مين يعرف محامي تخصص قضايا التخلف عن التجنيد لمن تجاوزوا السن القانوني ؟

**أبو آسر** · 14-04-2015 11:06 PM

المشاركة الأصلية كتبت بواسطة Muhammed Samy

السلام عليكم يا جماعة.
أنا عندى 23 سنة و اتخرجت السنة اللى فاتت و متخلف عن الجيش دلوقتى و كنت عايز اعمل بدل فاقد لبطاقة الرقم القومى و قالولى انه ينفع اعملها اونلاين , بس كنت عايز اتأكد اذا كان موقفى من التجنيد مطلوب علشان اعمل بدل فاقد ولا لأ؟ و كمان انا بطاقتى القديمة كان فاضلها سنة واحدة و صلاحيتها تنتهى, هل بكده "بدل الفاقد" هيطلع بصلاحية سنة واحدة بس زى البطاقة القديمة ولا بـ7 سنوات عادى؟ شكراً و آسف على الاطالة, جزاكم الله خيرًا.

وعليكم السلام ورحمة الله
رديت عليك في موضوعك التاني
http://www.nilemotors.net/Nile/464067-a.html

**آسر محمد** · 16-01-2019 02:56 PM

المشاركة الأصلية كتبت بواسطة أبو آسر

والله أنا فعلا سمعت الكلام ده حرفيا بس خوفي من الموضوع مخليني عايز أتعلق في أي قشاية خاصة إن الجو مكهرب اليومين دول وأنا ملتحي والموضوع سمعت إن بيبقى فيه تحريات مخابرات فالعملية مرعبة بالنسبة ليا بصراحة ومش هستحمل خالص ألبس سنتين محاكمة عسكرية في سجن حربي علشان القاضي مش عاجبه منظري فبقول لو في محامين بيخلصوا القضايا دي ومعروفين أكيد القاضي بيعملهم اعتبار وكده بس مش متأكد ونفسي أصدق إن الموضوع بالسهولة اللي حضرتك بتقولها وإني بروح اتسأل سؤالين وأقول مبرراتي وأدفع الغرامة ومع السلامة !

أنا فعلا مهربتش أنا مروحتش من الأساس لأني كنت في الكلية وخلصت متأخر ولما خلصت كنت متجوز وعندي ولدين يعني أسرة بصرف عليها وبكفلها ومش هينفع أسيبهم وأروح الجيش ! فبالتالي أنا في حالة تخلف عن تأدية الخدمة مش هروب

طاب لو واحد كشف طبى واخد ال 110 جند ومشى ده تخلف ولا هرب ... ده رقم واحد ... رقم إتنين لو واحد اخد ال 110 جند علشان يخلص ورق معين وبعدين قدم فى الجيش بعدها بسنة بال 110 جند اللى خدها ايه موقفه ؟؟ ... شكرا لحضراتكم مقدما