الموضوع: مين يعرف محامي تخصص قضايا التخلف عن التجنيد لمن تجاوزوا السن القانوني ؟

بص يا فندم انا كنت بنفسى فى المحكمه دى عشان اسال ايه النظام بعد تعديل القانون و قابلت اكتر من 30 واحد هناك و عشان اريحك اكتر كان فى واحد ملتحى كان خارج يجيب حاجه يشربها لانهم بيفضلو جوا من الساعه 10 لحد 1 و نص كده على ما العساكر يسمحو ليهم يخرجو المهم انا سالت الملتحى ده و كان رده بالنص مفيش حاجه و الناس ذوق بس لسه منعرفش الغرامه كام

الكلام ده كان بعد تطبيق القانون الجديد باسبوع عشان كده العساكر كانت بتخوقهم جوا و تقولهم 10 الاف و كده و محدش جاب سيره حبس يوم و الله كان ملتحى انا ممكن اريحك و ادلك على سكه مستشار عسكرى بس صدقنى و الله ملوش لازمه

تحريات دى بعد مبتقدم ورقك عشان يعرفو بس انت دخلت مركز تدريبك ولا لا يعنى هروب و لا تخلف ياريت تسمع منى

و لو لسه مصر اقولك على مكان واحد كان شغال رئيس المحكمه العسكريه دى نفسها

شوف يا فندم انا برده كنت نفس ظروفك كان يوم الارجاء بتاعي يوم ثورة 25 يناير ((اللي مرتضى منصور بيقول اللي هيقول عليه ثورة هضربه )))ما علينا
المهم انا كنت ملتحي وكان سني 28 سنة وبرضه متزوج وكليه متأخر وكده ما علينا
المهم منه لله العسكري الحمار اللي واقف على البوابة بره قاللي احلق دقنك احسن هيعملو ويسوا وانا طبعا مغفل رحت حالتقا وبعدين دخلت اصورت (( لو ما كنتش حلقتها كنت هستلم شهادة على طول و امشي )) يالله بقى منه لله
المهم يوم الارجاء لبست فانا رحت مروح وقلت ياله نكمل ال30 سنة في البيت
المهم بعد 30 ما عدوا ب 5 ساعات بالظبط روحت مكز الجنيد وبتطلب انو هما يخلصوا وضعك القانوني
يقوم الموظف بعتك لمكتب الهروب عشان تجيب ورقة ان سعادتك لم تلبس ميري 5 دقايق
هوب يقوم يقولك عدي علينا الاسبوع الجاي
هوب تاخد ميعاد الجلسة
هوب تروح وانت ملتحي او بدون لحيه سيان خالص
هوب القاضي ينده اسمك
هوب تقوله تمام يا فندم
هوب يقولم 2400 جنيه
هوب تدفعهم
هوب يخدوكمويصوروكم و يدوك ورقة بعدها تاني يوم تروح منطقة التجنيد يسلموك شهادة لم يصبة الدور نهائيا
وغير وطلوب للتجنيد
مهممم جداا لو روحت الجلسة مع محامي هوببب القاضي هيسجنك او يسجن المحامي
بيتضايقوا قوي قوي من موضوع المحامي ده وبيحذروكم ان مفيش حد يجيب محامي معاه
هوب تعزمنا بقى على خروف محشي وشكرا

الرد السابق ينطبق فقط على التخلف وليس الهروب
التخلف استمارة 110 جند فقط ((صراحة مش فاكر الرقم اي اللي هيه غير مسوغ للتعيين والسفر
او بالغربي بعد الارجاء قطعت رجلك من ناحيتهم

اما الهروب هو ان سعادتك روحت وسلمت نفسك واخد ورقة صفراء باين مش فاكر بتاعة الترحيلات وسمعت سلاحك
ساعتها 36 سنة او 2 سنة سجن ايهم اقرب

ان شاء الله موضوعك يخلص على خير
بس متنساش الخروف بتاع الرجالة

المشاركة الأصلية كتبت بواسطة subhimust

الرد السابق ينطبق فقط على التخلف وليس الهروب
التخلف استمارة 110 جند فقط ((صراحة مش فاكر الرقم اي اللي هيه غير مسوغ للتعيين والسفر
او بالغربي بعد الارجاء قطعت رجلك من ناحيتهم

اما الهروب هو ان سعادتك روحت وسلمت نفسك واخد ورقة صفراء باين مش فاكر بتاعة الترحيلات وسمعت سلاحك
ساعتها 36 سنة او 2 سنة سجن ايهم اقرب

سؤال ليك يا باشا ايه الى مكتوب فى الشهاده الى خدتها ؟؟ و هل قالولك ممكن تيجى تغيرها بشهاده عاديه بعد مرور سنه و لا دى مبتتغيرش ؟

المشاركة الأصلية كتبت بواسطة أبو آسر

ربنا يطمنك :d
توكلنا على الله يا رجالة
بس لو طلع فيها حبس هدعي عليكـوا كلكوا هههههههههههه
دعواتكم بقى

ربنا معاك يارب و ياريت تاخد حد معاك يستناك برا او يجيلك على الساعه 2 كده و اعمل حسابك فى 4000 جنيه احطياتى و متقلقش لو مش معاك الفلوس هيدولك 24 ساعه تروح تجيبهم و تدفع تانى يوم

و بعد متاخدها تيجى تقولنا ايه الى حصل معاك بقى عشان انتم السابقون :)

[quote=karim alaa;3875791862]سؤال ليك يا باشا ايه الى مكتوب فى الشهاده الى خدتها ؟؟ و هل قالولك ممكن تيجى تغيرها بشهاده عاديه بعد مرور سنه و لا دى مبتتغيرش ؟



ربنا معاك يارب و ياريت تاخد حد معاك يستناك برا او يجيلك على الساعه 2 كده و اعمل حسابك فى 4000 جنيه احطياتى و متقلقش لو مش معاك الفلوس هيدولك 24 ساعه تروح تجيبهم و تدفع تانى يوم

و بعد متاخدها تيجى تقولنا ايه الى حصل معاك بقى عشان انتم السابقون :)[/quote]


المذكور تخلف عن اداء الخدمة العسكرية وقد سدد الغرامةوصدر حكم في القضيه

رقم كذا واصبح غير مطلوب للتجنيد ( لم يصبه الدور )
وبعدين دي مش محتاج تغيرها ولا حاجة ومش هتحتاجها في حاجة وهي نفس شهادة من لم يصبه الدور او وانت تعامل نفس معاملة من ادى الخدمة لان انت يتأحذ حكم بالبرائة مقابل الغرامة
اللب بتحتاج تغيرها اللي هيا شهادة رديئة الحمراء او شهادة التخلف الامني لو روحتلهم ملتحي وفي جميع الحالات لا تضرك برده في وظيفة او سفر او غيره واي كلام تاني اوشاعة


و بعدين شكل الخروف هيطير باين ولا ايه مش عارف ابو أسر مجابشي سيرته خالص

و بعدين هوه مش محتاج ياخد حد معاه يوميها الا لو كان هيبعته يشتري الخروف على يا يخلص
هيا الجلسة هتكون الساعة 10 ولا حاجة بس لازم تكون هناك الساعة 8 بالكتير لانه لو نده اسمك وانت مش موجود هتظبط
ربع ساعة يكون حكم جملة كده على 20 30 واحد وبعدين هتطلعوا ياخدكم واحد من الشرطة العسكرية في ميكروباص ويدفعكم تمن الاجرة وتروحوا مقر الشرطة العسكرية هتدفعوا وتستلم وصل عشان تروح بيه منطقة التجنيد تاني يوم المحاكمة مش هتاخد وقت اللي بياخد وقت هو عند الشرطة العسكرية على ما يفطروا او لو كان الظباط عندهم خدمة بره