح لواحد صاحبي , لانك احسب الفرق بينها و بين موديل 2007 اللى بـ 87 الف ... هتلاقى فرق السعر كان قريب بينها و بين الزيرو لما كانت بـ 60 الف لغاية اما الراجل نزل الى 57 الف فأخدناها

**youssef_sallam** · 31-07-2007 01:45 PM

ممكن يكون مبالغ فية شوية بس انا حقولوكم على حاجة انا شوفت عربيات كتير قبل ما احط سعر لعربيتى شوفت :
1 - اكسنت 99 موتور 1300 راش كذا مرة و حالتها مش حلوة و اتباعت على 39500
2 - اكسنت 2000 قال اية العداد بتاعها عامل 30 الف بس طبعا دع لاعب فية اكيد و مرشوشة برة و 40500 متباعة

انا بقة بقول عربيتى فابريكة برة و جوة و الموتور ممتاز و عفشتها ممتازة و فرش فابريكة يعنى مش محتاجة شغل فيها خالص و عربية من سنة 2000 لحد دلوقتى و حالتها كده ده يدل على ان اعربية استعمالها خفيف و انا عن نفسى كنت محافظ عليها جدا و انا شوفت عربيات كتير موديل 2005 و حالتها سيئة جدا يعنى مش الموديل بس و لا سنة الإنتاج بس هوة اللى يحدد ثمن العربية
و بعدين انا مش تاجر يعنى ممكن اكون غلطان او فعلا تقديري مبالغ فية . فا اللى عنده خبرة كويسة يقوللى سعرها الحقيقى كام و شكرا