السوني دة زباله...شاشات تعبانه واي كلام
واللي علي الورق غير اللي ف الحقيقه....سامسونج برقبه
السوني دة زباله...شاشات تعبانه واي كلام
واللي علي الورق غير اللي ف الحقيقه....سامسونج برقبه
ما هو عشان تغير الخط العربي الضاااااايع بتاع السامسونج لازم رووت وبكدة حتفقد خاصية التحديث
الزد٣ مع صاحبي رائع والخط العربي فية حلو جداااا غير الخامات و الملمس الفخم جدا
و ضد المياة كمان
انا معايا زد1 ونزلت بية البحر و حمامات سباحة وكنت بطلع اغسلة تحت الحنفية
أنا أسف جدااا
بعد البحث عن النسخة H طلعت مش بتدعم ال 4g للأسف
غريبة جدااا !!
على العموم لو شركات الاتصالات فى العراق عندك مش بتدعم ال 4g يبقى كبر دماغك ومش هتستفيد من الخاصية دى
ونفس الكلام هنا فى مصر برده مش هنستفاد منها بحاجة
الخط ممكن يتغير من غير روت وبتختار من بين 4 أو 5 خطوط
والخط ممكن يكبر أو يصغر وموجود 7 أحجام
خاصية ضد المياة فى رأيى مجرد استعراض عضلات للشركات وانا كمستخدم مش هحتاجها فى حاجة
وكام مرة فى السنة هنزل المية واتصور صورتين؟؟
هو أوبشن ظريف بس مش عملى وميخلنيش اشترى جهاز بعينه عشان خاطر الخاصية دى :)
وأضحى بشاشة مميزة وملهاش مثيل زى النوت4 أو مميزات القلم والسوفت وير الخاص بسام
شوف احتياجاتك ايه وحدد وجرب تشوف النوت 4 وتستخدمه وحاول تغض النظر عن الخط عشان متبقاش ماسكه وانت قرفان :)
بالتوفيق ياباشا :)
بالنسبه لموضوع ضد الميه انا شايف انه حاجه ظريفه .....بس مش اساسى
لانى كان معايا Sony acro S ..ودا اول واحد ضد الميه ....بقالوا معايا سنتين ولسه سايبه
وفى خلال السنتين دول عمرى ما غسلته ولا نزلت بيه تحت الميه .....بس كنت ببقى مطمن لو استخدمته وايدى مبلوله او عرقانه انه مش حيجرالوا حاجه.
ميتنزلش بية ماية مالحة عشان لو المية نشفت الملح حيترسب ويسد الجهاز
عشان كدة قلت كنت بطلع اغسلة تحت مياة الحنفية على طول او بمياة معدنية عالشط كدة
حكاية الخط ... المشكلة انك لما بتكبرة كل خط الجهاز بيكبر بما فية الانجليزى وكدة مساحة الشاشة الكبيرة اللى انت شارية عشانها حتقل وتفقد ميزتها
كل اللى جاب سامسونج لازم يرووتة عشان يغير الخط العربي
شاشة الزد3 والزد2 بقت IPS LCD 1080p بدقة 444ppi من فترة وتعتبر من اقوى الشاشات الان
[QUOTE=M7amD_7amDy;3875810102]أنا أسف جدااا
بعد البحث عن النسخة H طلعت مش بتدعم ال 4g للأسف
غريبة جدااا !!
على العموم لو شركات الاتصالات فى العراق عندك مش بتدعم ال 4g يبقى كبر دماغك ومش هتستفيد من الخاصية دى
ونفس الكلام هنا فى مصر برده مش هنستفاد منها بحاجة
هو حضرتك بحثت فين بالظبط اصل انا دخلت على موقع gsm arena والنسخة H مش موجودة على الموقع
وبعدين انا هاستعملة فى مصر مش هناك وهل فى فرق فى قوة البروسيسور بين ال 3g وال 4g ممكن تبعتلى اسم الموقع اللى حضرتك دورت فية؟
[QUOTE=mastr_n;3875810774]
ياباشا ولا تزعل ومتشيلش اى هم
مبروك عليك الجهاز واستمتع بيه ومتشغلش بالك
وأعتقد مفيش فرق فى المعالج غير موضوع الـ 4G ده بس
ومعلوماتى ان الجهاز ده نازل بنسختين
نسخة بمعالج Qualcomm Snapdragon 805
والتانية معالج سامسونج Exynos 5433
والنسختين اساسا داعمين لل 4G بس مش عارف ليه النسخة H نازلة من غير دعم ال 4G !!!
ومعرفش برده نسخ ايه تانى غير الـ H مش داعمة
وده مش متوضح فى موقع Gsmarena
انا برده لحد دلوقتى مش لاقى مصدر ثقة 100% ان النسخة H مش داعمة لل 4G !
ولكن انا كنت قريت ردود لناس معاها نفس النسخة وقالوا انها مش بتدعم ال 4G
+ كمان شوفت فيديو مؤخرا ريفيو للجهاز وذاكر برده نفس الكلام
وده الفيديو ( فى الدقيقة 8:45 بالظبط )
https://www.youtube.com/watch?v=jDOH...Jb21sLh9jh1qWA
موضوع دعم ال 4g دة راجع لبروسيسور الجهاز .. كل معالجات كوالكوم داعمة للفور جي
الغريب ان سامسونج عملت downgrade لل usb من 3 ل 2 !
لا حول ولا قوة الا بالله ....ياجماعه النوت 4 بقي قديم خلاص...استنوا شويه النوت 5
ههههههه
بيتكلموا عنه
Samsung Galaxy Note 5 likely to feature a 4K 6-inch AMOLED - GSMArena.com news
اية اخبار الجرابات للنوت 4 واسعارها اية
ألف مبروك على الجهاز
أنا معايا نوت 3 ولولا إني خلاص قررت أجيب الآيفون 6 بلس كنت فكرت في النوت 4 على الرغم من إن تجربتي سيئة وغير مرضية مع نوت 3 بس يبدو من كلامك إن سامسونج ظبطت الأداء شوية بدل شغل الهبل اللي كانت بتعمله قبل كده
لكن أرجع وأقول مفيش في سلاسة وجمال الـ ios
هجيب النوت Edge
ع الاقل حاجة جديدة غير تقليدية
على فكرة انا اول مرة امسك سامسونج فى حياتى
علطول كنت بجيب نوكيا وبعدين htc
بس عايز اقول حاجة النوت 4 دة اختراع ال s.pen تقريبا بتعمل بية اى حاجة انت عايزها
الكامير فيها كمية اوبشن رهيبة انا مش من هواة السيلفى بس الكاميرا هاتخليك تحب السيلفى خصوصا ان فى اوبشن بالكاميرا الخلفية انك تاخد سيلفى لنفسك شغل دلع
ال fast charging دة موضوع جامد يكفى ان التليفون بيشحن فى نص ساعة 50% وساعة كاملة بيكون 100%
الجهاز لسة فى حاجات تانية كتير لسة بكتشفها
نصيحة لو عايز تليفون مختلف تماما عن اى تليفون تانى خليك فى النوت 4 مش هاتندم
انا اشتريته من يومين و جهاز مميز و جميل مبروك لكل من اقتناه و افضله للي بيدور علي جهاز محترم
أنا سألت عليه امبارح في دريم 2000 لقيته ب6000 جنيه
بالضمان أيوة
بس غالبا من غير الجراب
والسعر نزل 50 جنيه كمان
Samsung Galaxy Note 4 - Samsung SM-N910S, Samsung SM-N910C, Samsung SM-N910 - مواصفات وصور وعيوب ومميزات وسعر اليوم
فى مشكلة قابلتنى
التليفون بيكون صامت لوحده على الرغم انى عامله عادى مش صامت وبعلى الصوت على الاخر ومفيش صوت !!
بحاول اشغل اى فيديو او ملف صوت واعلى على الاخر برده مفيش صوت!
وبعمل ريستارت والمشكلة بتروح
حصلت مرتين لحد دلوقتى
حد ليه تفسير او قابلت حد المشكلة دى؟
أنا اساسا عدو اى حاجة تتلزق على الشاشة ومش بحبهم
بس كان لازم أجيب واحدة عشان مجبتش فليب كفر عشان مش عاجبنى ومبوخ شكل الجهاز
ودورت كتير على سكرين الأزاز اللى هى ضد الكسر دى
ملقتش أنواع كويسة وكلها حاجات مقتنعتش بيها
ولقيت سكرين عادية مش ضد الكسر بس سامسونج أصلية وصناعة كورى
وجبتها أخر مزهقت وكويسة شغالة يعنى وخصوصا انها أصلية مش سكة
وجبت جراب للضهر سيليكون خفيف جداا وشفاف ومش مخبى الجهاز خالص
بس كده :)
برامج المؤذن بيعمل كده ..
باشا فيه اي ابديت جديد بعد استخدامك للجهاز الفترة اللي فاتت لاني بفكر فيه ومتردد جدا خصوصا اني معايا نوت 2
ميدو باشا مقولتليش هل فيه جديد عاوز تضيفه عن الجهاز بعد استخدامك ليه طول الفترة دي
اسف ع التاخير
نزل تحديث للجهاز مساحته حوالى 100 ميجا
ظبط شويه عمر البطاريه اللى انا شايفه كويس جدا
الجهاز مفيش اى ملاحظات عليه من ساعه ما جبته لحد وقتنا دة وبصراحه بعد النوت 3 مكنتش متوقع ان فى نوت تانى يبقى اقوى منه بالشكل دة
الجهاز انصحك وانصح اى حد بيه
ومبروك مقدما
تحياتى
استخدام اسبوعين
الجهاز سلس جدا ماشاء اللة وسريع بنسبة ملحوظة عن اى جهاز مسكتة قبل كدة وبصراحة فضلتة على الاى فون علشان القلم بتاعة متطور جدا تعمل بية اى حاجة ممكن تتخيلها
انصح يية جدا مش هاتندم
الف مبروك ياباشا