البحث عن بنك محترم في البلد دة

انا من طنطا ومحتاج افتح حساب بنك في مصر
في اجماع ان بنك اتش اس بي سي الاحسن في مصر من كل النواحي كخدمة عملاء و تحويلات
و بصراحة انا مقتنع بكدة حتي اخويا عندة حساب فية لكن لما كان الفرع ال في طنطا موجود
دلوقت في المنصورة
في اكتر من بنك في طنطا و عايز اخد رايكم انا متعملتش في بنك في مصر قبل كدة
فية في طنطا البنك الاهلي ر و بنك العربي الافريقي و الباقي انا مش مهتم بيهم غير اتش اس بي سي بس للاسف فرع طنطا اتقفل و دلوقت اقرب فرع ليا المنصورة
البنك الاهلي لوكال قوي و اسمع انك بتقعد طبور طويل و الموظفين بطاء بشكل غير طبيعي و كل موظف يبعتك للجمبية دة ال سمعتة اصدقاء ليا
البنك العربي الافريقي معرفش حد عميل لية لكن دخلت علي صفحة البنك ال عالفيس بوك لقيت شكاوي في كل حاجة مع ان الفرع ل في طنطا شكلة نضيف قوي و محترم مش عارف اية رايكم
ولا خاب من استشار
:213-1107231241[1]:

من تعاملى مع بعض البنوك منهم الوطنى ومنهم الاجنبى... ووجدت فعلا الافضل ويجمع بين خدمه الاجنبى ومصاريف الوطنى

هو البنك العربى الافريق فعلا ... اكتر بنك استريحت فى التعامل معاه.. واسوئهم على الاطلاق بنك فيصل يليه بنك مصر والاسكندريه .. ويليه باركليز لاانصح احد بالتعامل مع باركليز بالذات

Qnb وياريت تكون ادفانس

انا عندي حساب في بنك مصر والاهلي و qnb
الافضل بلا منازع هي البنك الاهلي كفاية انك بتلاقي atm في كل خرم ابره عيبه الاساسي الزحام الرهيب

من أسوأ بنوك مصر بنك اتش اس بي سي
وعن تجربة

بنوك مصر كلها زباله مع احترامى للى شغالين فيها

شوف انا بتعامل مع البنك الاهلي وليا حساب داخل علي 8 سنين
البنك كبير وعملائة كتير ودايما شريك في عروض مختلفة لانه اكبر نسبة عملاء ...
الخدمة فيه كويسة بس يعيبة الدور والطابور الطويل فعلاً لكن البنك له 3 فروع في طنطا ، و فرع الجامعة في طنطا هادي ومفيش دور اصلا !
اخر حاجة مكن الصرف البنك الاهلي موجود في مناطق كتيرة ودا مش متوفر لاي بنك تاني
في المحطة وجامعة طنطا و النادي و اول البحر واخر البحر " امام ال cib و شارع سعيد و ماركت مترو .. ودي حاجة كويسة
خدمة الاهلي انترنت كويسة وبتراقب حسابك بشكل جيد من موقع البنك الاهلي ولكن يعيبة انه مجرد مراقبة يعني تشوف اخر 10 عمليات سحب وايداع والرصيد ... يعني لا تحويلات او ايداع وسحب والكلام الموجود في بنوك اخري ودي شايفها ميزة مش عيب للي حركة حسابة مش كبيرة
فيزا الانترنت - تجربتي جيدة مع البنك ولم يحدث مشاكل معاهم بسبب الفيزا وبشتري كتير من الانترنت وبروح اعمل ايداع براحتي خلال 50 يوم او ممكن اطلب السحب من الحساب ديركت لتسديد الفيزا ودي انا مش مفعلها

سؤال للاستاذ صاحب الموضوع
حضرتك عايز تفتح حساب في بنك عشان اية؟

حاسس انّي عايز أعيّط وانا بقولها .. لكن البنك الأهلي فعلاً هو افضل الوحشين.

اقتباس:

---

المشاركة الأصلية كتبت بواسطة pioneerahmed

سؤال للاستاذ صاحب الموضوع
حضرتك عايز تفتح حساب في بنك عشان اية؟

---

لان انا نازل مصر اجازة و اكتشفت ان الحد المعين انك تغادر بية اقل من ال محتاجة
الاسهل التحويل البنكي مش كدة
انا عندي حساب في بنك لويدز في بريطانيا ممكن احول لحسابات شخصية او اي تحويل من الانترنت بنكي ساعات بشتري حاجات من الفيس بوك مثلا و بدفع بتحويل بنكي حاجات رخيصة وممكن احول لحسابات دولية بس المدة بتبقي اطول
. فالمستقبل مثلا محتاج اجيب عربية او شقة ف مصر ا فالاسهل انك تحول لمصر مش كدة
ثانيا الكريدت بتاعي ممكن استعملة في مصر لكن البنك بتاعي بياخد مصاريف
الات ام بياخد مصاريف و البنك بتاع الات ام بياخد فرق تحويل كبير
سؤال للاستاذ صاحب السؤال بتسال لية :]

لان انا موظف في بنك
و لان لو حضرتك محتاج خدمة معينة هدل حضرتك على افضل بنك يقدملك الخدمة دي في مصر
عامة طالما حضرتك في انجلترا يبقي ممكن تفتح حساب في hsbc بس بمبلغ محترم لانهم عندهم خدمة انك ممكن تتعامل على حسابك من الفرع الام في انجلترا
بس لازم تكون عميل premier عندهم و دة بيبدا من اول 100000 دولار او ما يعادلها باي عملة
و طالما المبلغ دة انت هتعملة تحويل بنكي من لويدز يبقي متقلقش من موضوع غسل الاموال

و تحت امرك في اي استفسار

اة قبل ما انسي كنت بس احب اقول للاخوة الافاضل الى مش عاجبهم بنوك مصر ان لولا قوة الجهاز المصرفي المصري ما كانش حضراتكو لقيتو فلوسكو بعد ازمة 2008 و ازمة البلد اثناء و بعد الثورة

و الله يا ريت ربع الشعب المصري بيشتغل ربع الشغل الي بيشتغلوة موظفين البنوك
كان زمانا دولة عظمي

اقتباس:

---

و الله يا ريت ربع الشعب المصري بيشتغل ربع الشغل الي بيشتغلوة موظفين البنوك
كان زمانا دولة عظمي

---

انا كده لامؤخذة هشتم وهقل أدبي

احنا مش عاجبنا بنوك مصر يا استاذنا الفاضل مش علشان هى مصريه لا
علشان اللى شغالين فيها اسلوبهم وطريقه تعاملهم اغلبهم تكشيره واسلوب غبى فى الرد

لكن البنوك الاجنبيه ويعمل بها مصريين وتقريبا اغلبهم خارجين من بنوك وطنيه فرق رهيب فى المعامله..وكله بحسابه
وتقريبا البنك الوحيد اللى لقيته بيجمع بين الاتنين يعنى بنك يعتبر وطنى وبمعامله البنك الاجنبى..هو العربى الافريقى

اقتباس:

---

اة قبل ما انسي كنت بس احب اقول للاخوة الافاضل الى مش عاجبهم بنوك مصر ان لولا قوة الجهاز المصرفي المصري ما كانش حضراتكو لقيتو فلوسكو بعد ازمة 2008 و ازمة البلد اثناء و بعد الثورة

و الله يا ريت ربع الشعب المصري بيشتغل ربع الشغل الي بيشتغلوة موظفين البنوك
كان زمانا دولة عظمي

---

ونسيت اشكر حضرتك بما انك موظف فى بنك وطنى واشكر كل البنوك المصريه انها .. منت.. علينا وحافظت على فلوسنا.. اللى هو المفروض دورها.. وياريت فعلا الشعب المصرى كله يشتغل ربع شغل موظفى البنوك ويكون مرتباتهم زى موظفى البنوك بردوا .. فعلا كنا هنبقى دوله عظمى

اقتباس:

---

المشاركة الأصلية كتبت بواسطة pioneerahmed

لان انا موظف في بنك
و لان لو حضرتك محتاج خدمة معينة هدل حضرتك على افضل بنك يقدملك الخدمة دي في مصر
عامة طالما حضرتك في انجلترا يبقي ممكن تفتح حساب في hsbc بس بمبلغ محترم لانهم عندهم خدمة انك ممكن تتعامل على حسابك من الفرع الام في انجلترا
بس لازم تكون عميل premier عندهم و دة بيبدا من اول 100000 دولار او ما يعادلها باي عملة
و طالما المبلغ دة انت هتعملة تحويل بنكي من لويدز يبقي متقلقش من موضوع غسل الاموال

و تحت امرك في اي استفسار

اة قبل ما انسي كنت بس احب اقول للاخوة الافاضل الى مش عاجبهم بنوك مصر ان لولا قوة الجهاز المصرفي المصري ما كانش حضراتكو لقيتو فلوسكو بعد ازمة 2008 و ازمة البلد اثناء و بعد الثورة

و الله يا ريت ربع الشعب المصري بيشتغل ربع الشغل الي بيشتغلوة موظفين البنوك
كان زمانا دولة عظمي

---

شكرا للتوضيح انا مش معترض عالبنوك الحكومية
لو شفت انا كاتب الموضوع عن خدمة العملاء و الاسرع في العمل
ياعني انا اتصلت بخدمة العملاء في البنك الاهلي ربع ساعة محدش رد
اتش اس بي سي مكنش فية انتظار
بس اعرف ان البنك الاهلي اكبر بنك في مصر و اكتر ارباح ياعني هو مش ناقص عملاء
ولو الناس مرحتش البنوك التانية مافيش فروع اكتر هتفتح و وظائف هتتخلق و هكذا
التنوع حلو و ال مش عاجبة دة يروح دة
ثانية ال اعرفة ان البنك المركزي في 2008 هو التحرك ياعني كان في ناس في بنوك بتسحب من بنوك تانية مش عملاء فيها و كل بنك في مصر لازم البنك المركزي يحتفظ بنسبة من اموالة كضمان او حاجة زي كدة و معظم البنوك الاجنبية كبيرة
انت اية رايك في العربي الافريقي ؟

اقتباس:

---

المشاركة الأصلية كتبت بواسطة anaslbda

انا كده لامؤخذة هشتم وهقل أدبي

---

شكلهم في بنك حكومي عملوا معاك مشكلة .

اقتباس:

---

المشاركة الأصلية كتبت بواسطة pioneerahmed

و الله يا ريت ربع الشعب المصري بيشتغل ربع الشغل الي بيشتغلوة موظفين البنوك
كان زمانا دولة عظمي

---

لا معلش ، موظفين البنوك الحكومية واخدين حقهم وزيادة قصاد مجهودهم.. ورغم ذلك بشوف تعامل بعضهم السىء مع الناس البسيطة او الغلابة بمعني اصح..
عايز اقولك انا مرة واقف في ال cib مع صديق عميل لديهم ، جالي 3 موظفين خدمة عملاء .. شرفتنا ونقدر نساعدك في ايه ياافندم .. مش شغل موظفين البنك الاهلي وغيرة من الحكومي ، يسيبك و الرغي الكتير و استني بالرقم ولو مجريتش ع الشباك في رقمي ينادي ع الي بعدة.. عموما البنوك الحكومية اتحسنت كتييييير الكام سنة الاخيرة بس لسه في سلبيات.. ومصر هتبقي دولة عظمي لما مبدئياً كدا فوائد البنوك تتلغي والناس تسحب فلوسها وتنزل السوق وتبدع و تشغلها..

اة ابتدا الهجوم
طيب مبدئيا انا مش شغال في بنك حكومة
انا شغال في بنك قطاع خال
ثانيا لو هنتكلم عن البنك الاهلى و انو اكبر بنك في مصر و دة صحيح بس مش عشان كفائتة و لا شطارة موظفين لا خالص دة ببساطة لانة يملك لوحدة 28% من اصول جمهورية مصر العربية
و دة من زمن الزمن و قصاد كل دة بيطلع ارباح تقريبا مش محصلة 4 مليار جنية في السنة مع ان في بنك تاني اسمة cib بيطلع ارباح 3.5 مليار جنية بامكانيات متحصلش عشر الى عند البنك الاهلى تفتكرو دة لية؟!!!
ثالثا انا مش بتكلم على بنك بعينو لان طبعا في الكويس و المتوسط دة بالنسبة للقطاع الخاص و دة الى بيفرق لان غير مسموح بالسيء تماما لان الموظف السيء ببساطة هيترفد و يعد في بيتو فمفيش اى اختيار عندو غير انو يشتغل صح بالنسبة للقطاع العام في السيء و الاسوا زي اى مصلحة حكومة
انا بتكلم على نظام مصرفي حاطة البنك المركزي كسياسات عامة لكل البنوك و هى دي الى محافظة على اقتصاد البلد دي لحد دلواتي و لو حضراتكو مش ملاحظين دة يبقي اكيد في حاجة غلط

اما بالنسبة لمرتبات البنوك احب اقول لحضرتك انها مش زي محضرتك متخيل و لو حابب تعرف مرتب اي درجة وظيفية في اى بنك كام بلظبط ممكن اقول لحضرتك ببساطة لانو مش رقم كبير بالعكس رقم قليل كمان

بالنسبة للبنك العربي الافريقي هو بنك كويس بس كان افضل من كدة بكتير الاول يعني مثلا سنة 2007 كان افضل بنك في مصر انما بعد كدة نزل جامد
بس بالنسبة لظروف حضرتك اعتقد انك مش هتلاقي افضل من hsbc و دة لان. هو متفرد بموضوع التعامل على حسابك من اي فرع في العالم

اقتباس:

---

المشاركة الأصلية كتبت بواسطة طارق _عبد السلام

احنا مش عاجبنا بنوك مصر يا استاذنا الفاضل مش علشان هى مصريه لا
علشان اللى شغالين فيها اسلوبهم وطريقه تعاملهم اغلبهم تكشيره واسلوب غبى فى الرد

لكن البنوك الاجنبيه ويعمل بها مصريين وتقريبا اغلبهم خارجين من بنوك وطنيه فرق رهيب فى المعامله..وكله بحسابه
وتقريبا البنك الوحيد اللى لقيته بيجمع بين الاتنين يعنى بنك يعتبر وطنى وبمعامله البنك الاجنبى..هو العربى الافريقى

---

البنك العربي الافريقي مش مصري بالكامل
في 49% كويتي
البنك القطاع الخاص الوحيد في مصر الى مصري بالكامل هو cib

اقتباس:

---

المشاركة الأصلية كتبت بواسطة pioneerahmed

اة ابتدا الهجوم
طيب مبدئيا انا مش شغال في بنك حكومة
انا شغال في بنك قطاع خال
ثانيا لو هنتكلم عن البنك الاهلى و انو اكبر بنك في مصر و دة صحيح بس مش عشان كفائتة و لا شطارة موظفين لا خالص دة ببساطة لانة يملك لوحدة 28% من اصول جمهورية مصر العربية
و دة من زمن الزمن و [OVERLINE]قصاد كل دة بيطلع ارباح تقريبا مش محصلة 4 مليار جنية في السنة[/OVERLINE] مع ان في بنك تاني اسمة cib بيطلع ارباح 3.5 مليار جنية بامكانيات متحصلش عشر الى عند البنك الاهلى تفتكرو دة لية؟!!!
ثالثا انا مش بتكلم على بنك بعينو لان طبعا في الكويس و المتوسط دة بالنسبة للقطاع الخاص و دة الى بيفرق لان غير مسموح بالسيء تماما لان الموظف السيء ببساطة هيترفد و يعد في بيتو فمفيش اى اختيار عندو غير انو يشتغل صح بالنسبة للقطاع العام في السيء و الاسوا زي اى مصلحة حكومة
انا بتكلم على نظام مصرفي حاطة البنك المركزي كسياسات عامة لكل البنوك و هى دي الى محافظة على اقتصاد البلد دي لحد دلواتي و لو حضراتكو مش ملاحظين دة يبقي اكيد في حاجة غلط

اما بالنسبة لمرتبات البنوك احب اقول لحضرتك انها مش زي محضرتك متخيل و لو حابب تعرف مرتب اي درجة وظيفية في اى بنك كام بلظبط ممكن اقول لحضرتك ببساطة لانو مش رقم كبير بالعكس رقم قليل كمان

---

لا عشان هو بنك حكومي يا باشا :Y_hi_3[1]:
البروقراطية و اهدار المال العام في أبهى صورها و انا عندي حكاوي من هنا لبكره عن البنك دا مع اني عميل فيه و اغلب فلوسي حاططها فيه برضه لك احنا في مصر مش في سويسرا. و طبعا البنوك مش هتطلع يعني هي الحاجة العبقرية اللي في البلد فياريت ميبقاش الدفاع بالشكل المبالغ فيه دا ضد اي انتقاد لانه بيستفزنا وهيتقلب بهجوم على البنوك.

اقتباس:

---

المشاركة الأصلية كتبت بواسطة هيثم مجدي

لا عشان هو بنك حكومي يا باشا :y_hi_3[1]:
البروقراطية و اهدار المال العام في أبهى صورها و انا عندي حكاوي من هنا لبكره عن البنك دا مع اني عميل فيه و اغلب فلوسي حاططها فيه برضه لك احنا في مصر مش في سويسرا. و طبعا البنوك مش هتطلع يعني هي الحاجة العبقرية اللي في البلد فياريت ميبقاش الدفاع بالشكل المبالغ فيه دا ضد اي انتقاد لانه بيستفزنا وهيتقلب بهجوم على البنوك.

---

من رد الاستاذ المحترم المدافع عن اسلوب موظفى البنوك الوطنيه اكد كلامى ان معاملتهم سيئه جدا للعملاء تخيل ان فى داخلهم انهم بيمنوا على العميل وعايز يقول للعميل احمد ربنا انك فاتح حساب عندنا.. ولازم تقف فى الطابور زى ال........ واياك تتذمر من المعامله السيئه.. اسلوب بيروقراطى عقيم جدا ..حصلى موقف سىء جدا مع بنك وطنى المفروض انه اسلامى بسبب موظف مينفعش معاه غير انه ينطرد فعلا من الكشك اللى هو شغال فيه وكلمته باسلوب محترم وفضل متمادى فقلت له بالاسلوب ده هسحب فلوسى من البنك قال لى اتفضل خد فلوسك وفعلا اخدتها وفى نفس اليوم رحت للبنك الاجنبى تخيل انك فى الاجنبى بادىء معاهم عميل ..بريمير ..والاسلوب الراقى جدا مبتقمش من مكانك على مابتخلص المشروب بينفذ لك طلباتك فى قمه الاحترام مش بيديك فرصه اصلا انك تتضايق لكن اعوذ بالله من بتوع الوطنى ..اقسم بالله موظف يقولى انت شغال فى ايه طيب ممكن بدلتين جينز لابنى .. ده فى الوطنى..ونفس البنك موظف الخزنه عمرى ما حطيت فلوس الا وينعكشها ويفرقها قدامه بطريقه كأننا فى سوق خضار ..وياخد منهم كم ورقه ويروح لموظف تانى قال ايه شاكك انهم مزورين ويرجع تانى يعد مع ان عنده ماكينه كشف التزوير وبعد عداد الفلوس يعدهم باديه ويفركهم ورقه ورقه تخيل الوقت كتير جداوورايا ناس تانيه وبعدها يقولى ناقصين من 100 الى 300 مثلا .... مع انهم معدودين اكتر من مره...

عادى بقى ياريت نشتغل ربع شغلهم لانهم الوحيدين اللى بيشتغلوا فى البلد وكل البلد تنابله..مع ان لولا التنابله مكنش موظف البنك لقى شغل اصلا .. منطق غريب وفكر متعالى جدا

طيب سؤال خارج السياق بعد اذن صاحب الموضوع
انا ان شاء الله مسافر امريكا السنة الجاية ... ايه احسن بنك افتح فيه حساب بحيث اقدر استخدم الكريدت كارد بتاعته عشان مصاريفي هناك لان انا ليا حسابي فى البنك الاهلى و مش هيفيدنى فى الموضوع ده

البنوك الوطنيه زحمه جدا جدا جدا وسبحان الله فروعها كتير وبرضه زحمه !! تخيل مره بنك من البنوك فرض غرامه 5 جنيه على السحب من الشباك عشان الناس تنزل تسحب من atm ...اعتقد دى ثقافه عملاء البنوك الوطنيه الثقه فى بنوك الحكومه بيخليها زحمه جدا

اقتباس:

---

المشاركة الأصلية كتبت بواسطة mk3

البنوك الوطنيه زحمه جدا جدا جدا وسبحان الله فروعها كتير وبرضه زحمه !! تخيل مره بنك من البنوك فرض غرامه 5 جنيه على السحب من الشباك عشان الناس تنزل تسحب من atm ...اعتقد دى ثقافه عملاء البنوك الوطنيه الثقه فى بنوك الحكومه بيخليها زحمه جدا

---

بقت 10 جنيه على السحب الاقل من 5000 من اول اكتوبر 2014
الزحام بسبب صرف المعاشات و التحويلات كسبب رئيس.
البنك بيخلي كل شبابيك ال teller تصرف المعاشات و التحويلات.
فانت كعميل للبنك بتضطر تستنى دورك و دا سوء ادارة من البنك طبعا
زمان في 2009 كان فيه شباك خاص للفيزا كارد, و شباكين او تلاته للعملاء .
بس لغوا الموضوع دا عشان يريحوا دماغهم.

كله زى بعضه

خليك فى الأهلى منتشر و مضمون

اقتباس:

---

المشاركة الأصلية كتبت بواسطة طارق _عبد السلام

من رد الاستاذ المحترم المدافع عن اسلوب موظفى البنوك الوطنيه اكد كلامى ان معاملتهم سيئه جدا للعملاء تخيل ان فى داخلهم انهم بيمنوا على العميل وعايز يقول للعميل احمد ربنا انك فاتح حساب عندنا.. ولازم تقف فى الطابور زى ال........ واياك تتذمر من المعامله السيئه.. اسلوب بيروقراطى عقيم جدا ..حصلى موقف سىء جدا مع بنك وطنى المفروض انه اسلامى بسبب موظف مينفعش معاه غير انه ينطرد فعلا من الكشك اللى هو شغال فيه وكلمته باسلوب محترم وفضل متمادى فقلت له بالاسلوب ده هسحب فلوسى من البنك قال لى اتفضل خد فلوسك وفعلا اخدتها وفى نفس اليوم رحت للبنك الاجنبى تخيل انك فى الاجنبى بادىء معاهم عميل ..بريمير ..والاسلوب الراقى جدا مبتقمش من مكانك على مابتخلص المشروب بينفذ لك طلباتك فى قمه الاحترام مش بيديك فرصه اصلا انك تتضايق لكن اعوذ بالله من بتوع الوطنى ..اقسم بالله موظف يقولى انت شغال فى ايه طيب ممكن بدلتين جينز لابنى .. ده فى الوطنى..ونفس البنك موظف الخزنه عمرى ما حطيت فلوس الا وينعكشها ويفرقها قدامه بطريقه كأننا فى سوق خضار ..وياخد منهم كم ورقه ويروح لموظف تانى قال ايه شاكك انهم مزورين ويرجع تانى يعد مع ان عنده ماكينه كشف التزوير وبعد عداد الفلوس يعدهم باديه ويفركهم ورقه ورقه تخيل الوقت كتير جداوورايا ناس تانيه وبعدها يقولى ناقصين من 100 الى 300 مثلا .... مع انهم معدودين اكتر من مره...

عادى بقى ياريت نشتغل ربع شغلهم لانهم الوحيدين اللى بيشتغلوا فى البلد وكل البلد تنابله..مع ان لولا التنابله مكنش موظف البنك لقى شغل اصلا .. منطق غريب وفكر متعالى جدا

---

من اسبوع تقريبا انا كنت عامل موضوع بسال عن تحويل مبلغ من قطر , و الاغلبية قالولي المبلغ صغير مش مشكلة ماعدا صديق ليا قالي بلاش. و كنت خلاص هحولة على بره بدل وجع الدماغ لكن حصل ظروف منفعش للي بيحولي الفلوس

رحت من تلات ايام البنك عشان استلم التحويل.
لما لقى التحويل من قطر لف البطاقة بتاعتي و بص على خانة المهنة (دا مش من حقه طبعا) و لما لقاها طالب راح باصص لي بنظرة ذات مغزى (اللي هو ايوا هو انتو اللي خاربين البلد يابتوع التمويل)

المفروض اني امضي على الاستلام, خلاني اكتب اسمي مرتين . مرة على الوصل من الامام و مرة من الخلف وكان التحويل (cash to cash) يعني مش مضطر امضي بشكل معين او حاجة لكن تلكيك و السلام
رحت عامل كدا, راح قالي السنة بتاعت هيثم مش متشابهة, لو سمحت اكتبه كمان مرة.
رحت كاتبه للمرة التالتة, قالي لأ انت كتبت القاف رقعه هنا و هنا نسخ لو سمحت كمان مرة (في اسم الجد الأخير).
رحت كاتبه مرة رابعه. قالي تمام ثواني.

و سابني و معرفش راح يعمل ايه. و رجع بص على الكمبيوتر شوية و تقريبا كتب note و بعد كدا قالي خلاص اتفضل.

لما موظف بنك يشتغل وكيل نيابة و يوقفني قدامه 10 دقايق ويبص في بطاقتي على خانة المهنة ويعطلني بحجج وهمية عشان يبلغ مديرة ان فيه واحد جالة تحويل من قطر 4000 دولار يبقى مش احسن ناس بتشتغل ولا حاجة دي اسمها خيابة فعلا.

اقتباس:

---

المشاركة الأصلية كتبت بواسطة هيثم مجدي

من اسبوع تقريبا انا كنت عامل موضوع بسال عن تحويل مبلغ من قطر , و الاغلبية قالولي المبلغ صغير مش مشكلة ماعدا صديق ليا قالي بلاش. و كنت خلاص هحولة على بره بدل وجع الدماغ لكن حصل ظروف منفعش للي بيحولي الفلوس

رحت من تلات ايام البنك عشان استلم التحويل.
لما لقى التحويل من قطر لف البطاقة بتاعتي و بص على خانة المهنة (دا مش من حقه طبعا) و لما لقاها طالب راح باصص لي بنظرة ذات مغزى (اللي هو ايوا هو انتو اللي خاربين البلد يابتوع التمويل)

المفروض اني امضي على الاستلام, خلاني اكتب اسمي مرتين . مرة على الوصل من الامام و مرة من الخلف وكان التحويل (cash to cash) يعني مش مضطر امضي بشكل معين او حاجة لكن تلكيك و السلام
رحت عامل كدا, راح قالي السنة بتاعت هيثم مش متشابهة, لو سمحت اكتبه كمان مرة.
رحت كاتبه للمرة التالتة, قالي لأ انت كتبت القاف رقعه هنا و هنا نسخ لو سمحت كمان مرة (في اسم الجد الأخير).
رحت كاتبه مرة رابعه. قالي تمام ثواني.

و سابني و معرفش راح يعمل ايه. و رجع بص على الكمبيوتر شوية و تقريبا كتب note و بعد كدا قالي خلاص اتفضل.

لما موظف بنك يشتغل وكيل نيابة و يوقفني قدامه 10 دقايق ويبص في بطاقتي على خانة المهنة ويعطلني بحجج وهمية عشان يبلغ مديرة ان فيه واحد جالة تحويل من قطر 4000 دولار يبقى مش احسن ناس بتشتغل ولا حاجة دي اسمها خيابة فعلا.

---

معاك حق
دة بنك اية ؟ولية معملتش شكوة انت ممكن تشوف اسمة و تشتكية
وتتصل بخدمة العملاء تعرف اية ال حصل بعد ماشتكيتة
وهوكتب اية في النوت طيب في الغالب الوقت و التاريخ عشان يجيب صورتك من الكاميرا ممكن تكون تعليمات البنك محدش بيعمل كدة :]

افضل بنك باركليز

صل على رسول الله

صل على رسول الله ل

سبحان الله وبحمده سبحان الله العظيم