مشكله فى المارش بتاع الفيرنا - ارجو المساعدة

السلام عليكم ورحمة الله وبركاته

انا عندى مشكلة فى المارش يقالها فترة طويلة لما اجى ادور العربية فى اى وقت مادورش الا بعد مع احاول

معها تلات اربع مرات روحت عند الكهربائى قالى دا ترس البندكس عايز يتغير بس قالى ان اللى موجود فى

السوق تروس بندكس صينى فأحسن استنا شوية وهات مارش كامل سألت على المارش الجديد اوريجنال

لقيته داخل فى 850 جنيه والمارش الكورى ومش لاقيه يعمله حوالى 550 جنيه

فأنتوا تنصحونى اجيب ترس بندكس بس ادور على حاجة كورى ولا اجيب مارش كامل واخلص

ولو حد يعرف اجيب المارش الكورى مش الاصلى منين يدلنى وجزاكم الله كل خير

العربية فيرنا موديل 2005 كورى 1600 سى سى وعاملة 136000 كم والعربية مانيوال

ملحوظة : انا مش مقتنع خالص بفكرة المارش الاستيراد (ليه معرفش ؟)

ولكم جزيل الشكر

متابع

مدام انت لو هتشتري مارش كامل كده كده هتستني يبقي استغل الوقت ده ف انك تدور علي ترس البندكس كوري والله لقيته خير وبركه ملقتوش يبقي مقدمكش حل تاني
وخلي بالك انه ممكن يقف مره واحده

اولا مارش الاستيرا د ممتاز ومش هيكمل 200 جنيه لو مش عاوز مارش خد منه الترس من مارش قديم ب50 جنيه مثلا وبكده تتحل المشكله

بشكركم جدا على الاهتمام وردكم السريع

بس عايز اعرف المارش الاستيراد ممتاز فى ايه وازاى اعرف انه ممتاز

اللى انا عارفه عن الاستيراد .. انه بيتاخد من عربية مستعملة والله اعلم بحالة العربية اللى متاخد منها قطعة الغيار عشان كده انا مش بفضل الاستيراد

وانصحونى برده لو فيه حاجة غلط فى اللى بقوله

وجزاكم الله كل خير

ياعم هات ترس مارش عادي من اللى في السوق هو بيقعد سنة وبعد كده بيتغير
مارش جديد ايه وبتاع ايه
هات ترس جديد هيقضي سنة معاك

بص فى حلين ياتجيب مارش استيراد ب 200-250
ياما تروح بردة لبتوع الاستيراد بتوع الماشات وتجيب ترس بندكس استيراد وتسيب المارش بتاعك
وهيدهولك ب 40 جنية ولا حاجة

جزاكم الله كل خير على النصيحة ... وربنا مايحرمنيش منكم ياشباب

المارش الاستيراد انا شاريه 180 جنيه --الاستيراد نوعين نوع بيجي من بره وطبعا المحل بيجربو والكهربائي بتاعك بيجربوا ولو فيه حاجه بترجعوا وده ممتاز --النوع التاني بتاع النصابين الي بيجيبوا الحاجات البايظه ويصلحوها وده مش كويس ابدا ---اخر الكلام الاستيراد بيتجرب وعليه ضمان الحل اسبوع او بالاتفاق