الموضوع: بخصوص الخليجي والمصري والجنوب افريقي

السلام عليكم ورحمة الله وبركاته
هتكلم وده مجرد رأي شخصي واهو نتعرف علي الناس الحلوه اللي في القسم ده بما اني بركب كرولا علي طول وصراحة كل الراحة فيها وانا جديد ونفتح نقاش شوية

بداية لاحظت ان الكل بيهاجم الكرولا كثيرا شوية عشان غالية
انا عايش في السعودية لي سنوات وقبل ما اسافر كان عندي لانسر في مصر
- للعلم ثقافة البيع والشراء في البلد بتفرق كتير جدا في سعر السيارة
طبعا مصر والسعودية نفس الثقافة ,, كرولا
بس صراحة مصر ضربت السعودية في مواصفات كرولا 2014 و 2015 في الكماليات فقط ...
طبعا نازله فئات كتير وفي السعودية 3 فئات ونزلو فئة جديده 2015 اسمها المطور
طبعا هنا الكرولا مثلا xli ود الاستاندر اتوماتيك او مانوال وفي xli اللي هو مطور وبيزيد شئ بسيط ( الجنوط والحساسات )
وفي gli اللي هو زي ما بنقول نص فل
وفي gli فل كامل بيزيد فتحة سقف وستارة والاهم عند الخليج الماكينه 2000 cc
وبصراحة ركبت انا 1600 و 2000 طبعا فرق السما من الارض 1600 اضعف في العزم والجري وكل شئ عن الكرولا وذلك القوة والحصان اقل

لكن نتكلم علي الشعبي اللذيذ بتاعنا اللي هو 1600

هنا زي هناك حاليا في الماكينه ومواصفاتها اصلا اتجددت شوية من حيث العزم والحصان الاول كانت تنزل في السعودية 107 حصان في 1600 سي سي لكن الان تنزل 121 حصان وده طبعا فرق في كل شئ .. والفل 143 حصان مع ماكينه 2000 سي سي

صراحة ركبت كرولا مصري وركبت سعودي .. هي فعلا السعودي او الخليجي تايواني والكماليات تعتبر هنا مسروقة من وكيلها المحترم وفعلا بيشيل شيل من الاوبشن زي المسجل وغيره

- الاير باج بينزل هنا في الكرولا 2 فقط لا غير وده عن تجربة بعكس مصر كرولا الجديده 4 ودي حاجه ممتازه


انا بصراحة سوقت الكرولا المصرية عيوبها مع ان سيارة جديده
( صوت الماكينه عالية وخاصة مع المكيف - الرساوة ضعيفة جدا خاصة لو علي ملف جامد - العربية بتلعب جدا - المكيف مش قوي زي الخليجي ) ده العام

اما الخاص الخامات المصرية زي الاوربية بالظبط تقريبا او مع اختلاف بسيط
اولا :الماكينه مصصمة علي حرارة اقل زي اوربا انما الحرارة في مصر اصبحت اعلي شوية
ثانيا : البوية نفسها وده من من افضل شئ هنا في الخليجي .. هنا مفيش حد بيغطي سيارته بتفضل نهار وليل في الشمس وبتبقي زي الفل الحمد لله
انما مصر لو فضلت في الشمس شهر تشقق وحصلت مع عربية أخويا نفسه لدرجة انه عملها جراج متغطي مخصوص


انا عامة الخليجي الخامات الصناعية احسن شوية وده اللي مخلي الخليجي افضل من كل النواحي

ومجرد مناقشة والاختلاف في الرأي لا يفسد للود قضية

أخوكم حاتم

يا حضرات احنا هنا موجودين فى المنتدى علشان نساعد بعض وكل واحد ينقل تجربته الشخصيه علشان اى حد غيرة يستفيد من التجربه دة والمفروض اننا ما نستهزش ببعض او اراء بعض وثقافه الاختلاف لازم تبقى شئ راسخ جوانا فلو سمحتوا نتعامل من منطلق الاخوة وليس التريقة او الاستهزاء ببعض واخيرا الاختلاف لا يفسد للود قضيه