الموضوع: افيو ولا لوجان ٢٠١٥

المشاركة الأصلية كتبت بواسطة elfer3onpiro

شباب، ارجو ابداء رايكم في من الافضل افيو ولا لوجان؟ ولماذا؟

بص هقولك اللى اعرفه عن اللوجان لأنى كنت من ملاكها
المميزات:
1-واسعة من الداخل .. الكنبة اللى ورا اوسع من كنبة m11 اللى معايا دلوقتى
2-استهلاك بنزين قليل جدا جدا اقتصادية جدا (اللى كانت معايا موديل 2010 8 صباب)
3-الخامات من جوة معقولة جدا بالنسبة لسعرها
4-توكيل ممتاز و محترم جدا كانوا بيتعاملوا مع العربية و صاحبها باحترام حقيقى (انا كنت باصين فى الميكانيكيون العرب) كنت بعمل صيانة فى التوكيل كل 10000 الاف (ال 5000 الاف كانت مجانية) اقصى مبلغ دفعته كان حوالى 700 جنيه ..دا كان تقريبا كل سنة او كل 9 شهور..لا سألت على قطع غيار و لا غيره ..راحة بال تامة و توكيل محترم فى المعاملة بجد .... مش بتصرف بعد التوكيل غير البنزين.
كنت مأمن على العربية و مرة عملت حادثة (كلفت 5 الاف جنيه تصليح الجسم من برة) و روحت للتأمين مرة واحدة بعدها مركز الصيانة كان منه لشركة التأمين ما شوفتش وشه تانى .. مركز الصيانة كان بيبعتلى رسايل و مهتم يخلصلى كل حاجة و روحت استلمت العربية و مادفعتش مليم و لا شوفت حتى مندوب الشركة و مهندس الصيانة عمال تليفونات و يقولى كل شىء بيتابعه و مهتم بيه ازاى (لو فضلت اقولك كتير مستوى المعاملة الراقية هتقول عليا ببالغ .. اصل انا شوفت معاملة وحشة من توكيل اسبيرانزا يعنى عدم اهتمام كدة و اسلوب مش كويس خلانى اعرف قيمة توكيل رينو)

العيوب:
صوت محرك اعلى نسبيا عن السيارات الاخرى فى فئتها
الصاج بتاعها اضعف من مثيلاتها
الفراغات بين الاجزاء الخارجية تحس انها بتزيد مع الوقت و المطبات
خشنة عن ال m11 اللى معايا دلوقتى
ماتحاولش تاخد ملفات على سرعة بيها عشان هى عالية و مش رياضية اوى انما عائلية هى طبعا stable بس مش زى عربيتى الحالية. و لو افتكرت حاجة تانى هقولك

شكرا جدا macathius، انت شجعتنى للتوكيل جدا. بس بصراحة خايف جدا أحط المبلغ دة فى حاجة صينى زى السبرانزا او البي واي دي.

و بردة انا معرفتش هي احسن ولا الافيو.

تحديدا: رينو لوجان الهاي لاين و أفيو أتوماتيك.

بالذات فى عاملين الامان علي سرعات، وقطع الغيارز

ربنا يوفقك فى الاختيار حاول فعلا تجيب اوتوماتيك لأنك هتشترى راحتك لو اللوجان فيها دلوقتى اوتوماتيك يبقى احسن بس مش عارف فيه و لا لاة... لو هتدفع الافات زيادة عشان موضوع الهاى لاين فمش هتستفيد بيه اوى.. يعنى الكماليات فى الفول اوبشن كافية.. حط الزيادة فى الاوتوماتيك. يعنى دا رأيى و الله الموفق و المستعان

افتكرت عيب كمان فى اللوجان و دا كان بيضايقنى جداً.. فيه رعشة فى عصاية الدبرياج و كمان بتزيد و انت ممور . رعشة رعشة تتشاف بالعين مش مجرد ذبذبة. معرفش صلحوها فى الموديل الجديد ولا لا

اقرا كمان الموضوع دا .. اللوجان فيها مثبت و محدد سرعة كدة تبقى ممتازة

http://www.nilemotors.net/Nile/433897-2015.html

الهاي لاين مفيد جدا علشان الاتي:
١- الabs وال ebd
2- مثبت السرعة
3- محدد السرعة
٤- ال parking sensor
5- جنوط سبور

بس انا كنت عاوز اسأل عن ال stability ايه اخباره ؟ وهل الاوتوماتيك نازل قريبا فعلا ولا اشاعات؟؟؟

لا كدة يبقى لازم هاى لاين فعلاً.. بص بالنسبة لل stability على سرعات و ملفات و المناورات عموماً رأيى انها مش مؤهلة لكدة و انا كنت سوقتها 3 سنين تقريباً