عندى 4 لمبات مش شغاليين فى الفوانيس الامامية وطبعا لازم الكصدام يتحل و دى قصة فهل العضاء هنا يقدروا يفيدونى اكتر اذا كن ممكن اغييرهم من غير فك الاكصدام او كهربائى بيفهم فى نطاق مصر الجديدة
و شكـــــر اً
عندى 4 لمبات مش شغاليين فى الفوانيس الامامية وطبعا لازم الكصدام يتحل و دى قصة فهل العضاء هنا يقدروا يفيدونى اكتر اذا كن ممكن اغييرهم من غير فك الاكصدام او كهربائى بيفهم فى نطاق مصر الجديدة
و شكـــــر اً
انا بغير اللمبات عادى من غير ما احل الاكصدام بس هى مقرفه شويه
وعندك كمان فى طبه فى الكفر بتاع العجل الامامى ممكن تمد ايدك منها وتوصل للمبات
الاكصدام حله سهل انا حليته قبل كده وفكيت الفوانيس ونضفتها من الداخل بالميه والصابون
ما هو ده اللى انا عايز اعمله بالظبط ............عايز انظف الفوانيس و اغسلها و بالمرة المع بالكمبوند و عندى شرخ عايز الزقه علشان مايدخلش تراب تانى
بس موضوع فك الاكصدام ده مكسلنى مع ان انا اصلا غاوى فك و تركيب مفيش مشكلة
بس حضرتك شجعتنى
بس ممكن تقولى هو بعد ما نفك مسامير الكارتيرات و المسامير اللى فوق هل فيه حاجة تانية غيرهم يتفكوا ؟؟؟؟
و شكرااااا
الموضوع مش صعب ولا حاجه عشان انت بتفكر فيه بس ومكسل
لكن اتشجع كده وفضى نفسك للمهمه
اول حاجه هتفتح الكبوت وتشيل الفيبره الطويله وتحتها هتلاقى شفة الاكصدام وراشق فيها كلبسات فكها كلها
هتيجى من تحت العربيه هتلاقى الكساحه الفيبر مربوطه مع مسمارين المصفحه بتاعة الماتور
هتفك المسمارين
وبعدين تروح للعجله اليمين تفك المسامير بتاعة الكفر اللى مربوطه فى الاكصدام
ونفس الكلام مع العجله الشمال
وتمسك الاكصدام من عند الهويات بتاعته وتشده لبره هيطلع معاك
نزله على الارض
هتلاقى فيشه الفوانيس الشبوره شبكه فيها هتقوم فاكك الفيشه وشكرآ
كل فانوس هتلاقيه مربوط ب 3 مسامير
واحد من فوق وواحد من تحت وواحد من الجمب
فكهم وشيل الفانوس وشيل الفيشه بتاعته وشكرآ
هتشيل اللمبات كلها من الفوانيس
وهتمسك الفانوس وتحطه تحت الحنفيه وتحط جواه شويه صابون بريل
وترج بأيدك لغايت ما يعمل رغاوى جوه
اركنه على جمب وسيبه شويه بالصابون بتاعه عشان ينضف الوساخه اللى لازقه
وهتعمل نفس الحكايه مع الفانوس التانى
وبعد كده بقى اشطفهم بميه لغايت اما ميبقاش فيهم اي صابون
ولو عايز تلمع بره برحتك هات بولش وادعك
انا بفك اللمبات عادي من ورا الفانوس هي ضيقه شويه بس بكشاف هتعرف تعملها عادي
وكمان في مكان مخصوص في الكارتيره قدام العجل لو مديت ايدك منها هتوصل للمبات
و الله شكرا ياباشا و الله انت شجعتنى ابتدى حملة نظافة للفوانيس بس المية مش حتخل للمواتير بتوع الفوانيس؟؟؟؟
رامى الكهربائى فى صقر قريش 01117011346
انا اتشجعت و فكيت الاكصدام و الفوانيس الموضوع ماخدش 15 دقيقة ... و جارى غسل و تلميع الفوانيس و لسة حانزل اشترى اللمبات اللى محروقة و اغييرها _
الموضوع سهل بس عايز يكون فيه مكان فاضى و بال رايق شوية تركيز و اتكل على الله